Connect with us

ព័ត៌មានអន្ដរជាតិ

សម្ព័ន្ធបក្សកាន់អំណាច ស្រីលង្កា បដិសេធមិនបោះឆ្នោតជ្រើសរើសប្រធានាធិបតី

បានផុស

នៅ

សម្ព័ន្ធបក្សកាន់អំណាចស្រីលង្កា ដែលជាកម្លាំងដ៏ធំបំផុតមួយក្នុងក្រុមចម្រុះកំពុងកាន់អំណាច បានបដិសេធមិនតែងតាំងបេក្ខជនរបស់ខ្លួន សម្រាប់ការបោះឆ្នោតប្រធានាធិបតី នេះបើយោង​តាម​គេហទំព័រ​ព័ត៌មាន​ស្រីលង្កា Ada Derana បានរាយការណ៍កាលពីថ្ងៃសៅរ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើ​តាម​ការ​លើក​ឡើង​របស់​មេ​បក្ស​ Maithripala Sirisena​ ថា​ គណបក្ស​របស់លោក​នឹង​អវត្តមាន​ក្នុង​ការ​បោះឆ្នោត​ជ្រើសរើស​ប្រធានាធិបតី ដោយសារតែមានបេក្ខជនជាច្រើនរួចហើយ ដែល​បាន​ប្រកាសពីចេតនារបស់ពួកគេក្នុងការឈរឈ្មោះ។

គួរបញ្ចាក់ថា ការបោះឆ្នោតជ្រើសរើសប្រធានាធិបតីថ្មីរបស់ប្រទេសស្រីលង្កា នឹងធ្វើឡើងនៅថ្ងៃទី ២០ ខែ​កក្កដា​នៅ​ក្នុង​សភា​របស់​ប្រទេស។ ប្រធានាធិបតីជាប់ឆ្នោតនៅថ្ងៃទី ២០ខែកក្កដា​ នឹងធ្វើជា​ប្រមុខរដ្ឋ​រហូត​ដល់​ផុតកំណត់អាណត្តិមុនរបស់គាត់។

សូមរំលឹកដែរថា កាលពីចុងសប្ដាហ៍មុន ទីក្រុង​កូឡុំបូ រដ្ឋធានីពាណិជ្ជកម្មរបស់​ប្រទេស​ស្រីលង្កា ត្រូវបានរញ្ជួយ​ដោយ​ការ​តវ៉ា​ដ៏​ខ្លាំងក្លា​ ដែល​បណ្តាល​មក​ពីការមិនពេញចិត្តជាសាធារណៈ​ ចំពោះ​ភាព​អសមត្ថភាព​របស់​រដ្ឋាភិបាល​ក្នុងការ​ប្រយុទ្ធ​ប្រឆាំងនឹង​វិបត្តិ​សេដ្ឋកិច្ច។ បន្ទាប់​ពី​ភាព​ចលាចល​នេះ នាយករដ្ឋមន្ត្រី Ranil Wickremesinghe ដែល​ត្រូវ​បាន​តែងតាំង​ជា​ប្រធានាធិបតី​ស្តីទី បាន​ហៅ​កិច្ចប្រជុំ​បន្ទាន់​មួយ​របស់​មេដឹកនាំ​គណបក្ស​នយោបាយ ដែល​ទាមទារ​ឲ្យ​ទាំង​នាយករដ្ឋមន្ត្រី និង​ប្រធានាធិបតី​លាលែង​ពី​តំណែង​ជាបន្ទាន់៕

ប្រែសម្រួល៖ សាង ស្រីល័ក្ខ

ប្រភព៖sputnik

ចុចអាន៖ប្រធានាធិបតី​ ស្រីលង្កា លាលែងតំណែង បន្ទាប់ពីភៀសខ្លួនទៅ សិង្ហបុរី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម