អាជីព
របរចិញ្ចឹមដង្កូវនាងត្បាញសូត្រ លក់ចេញពឹងផ្អែកលើភ្ញៀវបរទេសជាងក្នុងស្រុក
អ្នកស្រី មករា រស់នៅភូមិព្រែកបង្កង សង្កាត់ស្វាយជ្រុំ ក្រុងអរិយក្សត្រ ខេត្តកណ្ដាល បានចាប់របរចិញ្ចឹមដង្កូវនាង ត្បាញសូត្រលក់ជាលក្ខណៈគ្រួសារប្រមាណ ២០ ឆ្នាំ មកហើយ។
អ្នកត្បាញសូត្ររូបនេះបានបង្ហើបថា តាមពិតទៅរបរចិញ្ចឹមដង្កូវនាងនេះ មានតាំងពីជំនាន់ដូនតារបស់អ្នកស្រី ប៉ុន្តែម្ដាយអ្នកស្រីមិនចាប់របរនេះទេ លុះក្រោយមក អ្នកស្រីបានចាប់ផ្ដើមចិញ្ចឹមឡើងវិញបន្ទាប់ពីអ្នកស្រីបានបម្រើការងារឱ្យអង្គការវាយនភ័ណ្ឌមួយ។
អ្នកស្រី មករា ប្រាប់ថា អ្នកស្រីចិញ្ចឹមដង្កូវនាងយកសរសៃសូត្រ ត្បាញហូល លក់ដោយខ្លួនឯងដោយភាគច្រើនជាភ្ញៀវបរទេសជាអ្នកទិញ ច្រើនជាងភ្ញៀវក្នុងស្រុក។
អ្នកស្រី មករាប្រាប់ថា «ខ្ញុំចិញ្ចឹមលក្ខណៈគ្រួសារ បានច្រើន បានតិច វាអត់ទៀងទេ អាស្រ័យតាមរដូវកាល បើសិនជារដូវភ្លៀងខ្ញុំចិញ្ចឹមបានច្រើន ចង្អេរតូចៗ អាច ៣០ ចង្អេរ តែបើរដូវក្ដៅទុកបាន ១០ ចង្អេរ ជាធម្មតាយើងទុកតាមតម្រូវការស្លឹកមនដែលយើងមាន ដោយសារយើងអត់មានដីធំទូលាយដូចអង្គការ ឬរោងចក្រ»។
អ្នកស្រីចិញ្ចឹមដង្កូវមនរយៈពេលប្រមាណ ៤៥ ទៅ ៤៧ ថ្ងៃ ទទួលផល គឺធ្វើវិលជុំ រយៈពេលមួយឆ្នាំ ដោយពេលខ្លះអ្នកស្រីពិបាកដែរ ពេលរដូវក្ដៅ ខ្វះស្លឹកមន។
ចំពោះហូលដែលត្បាញបាន អ្នកស្រី មករា លក់ក្នុងតម្លៃ ចន្លោះ ពី ២០០ ទៅ ៣០០ ដុល្លារ ទៅតាមប្រភេទ ហើយក៏លក់បោះដុំទៅផ្សារបានខ្លះផងដែរ៕
អត្ថបទ៖ ឡេង ដេត
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង