អាមេរិក​ មិនមើល​​ឃើញសញ្ញា​ថា រុស្ស៊ី​មាន​ចេតនា​ប្រើអាវុធប្រល័យលោក នៅ​អ៊ុយក្រែន​ទេ (មានវីដេអូ)

លោក John Kirby អ្នកសម្របសម្រួលផ្នែកទំនាក់ទំនងយុទ្ធសាស្ត្រនៃក្រុមប្រឹក្សាសន្តិសុខជាតិរបស់សេតវិមាន បាននិយាយនៅថ្ងៃអង្គារទី២៨ខែមីនាថា សហរដ្ឋអាមេរិកមិនបានឃើញសញ្ញាណាមួយដែលបង្ហាញថា ប្រទេសរុស្ស៊ី មានបំណងប្រើប្រាស់អាវុធនុយក្លេអ៊ែរ ឬអាវុធប្រល័យលោកផ្សេងទៀត នៅក្នុងប្រទេសអ៊ុយក្រែននោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅពេលសួរអំពីកិច្ចព្រមព្រៀងរបស់ទីក្រុងមូស្គូជាមួយទីក្រុង Minsk ក្នុងការដាក់ពង្រាយអាវុធនុយក្លេអ៊ែរយុទ្ធសាស្ត្រនៅប្រទេសបេឡារុស, លោក Kirby បានលើកឡើងថា “ចាប់តាំងពីការប្រកាសនេះ យើងមិនឃើញចលនាអាវុធនុយក្លេអ៊ែរយុទ្ធសាស្ត្រ ឬប្រភេទណាមួយនោះទេ ហើយយើងក៏ពិតជាមិនបានឃើញការចង្អុលបង្ហាញណាមួយដែលថា ប្រធានាធិបតីរុស្ស៊ី លោក ពូទីន បានធ្វើការសម្រេចចិត្តប្រើប្រាស់អាវុធប្រល័យលោកនៅក្នុងប្រទេសអ៊ុយក្រែនដែរ”។

គួរបញ្ជាក់ថា កាលពីថ្ងៃសៅរ៍ទី២៥ខែមីនា លោក ពូទីន បានប្រកាសថា លោកនិងសមភាគីបេឡារុស Alexander Lukashenko បានព្រមព្រៀងគ្នាថា រុស្ស៊ីអាចដាក់ពង្រាយអាវុធនុយក្លេអ៊ែរជាយុទ្ធសាស្ត្រនៅក្នុងប្រទេសបេឡារុស ដោយមិនបំពានលើកាតព្វកិច្ចមិនរីកសាយភាយជាអន្តរជាតិ។

លោកពូទីននិយាយថា ការសាងសង់ទីតាំងអាវុធនុយក្លេអ៊ែរយុទ្ធសាស្ត្រ នឹងបញ្ចប់នៅថ្ងៃទី០១ខែកក្កដា ខណៈការបណ្តុះបណ្តាលក្រុមការងារនឹងចាប់ផ្តើមនៅខែក្រោយ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Sputnik

ចុចអាន៖ ណាតូ ថ្កោលទោស ក្រោយលោក ពូទីន សម្រេចចិត្តដាក់ពង្រាយអាវុធនុយក្លេអ៊ែរ នៅ បេឡារុស