ព័ត៌មានអន្ដរជាតិ
លោក ប្រាយុទ្ធ ចាន់អូចា ថ្កោលទោសការបំផ្ទុះគ្រាប់បែកទាំង ១១ កន្លែងនៅខេត្តភាគខាងត្បូង ថៃ
លោកនាយករដ្ឋមន្ត្រី ប្រាយុទ្ធ ចាន់អូចា បានថ្កោលទោសចំពោះការវាយប្រហារបំផ្ទុះគ្រាប់បែកទាំង ១១ ចំណុចនៅខេត្តទាំង ៣ ជាប់ព្រំដែនភាគខាងត្បូងថៃ ដោយលោកបានបញ្ជាឲ្យកងកម្លាំងសន្តិសុខពន្លឿនការស៊ើបអង្កេតប្រមូលភស្តុតាង និងចាត់វិធានការលើជនជនដៃដល់តាមផ្លូវច្បាប់ឲ្យដល់ទីបញ្ចប់ ។
នៅព្រឹកថ្ងៃទី១៧ ខែសីហានេះ លោក ថាណាខន អ្នកនាំពាក្យរដ្ឋាភិបាលថៃបាននិយាយថា លោកនាយករដ្ឋមន្ត្រី ប្រាយុទ្ធ ចាន់អូចា បានទទួលរបាយការណ៍ស្តីពីស្ថានការណ៍បំផ្ទុះគ្រាប់បែកទាំង ១១ កន្លែងក្នុងពេលតែមួយនៅខេត្តទាំង ៣ ជាប់ព្រំដែនភាគខាងត្បូង ក៏ដូចជាឲ្យសមត្ថកិច្ចពន្លឿនការចាប់ខ្លួនជនសង្ស័យផងដែរ ។
ទន្ទឹមគ្នានេះ លោកនាយករដ្ឋមន្ត្រីបានថ្កោលទោសជនបង្ករ និងបានបញ្ជាសមត្ថកិច្ចជំនាញពន្លឿនការស៊ើបអង្កេតស្វែងរកមូលហេតុដែលបណ្តាលឲ្យមានហេតុការណ៍នេះកើតឡើង និងបានសម្តែងការព្រួយបារម្ភចំពោះមន្ត្រីនៅគ្រប់វិស័យ និងផ្តាំផ្ញើដល់មន្ត្រីទាំងអស់សម្រាប់ការបំពេញភារកិច្ចរបស់ខ្លួនឲ្យមានការប្រុងប្រយ័ត្នខ្ពស់ ជាពិសេសគឺត្រូវការពារសន្តិសុខ អាយុជីវិត និងទ្រព្យសម្បត្តិរបស់ប្រជាពលរដ្ឋក្នុងតំបន់កាន់តែតឹងរ៉ឹងថែមទៀត ។
លោកនាយករដ្ឋមន្ត្រី ប្រាយុទ្ធ ចាន់អូចា ក៏បានថ្កោលទោសចំពោះទង្វើទាំងនេះថា ជាការធ្វើសកម្មភាពយ៉ាងគឃ្លើនដោយចេតនា បណ្តាលឲ្យមានមនុស្សបាត់បង់អាយុជីវិត និងទ្រព្យសម្បត្តិ បន្ទាប់ពីជនដៃដល់បានដាក់គោលដៅលើផ្សារទំនើប ជាកន្លែងដែលមានមនុស្សម្នាច្រើនកុះករដើរទៅមកទិញអីវ៉ាន់ ៕
ប្រែសម្រួលដោយ ៖ គង់ សំអាន
ប្រភព ៖ Naewna
ចុចអាន ៖ ផ្ទុះគ្រាប់បែក ១១ កន្លែងក្នុងខេត្តចំនួន ៣ ផ្សេងគ្នានៅភាគខាងត្បូង ថៃ
-
សេដ្ឋកិច្ច៤ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ៥ ថ្ងៃ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច១ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ជីវិតកម្សាន្ដ៥ ថ្ងៃ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ៤ ថ្ងៃ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានជាតិ៥ ថ្ងៃ ago
ស្រុកចំនួន ៣ ក្នុងខេត្តបាត់ដំបងមានប្រភពទឹកធម្មជាតិទាក់ទាញទេសចរច្រើនជាងគេ
-
សន្តិសុខសង្គម៤ ថ្ងៃ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)
-
ព័ត៌មានជាតិ៥ ថ្ងៃ ago
ភ្លៀងមួយមេលើកដំបូងធ្វើឲ្យផ្ទះពលរដ្ឋ៣៣ខ្នងរលំ និងប៉ើងដំបូល