ប្រធានប្រតិបត្តិក្រុមហ៊ុន Samsung សំណាងល្អ អាចគេចផុតពីការជាប់ពន្ធនាគារ

លោក Lee Jae-yong គ្មានកំហុស នៅក្នុងការចោទប្រកាន់ពីបទកេងប្រវ័ញ្ចតម្លៃភាគហ៊ុន និងការក្លែងបន្លំគណនេយ្យនៅក្នុងឆ្នាំ ២០១៥ នេះបើយោងតាមសេចក្តីសម្រេចរបស់តុលាការជាន់ខ្ពស់ទីក្រុងសេអ៊ូល នៅថ្ងៃទី ៥ ខែកុម្ភៈ ។ លោក Lee Jae-yong ត្រូវបានគេសង្ស័យថា មានជាប់ពាក់ព័ន្ធនឹងការកេងប្រវ័ញ្ចភាគហ៊ុន ដោយការបញ្ចូលគ្នារវាង Cheil Industries និងក្រុមហ៊ុនសំណង់ Samsung C&T។ព្រះរាជអាជ្ញាបានអះអាងថា លក្ខខណ្ឌនៃការរួមបញ្ចូលគ្នា រួមទាំងតម្លៃភាគហ៊ុន Cheil Industries បីដងនៃ Samsung C&T ត្រូវបានរៀបចំឱ្យលោក Lee ងាយស្រួលគ្រប់គ្រង C&T ។

ទោះជាយ៉ាងណា លោក Lee Jae-yong បានអះអាងថា ការរួមបញ្ចូលគ្នានេះគឺជាផ្នែកមួយនៃ “ប្រតិបត្តិការអាជីវកម្មធម្មតា” ។ គាត់ និងនាយកប្រតិបត្តិផ្សេងទៀតបានធ្វើសកម្មភាពនេះដូចៗគ្នា ពីព្រោះពួកគេជឿថាការរួមបញ្ចូលគ្នានេះនឹងផ្តល់ផលប្រយោជន៍ដល់ម្ចាស់ភាគហ៊ុន។លោក Lee Jae-yong បាននិយាយយ៉ាងដូច្នេះថា លោកមិនដែលគិតពីផលប្រយោជន៍ផ្ទាល់ខ្លួនជាអទិភាពឡើយ ក្នុងអំឡុងពេលការរួមបញ្ចូលគ្នានៃ Samsung C&T និង Cheil Industries” ។

យោងតាមគេហទំព័រ Bloomberg បានឱ្យដឹងថា ឥលូវលោក Lee Jae-yong បានរួចផុតពីការចោទប្រកាន់ រួមទាំងផុតពីការប្រឈមជាប់ពន្ធធនាគារហើយ ខណ:ដែលកាលពីខែវិច្ឆិកា ឆ្នាំ ២០២៣ គាត់ត្រូវបានព្រះរាជអាជ្ញាបានស្នើសុំដាក់ពន្ធនាគាររយៈពេល ៥ ឆ្ឆ្នាំ ពីបទសូកប៉ាន់អតីតប្រធានាធិបតីកូរ៉េ Park Geun-hye ។៣ឆ្នាំបន្ទាប់ សំណុំរឿងនេះបានបន្តទទួលបណ្តឹងឧទ្ធរណ៍ និងជំនុំជម្រះឡើងវិញពីប្រព័ន្ធតុលាការនៅទូទាំងប្រទេស ហើយតុលាការជាន់ខ្ពស់ទីក្រុងសេអ៊ូលបានកាត់បន្ថយការកាត់ទោសរបស់លោក Lee Jae-yong និងដោះលែងគាត់នៅឆ្នាំ ២០១៨ ។

តុលាការកំពូលរបស់ប្រទេសនេះបានបញ្ជាឱ្យមានការជំនុំជម្រះឡើងវិញនៅឆ្នាំ ២០១៩។ខណៈពេលដែលកំពុងរង់ចាំការជំនុំជម្រះឡើងវិញនោះ នៅឆ្នាំ ២០២០ លោក Lee ត្រូវបានកាត់ទោសក្នុងសំណុំរឿងមួយទៀត ពីបទក្លែងបន្លំតម្លៃភាគហ៊ុន និងការក្លែងបន្លំគណនេយ្យ។ ប៉ុន្តែព្រះរាជអាជ្ញាមិនអាចចាប់ខ្លួនបានទេ ព្រោះតុលាការមិនព្រមចេញដីកាចាប់ខ្លួន។នៅក្នុងការកាត់ទោសជាថ្មីពីបទស៊ីសំណូកក្នុងឆ្នាំ ២០២១ តុលាការជាន់ខ្ពស់ទីក្រុងសេអ៊ូលបានកាត់ទោសលោក Lee ឱ្យជាប់ពន្ធនាគាររយ:ពេល ២ឆ្នាំកន្លះ និងពិន័យជាប្រាក់ ៨.៦ ពាន់លានវ៉ុន (៦៤ លានដុល្លារ)។ តុលាការបាននិយាយនៅក្នុងសេចក្តីថ្លែងការណ៍មួយថា “វាជារឿងគួរឱ្យសោកស្តាយដែល Samsung ដែលជាក្រុមហ៊ុនឈានមុខគេក្នុងប្រទេស និងជាអ្នកច្នៃប្រឌិតពិភពលោកដ៏មានឥទ្ធិពល បានជាប់ពាក់ព័ន្ធក្នុងឧក្រិដ្ឋកម្ម រាល់ពេលដែលមានការកែប្រែអំណាចនយោបាយ” ។

នៅទីបំផុត គាត់បានជាប់ពន្ធនាគាររយ:ពេល ១៨ ខែ បន្ទាប់មកត្រូវបានដោះលែងពីពន្ធនាគារមុនកាលកំណត់ ដោយសារតែគាត់ស្ថិតក្នុងបញ្ជីមនុស្ស ៨១០ នាក់ដែលត្រូវបានដោះលែងនៅថ្ងៃបុណ្យជាតិរបស់ប្រទេសកូរ៉េ។ ហើយសាលក្រមមិនមានកំហុសដែលប្រកាសនៅថ្ថៃទី៥ ខែកុម្ភ: ត្រូវបានគេចាត់ទុកថាជាការលើកទឹកចិត្តសម្រាប់សាជីវកម្មយក្សមួយនេះ ដោយការព្យាយាមស្វែងរកផ្លូវចេញពីការធ្លាក់ចុះជាសកលនៃបន្ទះឈីប និងស្មាតហ្វូន ៕

ប្រែសម្រួលដោយ÷ ប៉ោ កុសល

ប្រភព÷ ZingNews