លោក ហ្សេលេនស្គី ប្រាប់បញ្ហាសំខាន់ចំនួន ២ ទៅកាន់លោក ស៊ី ជីនពីង

ប្រធានាធិបតីអ៊ុយក្រែនលោក វ៉ូឡូឌីមៀរ ហ្សេលេនស្គី បានប្រាប់ប្រធានាធិបតីចិនលោក ស៊ី ជីនពីង នូវបញ្ហាសំខាន់ៗចំនួន ២ នៅក្នុងកិច្ចសន្ទនាតាមទូរស័ព្ទកាលពីពេលថ្មីៗនេះ ។

ដំបូងលោក ហ្សេលេនស្គី បានសង្កត់ធ្ងន់ទៅកាន់លោក ស៊ី ថា “ប្រទេសទាំងអស់គួរតែចៀសវាងកុំគាំទ្ររុស្ស៊ីក្នុងសង្រ្គាមនៅអ៊ុយក្រែន ។ នៅពេលដែលរុស្ស៊ីទទួលបានការគាំទ្រតិចតួច នោះសង្រ្គាមនឹងកាន់តែឆាប់ចប់ ហើយភាពស្ងប់ស្ងាត់នឹងត្រលប់ទៅរកសភាពដើម ជាពិសេសនឹងមានទំនាក់ទំនងអន្តរជាតិឡើងវិញ” ។

មួយទៀតគឺពាក់ព័ន្ធនឹងសង្គ្រាមលុកលុយរបស់រុស្ស៊ី, ការិយាល័យប្រធានាធិបតីបានបញ្ជាក់ថា លោក ហ្សេលេនស្គី បានប្រាប់លោក ស៊ី ថា កងកម្លាំងរបស់អ៊ុយក្រែនកំពុងប្រឈមមុខនឹងស្ថានភាពដ៏លំបាកនៅសមរភូមិជួរមុខ ប៉ុន្តែទឹកចិត្តរបស់ពូកគេនៅតែរក្សាជំហរការពារ និងទប់ទល់ដើម្បីប្រទេសជាតិ ។

បន្ទាប់ពីកិច្ចពិភាក្សានោះហើយ លោក ហ្សេលេនស្គី បានបង្ហោះនៅលើបណ្ដាញ Twitter ថា លោកមានការសន្ទនាតាមទូរស័ព្ទដ៏យូរ និងមានអត្ថន័យជាមួយលោកប្រធានាធិបតី ស៊ី ហើយសង្ឃឹមថា រាល់ការ​អំពាវនាវ​នេះ​នឹង​ផ្តល់​នូវ​កម្លាំង​ជំរុញ​ដ៏​ខ្លាំងក្លា​ដល់​ការ​អភិវឌ្ឍ​ទំនាក់ទំនង​ទ្វេភាគី ។

គួរបញ្ជាក់ថា កិច្ចពិភាក្សាប្រកបដោយផលិតភាពរយៈពេល ១ ម៉ោងកាលពីថ្ងៃពុធ គឺជាការសន្ទនាលើកដំបូងរវាងលោក ហ្សេលេនស្គី និងលោក ស៊ី ចាប់តាំងពីប្រទេសរុស្ស៊ីបានបើកការលុកលុយលើអ៊ុយក្រែនកាលពីខែកុម្ភៈ ឆ្នាំមុន ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ តើលោក ស៊ី និងលោក ហ្សេលេនស្គី និយាយអ្វីខ្លះ ក្នុងកិច្ចសន្ទនាលើកដំបូង ចាប់តាំងពីរុស្ស៊ី វាយលុក អ៊ុយក្រែន?