ព័ត៌មានអន្ដរជាតិ

រោងចក្រផលិតរថយន្ត Toyota ចំនួន ១២ នៅ ជប៉ុន ផ្អាកដំណើរការជាបន្ទាន់

បានផុស

២ years មុន

នៅ

ថ្ងៃអង្គារ ២៩ សីហា ២០២៣

ដោយ

រោងចក្រផលិតរថយន្តរបស់ក្រុមហ៊ុន Toyota ចំនួន ១២ កន្លែងក្នុងចំណោម ១៤ រោងចក្រនៅប្រទេសជប៉ុនត្រូវបង្ខំផ្អាកប្រតិបត្តិការជាបន្ទាន់ ដោយសារតែប្រព័ន្ធគ្រឿងចក្រមិនដំណើរការ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការផ្អាកដំណើរការនេះ នឹងធ្វើឲ្យការផលិតរថយន្ត Toyota និង Lexus ត្រូវរងផលប៉ះពាល់ ពោលមិនអាចឲ្យក្រុមហ៊ុនផលិតរថយន្តធំជាងគេរបស់ជប៉ុនមួយនេះ ធ្វើការបញ្ជាទិញគ្រឿងបន្លាស់បាននោះទេ ។ Toyota មិនប្រាកដថា តើរោងចក្រនឹងអាចបើកដំណើរការវិញនៅពេលណានោះទេ ។

បញ្ហានេះ ធ្វើឲ្យរោងចក្រដំឡើងក្នុងស្រុកទាំងអស់ត្រូវបានប៉ះពាល់ក្នុងចំណោមខ្សែសង្វាក់ផលិតកម្មចំនួន ២៨ លើកលែងតែរោងចក្រ Miyata នៅក្នុងខេត្ត Fukuoka និងរោងចក្ររបស់ក្រុមហ៊ុន Toyota Daihatsu ក្នុងទីក្រុង Kyoto ប៉ុណ្ណោះដែលមិនរងផលប៉ះពាល់ ។

ពាក់ព័ន្ធនឹងការផ្អាកប្រតិបត្តិការនេះដែរ ធ្វើឲ្យភាគហ៊ុនរបស់ក្រុមហ៊ុន Toyota បានធ្លាក់ចុះ ០.៦៤ ភាគរយនៅក្នុងការជួញដូរពេលព្រឹក ខណៈក្រុមហ៊ុនដាក់គោលដៅផលិតរថយន្តឲ្យបានចំនួន ១០.៦ លានគ្រឿងសម្រាប់ឆ្នាំ ២០២៣ នេះ ៕

ប្រែសម្រួល៖ នាង រតនៈ

ប្រភព៖ Nikkei Asia