ព័ត៌មានអន្ដរជាតិ
រឹបអូសវត្ថុតាងមួយចំនួនពីផ្ទះជនសង្ស័យបំផ្ទុះគ្រាប់បែក នៅកន្លែងសុន្ទរកថានាយករដ្ឋមន្ត្រីជប៉ុន
ប៉ូលិសបានរឹបអូសយកវត្ថុតាងមួយចំនួនពីផ្ទះរបស់ជនសង្ស័យ Kimura Ryuji វ័យ ២៤ឆ្នាំ ដែលរងការចោទប្រកាន់ពីបទគប់ឧបករណ៍បំផ្ទុះឆ្ពោះទៅកាន់នាយករដ្ឋមន្ត្រីជប៉ុន Kishida Fumio កាលពីព្រឹកថ្ងៃសៅរ៍ ទី១៥ ខែមេសា។
ជនសង្ស័យ Kimura Ryuji ត្រូវប៉ូលិសចាប់ខ្លួនភ្លាមៗនៅនឹងកន្លែង នៅពេលបុរសរូបនេះព្យាយាមបំផ្ទុះវេទិការបស់នាយករដ្ឋមន្ត្រី ពេលលោកហៀបនឹងថ្លែងសុន្ទរកថានៅឯកំពង់ផែនេសាទមួយក្នុងទីក្រុង Wakayama ភាគខាងលិច។
តាំងពីពេលចាប់ខ្លួនរហូតមកទល់ពេលនេះ ជនសង្ស័យមិនបានឆ្លើយតបអ្វីទាំងអស់ ខណៈប៉ូលិសបានទៅដល់ផ្ទះរបស់គេនៅក្នុងទីក្រុង Kawanishi ខេត្ត Hyogo និងចុះឆែកឆេរយ៉ាងលម្អិត ព្រមទាំងរកឃើញវត្ថុតាងមួយចំនួននៅក្នុងបន្ទប់។
ក្រុមស៊ើបអង្កេតដកហូតបានប្រអប់ក្រដាសកាតុងជាង ១០ប្រអប់ ដែលគេជឿថា មានពាក់ព័ន្ធនឹងជនសង្ស័យ មុនពេលគេចេញប្រតិបត្តិការ។ ជាមួយគ្នានោះ ប៉ូលិសបានរឹបអូសយកកុំព្យូទ័រផ្ទាល់ខ្លួនមួយគ្រឿង ទូរសព្ទដៃមួយគ្រឿង និងគ្រាប់រំសេវមួយចំនួនផងដែរ។
សមាជិកគ្រួសារដែលរស់នៅជាមួយជនសង្ស័យ បានប្រាប់សមត្ថកិច្ចថា នៅយប់មុនពេលកើតហេតុ Kimura Ryuji បាននៅផ្ទះ ប៉ុន្តែគេស្រាប់តែបាត់នៅព្រឹកបន្ទាប់។
ដោយឡែកចំពោះ Kimura ពុំបានផ្តល់ចម្លើយអ្វីឱ្យអ្នកស៊ើបអង្កេតអំពីហេតុការណ៍បំផ្ទុះនោះទេ។ ពេលនេះប៉ូលិសកំពុងរៀបចំផែនការវិភាគទិន្នន័យនៅលើឧបករណ៍អេឡិចត្រូនិករបស់គេ និងសម្ភាសន៍អ្នកពាក់ព័ន្ធដើម្បីកំណត់ពីមូលហេតុ ដែលបណ្តាលឱ្យគេគប់គ្រាប់បែក៕
ប្រែសម្រួល៖ សន្យា
ប្រភព៖ NHK
ចុចអាន៖ ស្លាប់ជនស៊ីវិល ៥៦នាក់ និងរងរបួសជិត ៦០០នាក់ ក្នុងការប៉ះទង្កិចគ្នា នៅស៊ូដង់
ចុចអាន៖ នេះវីដេអូក្នុងហេតុការណ៍បំផ្ទុះគ្រាប់បែក នៅកន្លែងសុន្ទរកថានាយករដ្ឋមន្ត្រី Kishida Fumio
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ