Connect with us

ព័ត៌មានអន្ដរជាតិ

កងទ័ព រុស្ស៊ី បាញ់ស្រោចកាំភ្លើងធំ ឈានដល់ការដណ្ដើមយកទីក្រុងសំខាន់​របស់តំបន់ Donbass

បានផុស

នៅ

កងកម្លាំង​រុស្ស៊ី​បានអះអាង​ថា ពួកគេ​កំពុង​ឡោមព័ទ្ធ និងឈាន​ដល់​ការ​ដណ្តើម​យក​ទីក្រុង​សំខាន់ Bakhmut នៃតំបន់ Donbass ភាគ​ខាងកើត​អ៊ុយក្រែន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កងទ័ពរុស្ស៊ី និងទាហានស៊ីឈ្នួល Wagner Group បានបាញ់ស្រោចកាំភ្លើងធំលើផ្លូវចូលចុងក្រោយទៅកាន់ទីក្រុង Bakhmut ដែលនាំឲ្យទីក្រុងមូស្គូកាន់តែខិតទៅជិតជ័យជម្នះលើកដំបូងរបស់ខ្លួនក្នុងរយៈពេល ១ ឆ្នាំ បន្ទាប់ពីការប្រយុទ្ធបង្ហូរឈាមគ្នាបំផុតក្នុងសង្គ្រាមមួយនេះ ។

ប្រធានក្រុមទាហានស៊ីឈ្នួលរុស្ស៊ី Wagner Group បាននិយាយកាលពីថ្ងៃសុក្រថា ឥឡូវនេះទីក្រុង Bakhmut កំពុងត្រូវបានឡោមព័ទ្ធស្ទើរតែទាំងស្រុង ហើយទាហានរុស្ស៊ីនៅចម្ងាយតែប៉ុន្មានគីឡូម៉ែត្រប៉ុណ្ណោះពីទីក្រុងរ៉ែអំបិលភាគខាងកើតមួយនេះ ។

ទីភ្នាក់ងារសារព័ត៌មានរ៉យទ័របានរាយការណ៍ថា រុស្ស៊ីបានបាញ់ផ្លោងយ៉ាងខ្លាំងលើផ្លូវដែលនាំទៅដល់ភាគខាងលិចនៃទីក្រុង Bakhmut ខណៈស្ពាន​មួយ​នៅ​ទីក្រុង Khromov ដែល​នៅ​ជាប់​គ្នានោះ ក៏​រង​ការ​ខូច​ខាត​ដោយ​ការ​បាញ់​ផ្លោង​ពីរថក្រោះ​របស់​រុស្ស៊ីផងដែរ ។

គួរបញ្ជាក់ថា ជ័យជម្នះនៅទីក្រុង Bakhmut ដែលមានប្រជាជនមុនសង្រ្គាមប្រហែល ៧០,០០០ នាក់នឹងផ្តល់ឲ្យរុស្ស៊ីនូវរង្វាន់ធំទីមួយនៃការវាយលុករដូវរងា បន្ទាប់ពីបានកែនទាហានបម្រុងរាប់សែននាក់កាលពីឆ្នាំមុន ហើយវាក៏នឹងក្លាយជាជំហានមួយទៀតដើម្បីដណ្តើមយកតំបន់ Donbas ដែលជាគោលដៅសង្គ្រាមដ៏សំខាន់របស់រុស្ស៊ី ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ លោក Zelensky អះអាងថា ទ័ព អ៊ុយក្រែន កំពុងខ្វះអាវុធ ៤ ប្រភេទប្រើទប់ រុស្ស៊ី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៥ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម