នេះវីដេអូក្នុងហេតុការណ៍បំផ្ទុះគ្រាប់បែក នៅកន្លែងសុន្ទរកថានាយករដ្ឋមន្ត្រី Kishida Fumio

កាលពីព្រឹកថ្ងៃសៅរ៍ កន្លងទៅ កើតមានហេតុកាណ៍បំផ្ទុះគ្រាប់បែកផ្សែង នៅកន្លែងថ្លែងសុន្ទរកថារបស់នាយករដ្ឋមន្ត្រីជប៉ុនលោក Kishida Fumio ដែលភ្លាមៗប៉ូលិសបានចាប់ខ្លួនជនសង្ស័យម្នាក់ឈ្មោះ  Kimura Ryuji វ័យ ២៤ឆ្នាំ។

យោងតាមការចុះផ្សាយពីសារព័ត៌មាន NHK បានឱ្យដឹងថា នៅម៉ោងប្រហែល ១១:២៩ ព្រឹក នាយករដ្ឋមន្ត្រី Kishida Fumio បានទៅដល់កំពង់ផែ Saikazaki ។ ពេលនោះហ្វូងមនុស្សយ៉ាងច្រើនបានប្រមូលផ្តុំគ្នានៅជិតកំពង់ផែដែលលោក Kishida គ្រោងនឹងថ្លែងសុន្ទរកថា។ ភ្លាមៗមាន​បុរស​ធ្វើខ្លួន​គួរឱ្យសង្ស័យ ​​ត្រូវបានប៉ូលិសចាប់ក្រៀកជាប់។

ពេល​ត្រូវ​ចាប់​ខ្លួន បុរសជាជនសង្ស័យបានពាក់​វ៉ែនតា ​ម៉ាស​មុខ ហើយ​​ស្ពាយកាបូប​ពណ៌​ប្រផេះ ​នៅ​ខាងក្រោយ។ ប្រហែល ៥០វិនាទី បន្ទាប់ពីត្រូវចាប់ខ្លួន ការផ្ទុះដ៏ខ្លាំងមួយបានបន្លឺឡើង នៅជិតកន្លែងនាយករដ្ឋមន្ត្រី Kishida កំពុងឈរ។ រំពេចនោះហ្វូង​មនុស្សបានស្រែកយ៉ាងទ្រហឹង និងនាំគ្នារត់ប្រសាច។ មនុស្ស​ម្នា​បាន​ចាប់​ផ្តើម​ភៀស​ខ្លួន​ចេញ​ពី​កន្លែង​កើត​ហេតុ ដោយ​បាន​ហៅ​ទូរសព្ទ​ឲ្យ​ចាក​ចេញ​ពី​កន្លែង​នោះ។ ចំណែកជនសង្ស័យ​ត្រូវ​បាន​សមត្ថកិច្ច​នាំ​យក​ទៅ​កាន់​ប៉ុស្តិ៍​នគរបាល​មូលដ្ឋាន​។

សូមទស្សនាវីដេអូខាងក្រោម!

ប្រែសម្រួល៖ សន្យា

ចុចអាន៖ ប៉ូលិសបង្ហាញតម្រុយដែលជនសង្ស័យបន្សល់ទុក ក្រោយហេតុការណ៍បំផ្ទុះនៅកន្លែងសុន្ទរកថានាយករដ្ឋមន្ត្រីជប៉ុន