សត្វដង្កូវលុកលុយព្រៃស្រល់ទំហំជាង ២០០០ ហិកតា នៅប្រទេសវៀតណាម

នៅថ្ងៃអង្គារ ទី១៥ ខែសីហា មន្ត្រីការពារព្រៃឈើបាននិយាយថា សត្វដង្កូវបានបំផ្លាញព្រៃស្រល់ជាង ២ ០០០ ហិកតានៅក្នុងខេត្ត Ha Tinh ភាគខាងជើងភាគកណ្តាលប្រទេសវៀតណាម ។

បើតាមលោក Nguyen Phi Quynh ប្រធានក្រុមប្រឹក្សាគ្រប់គ្រងព្រៃឈើការពារ Hong Linh បានឲ្យដឹងថា ថ្មីៗនេះវៀតណាមមានអាកាសធាតុក្ដៅ បណ្ដាលឱ្យដង្កូវនាងឈ្លានពានព្រៃស្រល់ជាច្រើន ។

ចំណែកឯនៅតំបន់ដែលរងផលប៉ះពាល់យ៉ាងធ្ងន់ធ្ងរមួយចំនួន គេឃើញដើមឈើនីមួយៗត្រូវបានស៊ីដោយដង្កូវនាង ៣០០-៤០០ ក្បាល បើប្រៀបធៀបទៅនឹងចំនួនមធ្យមក្នុងខេត្តគឺប្រហែល ១០-១៥ ក្បាលក្នុងមួយដើមប៉ុណ្ណោះ ។

មែនទែនទៅ ការរីកសាយយ៉ាងឆាប់រហ័សនៃដង្កូវនាងពឹងផ្អែកលើសំណើមខ្ពស់ និងអាកាសធាតុខុសប្រក្រតី ។

ដូច្នេះ ដើម្បីទប់ស្កាត់កុំឱ្យដង្កូវនាងរីករាលដាលទៅតំបន់ព្រៃឈើដទៃទៀត គណៈគ្រប់គ្រងព្រៃឈើបានសហការជាមួយមន្ត្រីអនុរក្សព្រៃឈើដើម្បីប្រមូលបុគ្គលិក និងឧបករណ៍ដើម្បីបាញ់ថ្នាំសម្លាប់សត្វល្អិត ៕

ប្រែសម្រួល៖ វារី

ប្រភព៖ tuoitrenews

ចុចអាន៖ ​របរចិញ្ចឹម​ដង្កូវនាង​ត្បាញសូត្រ​ លក់ចេញពឹងផ្អែកលើភ្ញៀវបរទេស​ជាងក្នុងស្រុក

ចុចអាន៖ គយគន់សម្រស់ដង្កូវនៅ អាមេរិក មុន និងក្រោយប្រែក្លាយជាមេអំបៅ ៥ ប្រភេទ