ព័ត៌មានអន្ដរជាតិ

ជប៉ុនធ្លាក់លេខជាគោលដៅទេសចរពីចិន ខណៈកូរ៉េខាងត្បូងលោតឡើងលេខ១

បានផុស

៥ ខែ មុន

នៅ

ថ្ងៃអង្គារ ១៧ កុម្ភៈ ២០២៦

ដោយ

វិស្សមកាលរយៈពេល៩ថ្ងៃ តាមចន្ទគតិរបស់ប្រទេសចិនចាប់ផ្ដើមកាលពីថ្ងៃអាទិត្យ ដោយប្រទេសជប៉ុនបានធ្លាក់ចេញពីគោលដៅទេសចរណ៍លេខ២ សម្រាប់ដំណើរកម្សាន្តក្រៅប្រទេសពេញនិយមបំផុតចំនួន១០របស់អ្នកដំណើរចិន។ ការធ្លាក់ចុះនេះ បន្ទាប់ពីទីក្រុងប៉េកាំងបានជំរុញពលរដ្ឋរបស់ខ្លួន មិនឱ្យទៅលេងប្រទេសជប៉ុន ចំពេលមានភាពតានតឹងផ្នែកការទូតជុំវិញកោះតៃវ៉ាន់។

ប្រជាជនចិនអំឡុងពេលបុណ្យចូលឆ្នាំចិន។ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណា ប្រទេសកូរ៉េខាងត្បូងត្រូវបានរំពឹងថានឹងក្លាយជាគោលដៅក្រៅប្រទេសកំពូលជាមួយនឹងភ្ញៀវទេសចរចិនចំនួន ២៥០ ០០០នាក់ កើនឡើង ១,៥ដង បើធៀបនឹងឆ្នាំមុន។

យោងតាម Kyodo ចុះផ្សាយថ្ងៃទី១៥ ខែកុម្ភៈ ប្រទេសដែលពេញនិយមម្រាប់ជនជាតិចិនផ្សេងទៀត រួមមានប្រទេសថៃ សិង្ហបុរី វៀតណាម តួកគី និងរុស្ស៊ី។ នេះបើយោងតាមរបាយការណ៍ប្រព័ន្ធផ្សព្វផ្សាយក្នុងស្រុក។

គួរឱ្យដឹងថា ភាពតានតឹងរវាងប្រទេសចិននិងជប៉ុន កើតចេញពីការថ្លែងសុន្ទរកថារបស់នាយករដ្ឋមន្ត្រីជប៉ុន លោកស្រី សាណាអេ តាកាអ៊ិឈិ (Sanae Takaichi) នៅសភាខែវិច្ឆិកា ជុំវិញកោះតៃវ៉ាន់។

មិនតែប៉ុណ្ណោះ ក្រុងប៉េកាំង-តូក្យូ មានចំនួនអ្នកទេសចរចិនជាច្រើនជាប់ព្រំដែនជប៉ុនអំឡុងថ្ងៃឈប់សម្រាកបុណ្យចូលឆ្នាំថ្មី គេរំពឹងថានឹងធ្លាក់ចុះដល់ទៅ ៦០ ភាគរយធៀបនឹងឆ្នាំមុន។

យ៉ាងណាការធ្វើដំណើរចំនួន ៩.៥ប៊ីលានជើងត្រូវបានព្យាករ អំឡុងពិធីបុណ្យនិទាឃរដូវរយៈពេល ៤០ថ្ងៃ នៃការធ្វើដំណើររហូតដល់ថ្ងៃទី១៣ ខែមីនា ដែលគេស្គាល់ជាភាសាចិនថា «ឈុនយុន ឬ Chunyun»។

ស្ថានទូតចិនប្រចាំទីក្រុងអូសាកា កាលពីថ្ងៃអាទិត្យ បានអំពាវនាវជាថ្មីម្តងទៀត ជំរុញឱ្យជនជាតិចិន ជៀសវាងការធ្វើដំណើរទៅកាន់ប្រទេសជប៉ុន បន្ទាប់ពីមានឧប្បត្តិហេតុសម្លាប់មនុស្ស ក្នុងសង្កាត់ Dotombori កើតឡើងយ៉ាងមមាញឹករបស់ទីក្រុងនេះកាលពីប៉ុន្មានយប់មុន។

កាលពីថ្ងៃសៅរ៍ អ្នកការទូតកំពូលរបស់ចិន លោក វ៉ាង យី (Wang Yi) បានរិះគន់ការលើកឡើងរបស់ លោកស្រី តាកាអ៊ិឈិ ម្តងទៀត នៅក្នុងសន្និសីទសន្តិសុខនៅទីក្រុង Munich ប្រទេសអាល្លឺម៉ង់ ដោយលើកឡើងថា៖ «ពួកគេ ប្រឆាំងនឹងអធិបតេយ្យភាពរបស់ប្រទេសចិនដោយផ្ទាល់ ពីនិន្នាការគ្រោះថ្នាក់នាពេលថ្មីៗនេះនៅក្នុងប្រទេសជប៉ុន»។ នេះបើតាមទីភ្នាក់ងារព័ត៌មាន Xinhua ។

ទីក្រុងប៉េកាំងអះអាងថា មេដឹកនាំជប៉ុនបាននឹងកំពុងព្យាយាមស្តារលទ្ធិយោធានិយមឡើងវិញ ជាពិសេសបារម្ភថាតាកាអ៊ិឈិ ជាអ្នកគ្រប់គ្រងសន្តិសុខជាតិ ដែលអាចពង្រឹងសមត្ថភាពការពារប្រទេសរបស់លោកស្រី និងពន្លឿនវិសោធនកម្មរដ្ឋធម្មនុញ្ញសន្តិភាពក្រោយសង្គ្រាមរបស់ខ្លួន៕

ប្រែសម្រួល៖ ណឺ មិនា