Connect with us

ព័ត៌មានអន្ដរជាតិ

យន្តហោះដឹកទំនិញគ្រឿងផ្ទុះ អ៊ុយក្រែន ធ្លាក់នៅប្រទេស ក្រិក (មានវីដេអូ)

បានផុស

នៅ

យន្តហោះដឹកទំនិញដែលដំណើរការដោយក្រុមហ៊ុនអាកាសចរណ៍អ៊ុយក្រែន បានធ្លាក់នៅភាគខាងជើង​នៃ​ប្រទេស​ក្រិក ខណៈ កំពុង​ផ្ទុក​សម្ភារ​គ្រោះថ្នាក់​ចំនួន ១២ តោន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកស្រុកដែលបានឃើញហេតុការណ៍​​រាយការណ៍ថា​ ​ពួកគេ​ឃើញដុំភ្លើង និងឮសំឡេងផ្ទុះ​អស់រយៈពេល​ពីរ​ម៉ោង​ បន្ទាប់ពីយន្តហោះ Antonov បានធ្លាក់លើដីស្រែក្បែរទីក្រុង Kavala ។

យោងតាមអាជ្ញាធរអាកាសចរណ៍ស៊ីវិលក្រិក បាន​ឲ្យដឹង​ថា យន្តហោះ An-12 សម័យ​សូវៀត បាន​ធ្វើដំណើរ​ពី​ប្រទេស​ស៊ែប៊ី ទៅកាន់​ប្រទេស​ហ្ស៊កដានី ហើយមនុស្ស៨នាក់បាននៅលើយន្តហោះនេះ ហើយ​ថា​ ​វា​ផ្ទុកនូវសម្ភារ​គ្រោះថ្នាក់ ចំនួន ១២តោន ដែល​ភាគ​ច្រើន​ជា​គ្រឿងផ្ទុះ។

ទូរ​ទស្សន៍​រដ្ឋ ERT បានរាយការណ៍ថា ទាហាន និងអ្នកជំនាញគ្រឿងផ្ទុះកំពុងធ្វើដំណើរទៅ​កាន់កន្លែង​នោះ។ យ៉ាង​ណា​ក៏ដោយ ក្រុម​មន្ត្រី​បាន​និយាយ​ថា ពួកគេ​មិន​មាន​ព័ត៌មាន​ជាក់លាក់​អំពី​ទំនិញ​នោះ​ទេ ។

អាជ្ញាធរអាកាសចរណ៍ស៊ីវិលរបស់ប្រទេសក្រិក បាននិយាយថា អ្នកបើកយន្តហោះ​បាន​គ្រប់គ្រង​ការជូនដំណឹងដល់អាជ្ញាធរ​ អំពីបញ្ហា​នៅក្នុងម៉ាស៊ីនមួយរបស់យន្តហោះ។ គាត់ត្រូវបានគេផ្តល់ឲ្យនូវជម្រើសនៃការចុះចតនៅអាកាសយានដ្ឋានទាំងក្នុងទីក្រុង Thessaloniki ឬ Kavala ហើយគាត់បានជ្រើសរើស Kavala ដែល​កាន់តែខិតជិត​ដោយនិយាយថា ​គាត់ត្រូវតែចុះចតជាបន្ទាន់។

ទោះបីជាយ៉ាងណាក៏ដោយ ការទំនាក់ទំនងជាមួយយន្តហោះបានផ្ដាច់ភ្លាមៗ ហើយយន្តហោះ​បាន​ធ្លាក់ប្រហែល ៤០ គីឡូម៉ែត្រ ភាគខាងលិច​ព្រលានយន្តហោះ៕

សូមទស្សនាវីដេអូខាងក្រោម៖

ប្រែសម្រួល៖ សាង ស្រីល័ក្ខ

ប្រភព៖SKY

ចុចអាន៖សម្ព័ន្ធបក្សកាន់អំណាច ស្រីលង្កា បដិសេធមិនបោះឆ្នោតជ្រើសរើសប្រធានាធិបតី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម