Breaking News! លោក Pita អស់សិទ្ធិឈរឈ្មោះបោះឆ្នោតជានាយករដ្ឋមន្ត្រី ថៃ ជុំបន្ទាប់ហើយ

សភាថៃនៅថ្ងៃពុធនេះបានសម្រេចបោះឆ្នោតប្រឆាំងលោក Pita Limjaroenrat លែងឲ្យឈរឈ្មោះជាបេក្ខជននាយករដ្ឋមន្ត្រីថៃសម្រាប់ការបោះឆ្នោតជុំបន្ទាប់ហើយ ដោយសារតែក្ដីក្ដាំការកាន់កាប់ភាគហ៊ុននៅ​ក្នុង​ក្រុមហ៊ុន​ប្រព័ន្ធ​ផ្សព្វផ្សាយ iTV ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយចំណាយពេលជិត ៨ ម៉ោងក្នុងសម័យប្រជុំរួមគ្នានៃរដ្ឋសភា និងព្រឹទ្ធសភា ទីបំផុតក្នុងចំណោមសមាជិកសភាចំនួន ៧១៥ រូប មាន ៣៩៤ រូបបានបោះឆ្នោតប្រឆាំងមេដឹកនាំគណបក្សចលនាឆ្ពោះទៅមុខលោក Pita លែងឲ្យឈរឈ្មោះជានាយករដ្ឋមន្ត្រីទី ៣០ របស់ថៃ ខណៈសំឡេងគាំទ្រមាន ៣១២ សំឡេង, អនុបវាទមានចំនួន ៨ សំឡេង និងមិនបានបោះឆ្នោតចំនួន ១ សំឡេង ។

គួរបញ្ជាក់ថា លោក Pita Limjaroenrat បានបរាជ័យក្នុងការបោះឆ្នោតជ្រើសរើសជានាយករដ្ឋមន្ត្រីថៃកាលពីជុំទី ១ នៅក្នុងសម័យប្រជុំរួមគ្នានៃរដ្ឋសភា និងព្រឹទ្ធសភាថ្ងៃទី១៣ ខែកក្កដាកន្លងទៅ ដោយទទួលបានសំឡេងគាំទ្រមិនគ្រប់គ្រាន់ឡើយពីសមាជិកព្រឹទ្ធសភា ខណៈមូលហេតុចម្បងនោះ គឺដោយសាតែបក្សរបស់លោក Pita នៅតែជំរុញឲ្យមានវិសោធនកម្មច្បាប់ស្តីពីការប្រមាថព្រះមហាក្សត្រ ៕

ប្រែសម្រួលដោយ ៖ ជីវ័ន្ត

ប្រភព ៖ Thai PBS

ចុចអាន ៖ លោក Pita ដើរចេញពីសភា ក្រោយទទួលយកការចោទប្រកាន់របស់​តុលាការធម្មនុញ្ញ ថៃ​