អ្នកគាំទ្រលោក Pita ចេញតវ៉ា ហើយប្តេជ្ញា នាំគ្នាទៅរកសមាជិកសភា ដល់ផ្ទះ

អ្នកតវ៉ារាប់រយនាក់ បានប្រមូលផ្តុំគ្នានៅវិមានប្រជាធិបតេយ្យកាលពីយប់ថ្ងៃពុធទី១៩ខែកក្កដា ដើម្បីបញ្ចេញកំហឹងចំពោះការរារាំងមេដឹកនាំគណបក្ស ចលនាឆ្ពោះទៅមុខ លោក Pita Limjaroenrat ដើម្បីក្លាយជានាយករដ្ឋមន្ត្រី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រមូលផ្តុំគ្នាទ្រង់ទ្រាយធំ បានធ្វើឡើងបន្ទាប់ពីការជជែកដេញដោលនៅក្នុងរដ្ឋសភា ដែលលោក Pita ត្រូវបាត់បង់ឋានៈជាសមាជិកសភា ក្រោយពេលតុលាការធម្មនុញ្ញបញ្ជាឲ្យផ្អាក ហើយបន្ទាប់​ពី​គាត់​ចាក​ចេញ ក្រុមតំណាងរាស្រ្ត ​ក៏បាន​បោះឆ្នោត​មិន​អនុញ្ញាត​ឲ្យ​គាត់​ត្រូវ​បាន​តែងតាំងឲ្យឈរឈ្មោះ​ជា​នាយក​រដ្ឋមន្ត្រី​​លើក​ទី​ពីរ។

មនុស្សជាច្រើន បាន​ធ្វើ​ដំណើរ​ទៅ​វិមាន​ប្រជាធិបតេយ្យ​នៅ​ម៉ោង​ប្រហែល ៥ ល្ងាច ។ លុះដល់ពេលយប់ ពួកគេបានចូលរួមជាមួយមនុស្សផ្សេងទៀត ដែលបានយកបដាទៅចងនៅវិមានជាមួយអក្សរសរសេរថា “លោកនាយករដ្ឋមន្ត្រី Pita នៃបំណងរបស់ប្រជាជន”។

ទន្ទឹមនោះ លោក Somyos Pruksakasemsuk មេដឹកនាំចលនាប្រជាធិបតេយ្យ២៤មិថុនា បានឡើងឆាកដើម្បីបើកការជួបជុំ ដោយជំរុញឲ្យអ្នកតវ៉ា បង្ហាញការគាំទ្រទាំងស្រុងចំពោះលោក Pita។

ស្របពេលជាមួយគ្នានោះ លោក​បាន​រិះគន់​មេដឹកនាំ​ផ្តាច់ការ​ថា ​បាន​បំផ្លាញ​សិទ្ធិនិង​សេរីភាព​របស់​ប្រជាពលរដ្ឋ។ ក្តីសង្ឃឹមរបស់ប្រជាជន ក្នុងការឃើញគណបក្ស ចលនាឆ្ពោះទៅមុខនិងភឿថៃ បង្កើតរដ្ឋាភិបាល បានរសាត់បាត់ទៅហើយ។

លោក​ថា តុលាការ​ធម្មនុញ្ញ​បាន​ក្លាយ​ជា​យន្តការ​មួយ​ ដើម្បី​សម្លាប់​រដ្ឋាភិបាល​ដែល​ចេញ​ពី​លទ្ធិប្រជាធិបតេយ្យ។ ទោះបី​ជា​យ៉ាង​ណាក៏ដោយ អ្នក​ដែល​ធ្វើ​រដ្ឋ​ប្រហារ នៅតែ​ដើរ​ដោយ​សេរី។

លោកបញ្ជាក់ថា “ចាប់ពីពេលនេះទៅ យើងត្រូវបន្តតស៊ូគ្រប់ទម្រង់ ពោលគឺទៅរកសមាជិកព្រឹទ្ធសភា គោះទ្វារផ្ទះ ឬចុចកណ្តឹងផ្ទះ ដើម្បីរំលឹកគេឲ្យដឹងគុណចំពោះជាតិមាតុភូមិ។ សមរភូមិមិនទាក់ទងនឹងគណបក្សចលនាឆ្ពោះទៅមុខទេ ប៉ុន្តែវាគឺទាក់ទងនឹងប្រជាជនដែលបានបោះឆ្នោតជូនពួកគេនៅក្នុងការបោះឆ្នោតសកលថ្ងៃទី១៤ខែឧសភា”៕

ប្រែសម្រួល៖ Vann Vann

ប្រភព៖ Bangkok Post

ចុចអាន៖ លោក Pita អស់សិទ្ធិឈរឈ្មោះបោះឆ្នោតជានាយករដ្ឋ មន្ត្រី ថៃ ជុំបន្ទាប់ហើយ