ព័ត៌មានអន្ដរជាតិ
អាមេរិក ដាក់ទណ្ឌកម្មក្រុមហ៊ុន អ៊ីរ៉ង់ ចំពោះការផ្ដល់យន្តហោះដ្រូនឲ្យ រុស្ស៊ី ប្រើនៅ អ៊ុយក្រែន
សហរដ្ឋអាមេរិកបានដាក់ទណ្ឌកម្មលើអង្គភាពអ៊ីរ៉ង់ចំនួន ៤ និងបុគ្គលម្នាក់ចំពោះការជាប់ពាក់ព័ន្ធរបស់ពួកគេក្នុងការផ្តល់យន្តហោះគ្មានមនុស្សបើក (ដ្រូន) ដល់រុស្ស៊ីសម្រាប់ប្រើក្នុងសង្គ្រាមលុកលុយលើអ៊ុយក្រែន ។
ក្រសួងរតនាគារអាមេរិកបានធ្វើសេចក្តីប្រកាសព័ត៌មានកាលពីថ្ងៃព្រហស្បតិ៍ថា អ្នកដែលកំណត់គោលដៅដោយការដាក់ទណ្ឌកម្មនេះនឹងត្រូវបង្កកទ្រព្យសម្បត្តិ និងផលប្រយោជន៍របស់ពួកគេនៅក្នុងសហរដ្ឋអាមេរិក ។
រតនាគារបាននិយាយថា អង្គភាពមួយក្នុងចំណោមអង្គភាពទាំង ៤ នេះគឺក្រុមហ៊ុន Paravar Pars មានទំនាក់ទំនងយ៉ាងជិតស្និទ្ធជាមួយសាកលវិទ្យាល័យ Imam Hossein ដែលត្រូវបានគ្រប់គ្រងដោយកងឆ្មាំបដិវត្តន៍ឥស្លាម (IRGC) របស់អ៊ីរ៉ង់ ហើយបានចោទប្រកាន់ក្រុមហ៊ុននោះថាបានផលិត និងសាកល្បងដ្រូនសម្រាប់ IRGC ។
ទន្ទឹមនោះក្រសួងក៏បានចោទប្រកាន់ សេវាកម្មអាកាសយានដ្ឋាន Safiran ដែលមានមូលដ្ឋាននៅទីក្រុងតេហេរ៉ង់ ផងដែរថាបានសម្របសម្រួលជើងហោះហើរយោធារុស្ស៊ីរវាងអ៊ីរ៉ង់ និងរុស្ស៊ី រួមទាំងអ្នកដែលទាក់ទងនឹងការដឹកជញ្ជូនដ្រូនអ៊ីរ៉ង់ រួមជាមួយបុគ្គលិក និងឧបករណ៍ពាក់ព័ន្ធទាំងអស់ពីអ៊ីរ៉ង់ទៅកាន់ប្រទេសរុស្ស៊ីផងដែរ ។
ចំណែកមន្ត្រីរតនាគារជាន់ខ្ពស់ម្នាក់បាននិយាយថា “សហរដ្ឋអាមេរិកប្តេជ្ញាអនុវត្តយ៉ាងតឹងរ៉ឹងនូវទណ្ឌកម្មរបស់យើងប្រឆាំងរុស្ស៊ី និងអ៊ីរ៉ង់ ក៏ដូចជាអ្នកដែលគាំទ្រសង្គ្រាមលុកលុយរបស់រុស្ស៊ីលើអ៊ុយក្រែន” ៕
ប្រែសម្រួលដោយ ៖ ជីវ័ន្ត
ប្រភព ៖ NHK
-
ព័ត៌មានអន្ដរជាតិ១៨ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ