Connect with us

ព័ត៌មានអន្ដរជាតិ

អ៊ីរ៉ង់នឹងសងសឹកឲ្យលោក Soleimania បន្ទាប់ពីលោក Biden ចូលកាន់តំណែង

បានផុស

នៅ

អតីតប្រមុខដឹកនាំក្រុម Mossad ពីររូប និងអតីតប្រធានក្រុមប្រឹក្សាសន្តិសុខជាតិបានអះអាង អ៊ីរ៉ង់មិនទាន់បានសងសឹកចំពោះការស្លាប់របស់លោក Qasem Soleimani នៅឡើយទេ ហើយពេលនេះក៏ទំនងជាមិនមានវិធានការអ្វីផងដែររហូតទាល់តែការចូលកាន់តំណែងរបស់ប្រធានាធិបតីជាប់ឆ្នោត Joe Biden ។

អតីតនាយកចលនាក្រុម Mossad លោក Shabtai Shavit បានកត់សម្គាល់ថា ការធ្វើឃាតអ្នកវិទ្យាសាស្ត្រនុយក្លេអ៊ែរកំពូលរបស់ក្រុងតេអេរ៉ង់គឺលោក Mohsen Fakrhizadeh កាលពីខែវិច្ឆិកាគឺជាការប៉ះទង្គិចទ្វេដងមួយទៀតប្រឆាំងនឹងសកម្មភាពយោធារបស់អ៊ីរ៉ង់នៅមជ្ឈិមបូព៌ា ហើយថា មេបញ្ជាការបច្ចុប្បន្ននៃកងកម្លាំង Quds លោក Esmail Ghaani គឺមានកម្រិតដូចគ្នានឹងអ្នកកាន់តំណែងមុនរបស់គាត់ ។

ក្រៅពីនេះលោក Shavit បានកត់សម្គាល់ថា “ការអត់ធ្មត់របស់អ៊ីរ៉ង់មិនចេះចប់នោះទេ ។ យើងត្រូវពិចារណាថាពួកគេនឹងឆ្លើយតបយ៉ាងម៉េច ។ ពួកគេនឹងរង់ចាំឱកាសវាយប្រហារគោលដៅដែលមានគុណភាពខ្ពស់” ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំណែកលោក Danny Yatom អតីតប្រធានចលនាក្រុម Mossad បានលើកឡើងថា កងកម្លាំង Quds មិនទាន់បានសងសឹងចំពោះការស្លាប់របស់លោក Soleimani នៅឡើយទេ ។

រីឯអតីតប្រធានក្រុមប្រឹក្សាសន្តិសុខជាតិលោកឧត្តមសេនីយ៍ទោ Giora Eiland បានសន្មតថា សកម្មភាពណាមួយរបស់ក្រុងតេអេរ៉ង់នឹងកើតឡើងទាល់តែលោក Joe Biden ចូលកាន់តំណែង ។

លោកបាននិយាយថា “ពួកគេនឹងមិនភ្លេចសងសឹកនោះទេ ។ ប្រហែលជាពេលវេលានឹងមិនទាន់មកដល់ ហើយនៅពេលដែលពួកគេកំពុងចរចាជាមួយអាមេរិក ពួកគេនឹងធ្វើការវាយប្រហារអំឡុងពេលចរចា ពីព្រោះពេលនោះជាពេលដែលពួកគេមានឱកាស ។ ប៉ុន្តែពួកគេក៏ជាមនុស្សដែលឆ្លាតបំផុតផងដែរ ។ អ្នកមិនអាចមើលស្រាលពួកគេបានទេ” ។

ទន្ទឹមនោះកាលពីសប្តាហ៍មុននាយសេនាធិការកងទ័ពអ៊ីរ៉ង់លោកឧត្តមសេនីយ៍ទោ Mohammad Baqeri បានបញ្ជាក់ជាថ្មីថាមិនមានកាលបរិច្ឆេទសម្រាប់ការសងសឹកទៅលើអ្នកសម្លាប់លោក Soleimani ដោយនិយាយថា ការដកទ័ពរបស់អាមេរិកចេញពីមជ្ឈិមបូព៌ាគឺជៀសមិនរួចឡើយ ហើយអ៊ីរ៉ង់ក៏បានកំណត់ពេលវេលា និងទីតាំងចំពោះការសងសឹកការធ្វើឃាតលើលោក Soleimani រួចហើយផងដែរ ។

គួររម្លឹកថា នៅថ្ងៃទី ៣ ខែមករា ឆ្នាំ ២០២០ នាយទាហានឆ្មាំបដិវត្តឥស្លាម (IRGC) លោកឧត្តមសេនីយ៍ Qasem Soleimani នៃមេបញ្ជាការកងកម្លាំង Quds ត្រូវបានគេធ្វើឃាតនៅក្នុងការវាយប្រហារដោយយន្តហោះដ្រូនរបស់អាមេរិក ខណៈរថយន្តរបស់លោកកំពុងចាកចេញពីអាកាសយានដ្ឋានអន្តរជាតិក្រុង Baghdad ដែលជាការបញ្ជាដោយផ្ទាល់ពីប្រធានាធិបតីអាមេរិក Donald Trump ។

ជាការឆ្លើយតបក្រុងតេអេរ៉ង់បានធ្វើការវាយប្រហារដោយមីស៊ីលទៅលើមូលដ្ឋានយោធាអាមេរិកចំនួន២ កន្លែងនៅប្រទេសអ៊ីរ៉ាក់គឺមូលដ្ឋាន Ayn al-Assad និងមូលដ្ឋានអាកាស Erbil ដែលបានបណ្តាលឲ្យទាហានអាមេរិក ១០០ នាក់មានបញ្ហាខួរក្បាល ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន៖ អាមេរិកលុបចោលផែនការបញ្ជូននាវាដឹកយន្តហោះចេញពីមជ្ឈិមបូព៌ាជុំវិញការគំរាមកំហែងរបស់អ៊ីរ៉ង់

ចុចអាន ៖ មុនចេញពីតំណែង ត្រាំ នឹងផ្តល់មេដាយសេរីភាពដល់បុគ្គលសំខាន់ ២ រូប

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ ម៉ោង មុន

ពលរដ្ឋ​មក​ទទួល​វ៉ាក់សាំង​ដូ​ស​ជំរុញ​ក្នុង​ខេត្តកោះកុង មិនទាន់​សម្រេច​ដល់​គោលដៅ​ចង់បាន​

ព័ត៌មានជាតិ៥ ម៉ោង មុន

ត្រីភាគី​ដាក់​តួលេខ​ប្រាក់​ឈ្នួល​ចុងក្រោយ​ជូន​ក្រុមប្រឹក្សា​ជាតិ​ប្រាក់​ឈ្នួល​សម្រេច​នៅ​ថ្ងៃទី​២១​កញ្ញា​ខាងមុខ

វប្បធម៌ ជំនឿ៥ ម៉ោង មុន

ពណ៌ផ្ទះហុងស៊ុយ​ ស្របតាមទិសទាំង ៨ ជួយទាក់ទាញសំណាងទ្វេដង

ព័ត៌មានជាតិ៦ ម៉ោង មុន

សពលោក ប៊ូ ឡាំ អតីត​អ្នកតំណាងរាស្ត្រ​ខេត្ត​រតនគិរី​ បាន​ដឹក​ពី​ប្រទេសវៀតណាមមកដល់កម្ពុជាហើយ ដើម្បី​រៀប​ចំ​ធ្វើ​បុណ្យ​តាម​ប្រពៃណី

ព័ត៌មានជាតិ៦ ម៉ោង មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

Sokha Hotels

ព័ត៌មានពេញនិយម