ព័ត៌មានអន្ដរជាតិ
ប៉ូឡូញ ព្រមានលោក Zelensky៖ “ឈប់ប្រមាថយើងទៀត”
នាយករដ្ឋមន្ត្រីប៉ូឡូញ លោក Mateusz Morawiecki បានព្រមានប្រធានាធិបតីអ៊ុយក្រែន Vladimir Zelensky កុំប្រមាថប្រទេសប៉ូឡូញ នៅលើឆាកអន្តរជាតិម្តងទៀតឲ្យសោះ ខណៈទីក្រុង កៀវ និងវ៉ាសូវី នៅតែឈ្លោះប្រកែកគ្នា លើការនាំចេញគ្រាប់ធញ្ញជាតិ។
លោក Morawiecki បានប្រាប់ការជួបជុំមួយក្នុងទីក្រុង Swidnik កាលពីថ្ងៃសៅរ៍ទី២៣ខែកញ្ញាថា “ខ្ញុំចង់ប្រាប់លោកប្រធានាធិបតី Zelensky កុំប្រមាថ ប៉ូឡូញ ម្តងទៀត ដូចដែលគាត់ធ្វើនាពេលថ្មីៗនេះ ក្នុងអំឡុងពេលសុន្ទរកថា នៅអង្គការសហប្រជាជាតិ ឲ្យសោះ”។
លោក Morawiecki និយាយថា “ប្រជាជនប៉ូឡូញ នឹងមិនអនុញ្ញាតឲ្យរឿងនេះកើតឡើងទេ ហើយការការពារកេរ្តិ៍ឈ្មោះដ៏ល្អរបស់ប្រទេសប៉ូឡូញ មិនត្រឹមតែជាកាតព្វកិច្ចនិងកិត្តិយសរបស់ខ្ញុំប៉ុណ្ណោះទេ ប៉ុន្តែក៏ជាកិច្ចការសំខាន់បំផុតរបស់រដ្ឋាភិបាលប៉ូឡូញផងដែរ។
លើសពីនេះ លោកបានសង្កត់ធ្ងន់ថា ទីក្រុងវ៉ាសូវី នឹងក្រោកឈរឡើង ដើម្បីផលប្រយោជន៍របស់ខ្លួន ក្នុងបរិបទភូមិសាស្ត្រនយោបាយបច្ចុប្បន្ន។
គួររម្លឹកឡើងវិញ លោក Zelensky បានថ្លែងនៅឯមហាសន្និបាតអង្គការសហប្រជាជាតិ ក្នុងទីក្រុងញូវយ៉កកាលពីដើមសប្តាហ៍ថា “មិត្តអឺរ៉ុបមួយចំនួនរបស់យើង បានសម្តែងធ្វើដូចជាមានសាមគ្គីភាពនៅក្នុងល្ខោននយោបាយ ដោយបង្វែរបញ្ហាគ្រាប់ធញ្ញជាតិទៅជារឿងដ៏រន្ធត់មួយ”។ ក្រោយមក ប៉ូឡូញ បានប្រតិកម្មទៅនឹងសុន្ទរកថានេះ ដោយកោះហៅឯកអគ្គរដ្ឋទូតអ៊ុយក្រែន។
ជម្លោះការទូតបានផ្ទុះឡើង បន្ទាប់ពីក្រុងវ៉ាសូវី បដិសេធដកបម្រាមលើគ្រាប់ធញ្ញជាតិអ៊ុយក្រែន ដោយលើកឡើងពីភាពចាំបាច់ដើម្បីការពារកសិកររបស់ខ្លួន ពីលំហូរផលិតផលតម្លៃថោកពីបរទេស។
ទន្ទឹមនឹងនោះ ទីក្រុងកៀវ បានដាក់ពាក្យបណ្តឹងទៅអង្គការពាណិជ្ជកម្មពិភពលោក ដោយទទូចថា ការរឹតបន្តឹងដែលដាក់ដោយប្រទេសប៉ូឡូញ គឺខុសច្បាប់។ បញ្ហានេះ មានភាពរសើបខ្លាំង ដោយសារតែប៉ូឡូញគឺជាមជ្ឈមណ្ឌលដឹកជញ្ជូនដ៏សំខាន់ សម្រាប់ការបញ្ជូនសព្វាវុធបរទេសទៅកាន់អ៊ុយក្រែន ព្រមទាំងទទួលហ្វឹកហ្វឺនទាហានអ៊ុយក្រែនផងដែរ៕
ប្រែសម្រួល៖ Vann Vann
ប្រភព៖ RT
ចុចអាន៖ ទីបំផុត ប៉ូឡូញ សម្រេចចិត្ត ឈប់ជួយអាវុធដល់អ៊ុយក្រែន ក្រោយលោក ហ្សេលេនស្គី និយាយដៀមដាម
អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត
ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ
ក្រសួងការងារ និងបណ្តុះបណ្តាលវិជ្ជាជីវៈ បើកវគ្គបណ្តុះបណ្តាលលើជំនាញផ្នែកកំបោរក្នុងវិស័យសំណង់
ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត
មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
កីឡា៥ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ agoតាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ agoនាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ