ព័ត៌មានអន្ដរជាតិ

មកដឹងតម្លៃស្រូវសាលី មុនសង្គ្រាមលុកលុយនៅ អ៊ុយក្រែន

បានផុស

៣ years មុន

នៅ

ថ្ងៃអង្គារ ២៦ កក្កដា ២០២២

ដោយ

ប៉ុន្មានថ្ងៃ បន្ទាប់ពីប្រទេសតួកគី និងអង្គការសហប្រជាជាតិ (UN) បានសម្រុះសម្រួលកិច្ចព្រមព្រៀងដ៏សំខាន់រវាងរុស្ស៊ី និងអ៊ុយក្រែន ដើម្បីបើកការនាំចេញគ្រាប់ធញ្ញជាតិ, តម្លៃស្រូវសាលីបានធ្លាក់ចុះដល់កម្រិតទាបបំផុត មុនពេលដែលកងកម្លាំងទីក្រុងមូស្គូបានលុកលុយប្រទេសអ៊ុយក្រែន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅទីក្រុង Chicago តម្លៃស្រូវសាលីសម្រាប់លក់ក្នុងខែកញ្ញាបានធ្លាក់ចុះ ៥.៩ ភាគរយមកនៅត្រឹម ៧.៥៩ ដុល្លារក្នុងមួយកញ្ឆេ ដែលស្មើនឹងប្រហែល ២៧ គីឡូក្រាម និងជាតម្លៃទាបបំផុត ចាប់តាំងពីរុស្ស៊ីបានលុកលុយអ៊ុយក្រែនកាលពីថ្ងៃទី ២៤ ខែកុម្ភៈ ។

ចំណែកនៅក្រុមហ៊ុន Euronext របស់អឺរ៉ុប តម្លៃស្រូវសាលីសម្រាប់ការចែកចាយលក់ក្នុងខែកញ្ញាបានធ្លាក់ចុះ ៦.៤ ភាគរយមកត្រឹម ៣២៥.៧៥ ដុល្លារក្នុងមួយតោន ។

កិច្ចព្រមព្រៀងកាលពីថ្ងៃសុក្ររវាងទីក្រុងកៀវ និងទីក្រុងមូស្គូតាមរយៈការសម្របសម្រួលពីអង្គការសហប្រជាជាតិ (UN) និងប្រទេសតួកគី បានសម្រេចបង្កើតច្រករបៀងសុវត្ថិភាពសម្រាប់នាវាអ៊ុយក្រែនចូល និងចេញពីកំពង់ផែសមុទ្រខ្មៅដែលបានកំណត់ទាំងនៅក្នុង និងជុំវិញទីក្រុងកំពង់ផែ Odessa ។

គួរបញ្ជាក់ថា រុស្ស៊ី និងអ៊ុយក្រែនរួមគ្នាផលិតបានប្រហែល ៣០ ភាគរយនៃការនាំចេញស្រូវសាលីរបស់ពិភពលោក ប៉ុន្តែនៅមុនការសម្រេចកិច្ចព្រមព្រៀង ស្រូវសាលី និងគ្រាប់ធញ្ញជាតិរហូតដល់ទៅ ២៥ លានតោនត្រូវបានរារាំងនៅកំពង់ផែអ៊ុយក្រែន ដោយសារតែនាវាចម្បាំងរុស្ស៊ី ក៏ដូចជាការបង្កប់គ្រាប់មីនរបស់រដ្ឋាភិបាលក្រុងកៀវដើម្បីបញ្ចៀសការវាយប្រហារណាមួយពីសំណាក់កងកម្លាំងប្រទេសរុស្ស៊ី ៕