សត្វដំរីមួយក្បាលរកឃើញអាភៀនជិត ៣ គីឡូក្រាម នៅប្រទេសចិន

សត្វដំរីព្រៃមួយក្បាលបានរកឃើញអាភៀនទម្ងន់ ២,៨ គីឡូក្រាមដែលគេលាក់ទុកក្នុងព្រៃ ខេត្តយូណាន ប្រទេសចិន ។

ដំបូងឡើយ មានដំរីព្រៃ ៤ ក្បាល ដើរលេងនៅក្នុងភូមិ បណ្ដាលឲ្យប្រជាជនភ័យខ្លាចវាបង្កគ្រោះថ្នាក់ និងបំផ្លាញទ្រព្យសម្បត្តិ ទើបរាយការណ៍ទៅប៉ូលិស ។ ដូច្នេះសមត្ថកិច្ចក៏ចុះដល់កន្លែងកើតហេតុ និងតាមដានដំរីដែលកំពុងដើរក្នុងព្រៃ ។

បើ​តាម​វីដេអូ ដំរី​មួយ​ក្បាល​ស្រាប់តែ​ឈប់ ហើយ​​ហិត​ថង់ម្យ៉ាងរួចបោះចោល និងបន្តដំណើរទៅមុខទៀត ។ គ្រានោះប៉ូលិសបានបើកថង់ដែលដំរីហិតទើបប្រទះឃើញមានអាភៀន ២,៨ គីឡូក្រាម តម្រូវឲ្យពួកគេបើកការស៊ើបអង្កេតភ្លាមៗ ។

សូមជម្រាបថា ខេត្តយូណានមានព្រំដែនជាប់ជាមួយប្រទេសវៀតណាម ឡាវ និងមីយ៉ាន់ម៉ា ដូច្នេះការជួញដូរគ្រឿងញៀនឆ្លងដែនតែងតែជាបញ្ហាចម្បងនៅទីនោះ ៕

ប្រែសម្រួល៖ វារី

ប្រភព៖ chinadaily

ចុចអាន៖ ដំរីចុះប្រេងជាន់សម្លាប់ម្ចាស់បែកសាកសពជាចម្រៀក​