Connect with us

ព័ត៌មានអន្ដរជាតិ

រុស្ស៊ី ព្រមានអ៊ីស្រាអែល កុំផ្តល់អាវុធឲ្យ អ៊ុយក្រែន ឲ្យសោះ (មានវីដេអូ)

បានផុស

នៅ

កាលពីថ្ងៃចន្ទទី១៧ខែតុលា លោក Dmitry Medvedev អតីតប្រធានាធិបតីរុស្ស៊ី បានព្រមានថា ប្រសិនបើ​អ៊ីស្រាអែល​គាំទ្រ​អ៊ុយក្រែន​ដោយការផ្តល់​អាវុធ វា​នឹង​ប៉ះពាល់​ដល់​ទំនាក់ទំនង​ជាមួយទី​ក្រុងមូស្គូ។ 

លោក Dmitry Medvedev

លោកបានព្រមានបែបនេះ បន្ទាប់ពីរដ្ឋមន្ត្រីក្រសួងកិច្ចការជនភៀសខ្លួនអ៊ីស្រាអែល លោក Nachman Shai និយាយថា វាដល់ពេលហើយដែលប្រទេសនេះ ត្រូវផ្តល់អាវុធដល់អ៊ុយក្រែន ដូចដែលសមាជិកអង្គការណាតូ ធ្វើ។

សរសេរនៅលើបណ្តាញ Telegram, លោក Medvedev ដែលបច្ចុប្បន្ន មានតួនាទីជាអនុប្រធានក្រុមប្រឹក្សាសន្តិសុខរុស្ស៊ី បានស្តីបន្ទោសការសម្រេចចិត្តរបស់អ៊ីស្រាអែល ក្នុងការផ្តល់អាវុធទៅឲ្យអ៊ុយក្រែន ថាជា “រឿងប្រថុយប្រថានជាទីបំផុត” ហើយថា វានឹងបំផ្លាញទំនាក់ទំនងអន្តររដ្ឋទាំងអស់រវាងប្រទេសទាំង២។

លោក Nachman Shai

ចាប់តាំងពីរុស្ស៊ីបានបញ្ជូនកងទ័ពចូលទៅក្នុងរដ្ឋជិតខាងកាលពីចុងខែកុម្ភៈមក ប្រទេសអ៊ីស្រាអែល បានបញ្ជូនជំនួយមនុស្សធម៌ទៅឲ្យអ៊ុយក្រែន ហើយបានថ្កោលទោសសកម្មភាពរបស់ទីក្រុងមូស្គូ។

ទោះបីជាយ៉ាងណាក៏ដោយ ខ្លួនមិនដែលដាក់ទណ្ឌកម្មលើរុស្ស៊ីទេ ហើយបានគាំទ្រទីក្រុងកៀវតែជាមួយជំនួយធម្មតាដែលមិនបង្កគ្រោះថ្នាក់ប៉ុណ្ណោះ។

ប្រព័ន្ធការពារមីស៊ីល Iron Dome

យ៉ាងណាក្តី អ៊ុយក្រែនបានស្នើសុំអ៊ីស្រាអែល សម្រាប់ប្រព័ន្ធការពារមីស៊ីល Iron Dome ប៉ុន្តែត្រូវទីក្រុង តែលអាវីវ បដិសេធរហូតមកដល់ពេលនេះ។ អ៊ីស្រាអែលអះអាង​ថា បច្ចេកវិទ្យា​ដែលការពារ​រដ្ឋ​តូចដូចជា​អ៊ីស្រាអែល​ នឹង​មិន​ដំណើរការ​លើ​ទឹកដី​ធំ​ដូច​អ៊ុយក្រែន​ឡើយ។

យោងតាមការិយាល័យស្ថិតិកណ្តាលរបស់អ៊ីស្រាអែល បានបង្ហាញថា មានពលរដ្ឋអ៊ីស្រាអែលនិយាយភាសារុស្សីប្រហែល ១.៣ លាននាក់ ឬ ស្មើនឹង ១៥% នៃចំនួនប្រជាជនសរុបរបស់ខ្លួន ហើយរុស្ស៊ី គឺជាប្រទេសផ្ទុកសហគមន៍ជ្វីហ្វដ៏ធំបំផុតមួយរបស់ពិភពលោក៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ RT

ចុចអាន៖ យន្តហោះចម្បាំងរុស្ស៊ី ធ្លាក់ចូលអគារលំនៅដ្ឋាន ផ្ទុះឆេះ ស្លាប់និងរបួសមនុស្ស ជិត ៣០នាក់

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម