ព័ត៌មានអន្ដរជាតិ

UN ថា មនុស្ស១.៦ប៊ីលាននាក់កំពុងរងផលប៉ះពាល់ពីសង្គ្រាមអ៊ុយក្រែន

បានផុស

២ years មុន

នៅ

ថ្ងៃព្រហស្បតិ៍ ៩ មិថុនា ២០២២

ដោយ

ប្រមុខអង្គការសហប្រជាជាតិ (UN) លោក Antonio Guterres បាននិយាយកាលពីថ្ងៃពុធ ទី៨ ខែមិថុនា ថា ផលវិបាកសម្រាប់ពិភពលោកពីការវាយប្រហាររបស់រុស្ស៊ីនៅអ៊ុយក្រែនកាន់តែធ្ងន់ធ្ងរដែលទំនងជាមនុស្សប្រមាណ១.៦ប៊ីលាននាក់រងផលប៉ះពាល់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកអគ្គលេខាធិការមានប្រសាសន៍ក្នុងការបង្ហាញរបាយការណ៍ទី២របស់ UN ស្តីអំពីផលប៉ះពាល់នៃជម្លោះថា ៖«ឥទ្ធិពលនៃសង្គ្រាមលើសន្តិសុខស្បៀង ថាមពល និងហិរញ្ញវត្ថុគឺធ្ងន់ធ្ងរ ជាប្រព័ន្ធ និងកំពុងកើនឡើង»។

លោកបានលើកឡើងថា សម្រាប់មនុស្សទូទាំងពិភពលោក សង្គ្រាមកំពុងគំរាមកំហែងក្នុងរលកនៃភាពអត់ឃ្លាន និងទុរ្ភិក្សមិនធ្លាប់មាន បណ្តាលឲ្យកើតមានភាពវឹកវរសង្គម និងសេដ្ឋកិច្ច។ ឆ្នាំនេះ វិបត្តិស្បៀងអាហារគឺប្រហែលជាខ្វះក្នុងការទទួលបាន នៅឆ្នាំក្រោយអាចជាការខ្វះខាតស្បៀងអាហារតែម្តង។

ក្នុងសុន្ទរកថា លោកបានអង្វរថា ៖«មានវិធីតែមួយគត់ដើម្បីបញ្ចុះគំនរទុក្ខនេះ គឺការវាយប្រហាររបស់រុស្ស៊ីនៅអ៊ុយក្រែនត្រូវតែបញ្ចប់»។

ប្រមុខដឹកនាំស្ថាប័នពិភពលោកបានបញ្ជាក់ថា លោកបានស្នើទៅសហសេវិកឲ្យជួយស្វែងរកកញ្ចប់កិច្ចព្រមព្រៀងដែលអនុញ្ញាតឲ្យមានការនាំចេញស្បៀងអាហារដែលផលិតដោយអ៊ុយក្រែនឆ្លងកាត់សមុទ្រខ្មៅ (Black Sea) ប្រកបដោយសុវត្ថិភាព និងសន្តិសុខ។