ព័ត៌មានអន្ដរជាតិ
ត្រលប់ចូលស្រុកលើកនេះ លោក ថាក់ស៊ីន ប្រើយន្តហោះប្រណិតមួយគ្រឿងតម្លៃជិត ៧០ លានដុល្លារ
អតីតនាយករដ្ឋមន្ត្រីថៃ លោក ថាក់ស៊ីន ស៊ីណាវ៉ាត់ត្រា មានយន្តហោះឯកជនដ៏ប្រណិតចំនួន ២ គ្រឿងប្រៀបបានដូចជាមហាសេដ្ឋី ខណៈការត្រលប់ចូលស្រុកលើកនេះ លោកក៏បានប្រើប្រាស់យន្តហោះមួយគ្រឿងក្នុងចំណោម ២ គ្រឿងនោះសម្រាប់ធ្វើយានជំនិះផងដែរ ។
យន្តហោះដែលលោក ថាក់ស៊ីន ជិះត្រលប់ចូលស្រុកនៅថ្ងៃទី២២ ខែសីហានេះ គឺប្រភេទ Gulfstream G650 ជាយន្តហោះឯកជនរបស់លោក និងជាយានជំនិះដ៏សំខាន់មួយដែលលោកតែប្រើសម្រាប់ធ្វើដំណើរទៅកាន់ប្រទេសផ្សេងៗផងដែរ ។
ពាក់ព័ន្ធនឹងបញ្ហានេះដែរ ប្រព័ន្ធផ្សព្វផ្សាយជាច្រើនបានរាយការណ៍ថា ជិះយន្តហោះ Gulfstream G650 មានតម្លៃចាប់ពី ៦៥ លានដល់ ៧០ លានដុល្លារ ខណៈយន្តហោះពណ៌សរបស់គ្រួសារត្រកូល ស៊ីណាវ៉ាត់ត្រា ត្រូវគេស្គាល់ថាជារបស់ក្រុមហ៊ុន Tucky Airlines ដែលលទិញតាំងពីឆ្នាំ ២០១៥ មកម្ល៉េះ ។
ទន្ទឹមនោះ យន្តហោះឯកជន Gulfstream G650 មានសមត្ថភាពផ្ទុកអ្នកដំណើរបាន ១៩ នាក់ អាចហោះហើរក្នុងល្បឿនអតិបរមាគឺ ១,១៤០ គីឡូម៉ែត្រក្នុងមួយម៉ោង ហើយវាក៏អាចហោះហើរត្រង់ពីទីក្រុងបាងកកទៅកាន់ទីក្រុង Los Angeles ក្នុងចម្ងាយ ៩,៦០០ ទៅ ១៣,៨០០ គីឡូម៉ែត្រ ដោយមិនឈប់ចាក់ប្រេង ។
ចំណែកនៅខាងក្នុងកាប៊ីនរបស់យន្តហោះមួយនេះ មានទំហំធំទូលាយ ជាមួយនឹងកន្លែងសម្រាប់ធ្វើការចំនួន ៤, កន្លែងទទួលទានអាហារ, កម្សាន្ត និងការសម្រាកលំហែកាយផងដែរ ។ ភាពពិសេសរបស់យន្តហោះនេះទៀតនោះ គឺម៉ាស៊ីនមានសំឡេងស្ងាត់បំផុត ហើយថែមទាំងផ្តល់នូវគ្រឿងបរិក្ខារពេញលេញដូចជា WiFi គ្រឿងអេឡិចត្រូនិកដែលមានបច្ចេកវិទ្យាខ្ពស់ និងអ្វីៗជាច្រើនទៀតរាប់មិនអស់ ។
យន្តហោះឯកជន Gulfstream G650 គឺជាយន្តហោះដែលមហាសេដ្ឋី អ្នកជំនួញ និងនាយកប្រតិបត្តិកំពូលៗ ជារឿយៗពេញនិយមក្នុងការទិញជាយានជំនិះផ្ទាល់ខ្លួន ព្រោះវាអាចហោះបានលឿន សន្សំសំចៃពេលវេលាធ្វើដំណើរ ។
បើតាមរបាយការណ៍ យន្តហោះនេះត្រូវបានកាន់កាប់ដោយសេដ្ឋីថៃជាច្រើន ដូចជាលោក Vichai Srivaddhanaprabha អតីតម្ចាស់ក្រុមហ៊ុន King Power Group និងជាប្រធានក្លឹបបាល់ទាត់ Leicester City និងមនុស្សនៅក្នុងអាជីវកម្ម Charoen Pokphand Group ផងដែរ ៕
ប្រែសម្រួល៖ សាង ស្រីល័ក្ខ
ចុចអាន៖ឧត្ដមសេនីយ៍ ថៃ ៣ រូប ធ្លាប់សច្ចាទុកគ្នាដូចបងប្អូនបង្កើត និងជាមេទ័ពការពារប្រទេស
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង