Connect with us

ព័ត៌មានអន្ដរជាតិ

ជប៉ុនកាត់ទោសប្រហារជីវិតបុរសម្នាក់ដែលដុតស្ទូឌីយ៉ូជីវចល ឆេះស្លាប់មនុស្ស ៣៦ នាក់

បានផុស

នៅ

ប្រទេស​ជប៉ុន​បាន​សម្រេច​​កាត់​ទោស​​ប្រហារ​ជីវិត​បុរស​វ័យ ​៤៥ ​ឆ្នាំ​ម្នាក់ នា​ថ្ងៃ​​ព្រហស្បតិ៍​ ទី​២៥ ខែមករា​នេះ ទៅ​លើ​សំណុំ​រឿង​ក្តី​​បង្ក​​អគ្គិភ័យ​ឆាបឆេះ​ស្ទូឌីយ៉ូ​គំនូរ​ជីវចល​ Kyoto មួយ​កន្លែង​កាល​ពី​ឆ្នាំ​២០១៩ ដែល​បាន​សម្លាប់​មនុស្ស​ ៣៦ ​នាក់​ និង​ត្រូវ​បាន​រាប់​ចូល​ជា​ព្រឹត្តការណ៍​​ឧក្រិដ្ឋ​កម្ម​សម្លាប់​មនុស្ស​ច្រើន​ក្នុង​ប្រទេស​ជប៉ុន ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាម​ទី​ភ្នាក់​ងារ​ព័ត៌មាន​ជប៉ុន NHK តុលាការ​​សង្កាត់​ Kyoto ​បាន​រក​ឃើញ​ លោក Shinji Aoba ថា​មាន​កំហុស​ ពី​ករណី​​​បង្ក​អគ្គិភ័យ​​ឆាប​ឆេះ​​អគារ​​ស្ទូឌី​យ៉ូ​ ៣ ​ជាន់​ដោយ​ចេតនា ​។ នេះ​គឺ​ដោយ​សារ​តែគំនុំ​​ដែល​លោក​មាន ចំពោះ​អ្នក​ធ្វើ​ការ​​នៅ​ស្ទូឌីយ៉ូ​ជីវចល​​ខាង​លើ​នោះ ​។

បុរស​ជប៉ុន​ខាង​លើ​បាន​អះ​អាង​ថា ស្ទូឌីយ៉ូ​បាន​​លួច​ចម្លងគំនិត​របស់​លោក នៅ​ក្រោយ​ពេល​ដែល​ស្ទីយ៉ូ​បាន​បដិសេធ​មិន​ទទួល​​​រឿង​ប្រលោម​លោក​របស់​ខ្លួន ក្នុង​កម្មវិធី​ប្រកួត​ប្រចាំ​ឆ្នាំ ដែល​ស្ទូឌីយ៉ូ​ខាង​លើ​ជា​ម្ចាស់​កម្មវិធី​។ ទោះ​យ៉ាង​ណា គឺ​គ្មាន​ព័ស្តុតាង​រក​ឃើញ​ថា​ខាង​ស្ទូឌីយ៉ូ​​លួច​ចម្លង​ស្នាដៃ​ណា​មួយ​របស់​​​​​លោក Shinji Aoba ឡើយ​។

លោក Shinji Aoba កាលនៅរងរបួសរលាក

ក្នុង​ហេតុ​ការណ៍​អគ្គិភ័យ​ខាង​លើ​កាល​ពី​ឆ្នាំ​ ២០១៩ លោក​ Shinji Aoba ​ក៏​បាន​រង​របួស​រលាក​​ពេញ​ខ្លួន​ផង​ដែរ​។ យ៉ាង​ណា​ក្តី សំណុំ​រឿង​​ខាង​លើ ត្រូវ​គេ​ផ្តោត​​ថា​តើ លោក Shinji Aoba ជា​មនុស្ស​មាន​សតិ​ស្មារតី​​គ្រប់​គ្រាន់​ឬយ៉ាងណានោះ​ទេ នៅ​ក្នុង​ជំនំ​ជម្រះ​បទ​ឧក្រិដ្ឋ​នេះ​ ហើយ​ចៅ​ក្រម​ Keisuke Masuda បាន​ចេញ​​អំណះ​អំណាង​ថា លោក Shinji Aoba មាន​សតិ​ស្មារតី​ពេញ​លេញ ទាំង​ក្នុង​ពេល​ប្រព្រឹត្ត​បទ​ល្មើស​ខាង​លើ​នោះ ដែល​នេះ​ជា​ការ​នាំ​ឲ្យ​ជនដៃដល់រូបនេះត្រូវ​ទទួល​ខុស​ត្រូវ​​តាម​ច្បាប់ ពោល​គឺ​ទោស​ព្រហ្មទណ្ឌ​ប្រហារ​ជីវិត​ ។

គួរ​រំឭក​ថា នា​ព្រឹក​ថ្ងៃ​ព្រហស្បតិ៍​​២៥ មករា​នេះ ប្រជាពលរដ្ឋ​ជប៉ុន​ប្រមាណ​ ៤០៩ ​នាក់ បាន​ឈរ​តម្រង់​ជួរ​គ្នា ដើម្បី​ចាប់​ឆ្នោត​បាន​ប័ណ្ណ​ដើម្បី​ចូល​ស្តាប់​សវនាការ​ករណី​ឧក្រិដ្ឋកម្ម​របស់​លោក​ Shinji Aoba នេះ​ ៕ ​​​

​​​ដោយ៖ មាន រតនា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៤ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម