Connect with us

ព័ត៌មានអន្ដរជាតិ

យន្តហោះទម្លាក់គ្រាប់បែក រុស្ស៊ី ធ្លាក់នៅតំបន់ភាគខាងត្បូងប្រទេស

បានផុស

នៅ

យន្តហោះទម្លាក់គ្រាប់បែកយុទ្ធសាស្ត្រ Tu-22M3 របស់កងកម្លាំងដែនអាកាសរុស្ស៊ីនៅថ្ងៃសុក្រនេះបានធ្លាក់នៅតំបន់ Stavropol ភាគខាងត្បូងនៃប្រទេសរុស្ស៊ី ។ នេះបើយោងតាមការចេញផ្សាយដោយទីភ្នាក់ងារព័ត៌មាន Reuters នៅថ្ងៃទី១៩ ខែមេសានេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងការពារជាតិរុស្ស៊ីបាននិយាយថា យន្តហោះ Tu-22M3 បានធ្លាក់នៅតាមផ្លូវត្រលប់មកកាន់មូលដ្ឋានទ័ពអាកាសវិញ ក្រោយពីបិទបញ្ចប់បេសកកម្មប្រយុទ្ធ ខណៈពីឡុត ៤ រូបនៅលើយន្តហោះទម្លាក់គ្រាប់បែកនោះបានហក់លោតចេញ ហើយ ៣ នាក់ត្រូវបានជួយសង្គ្រោះ ចំណែកឯអ្នកទី ៤ កំពុងបាត់ខ្លួននៅឡើយ ខណៈក្រុមអ្នកជួយសង្គ្រោះក៏បន្តតាមរកផងដែរ ។

ក្រសួងបញ្ជាក់នៅក្នុងសេចក្ដីថ្លែងការណ៍មួយថា យន្តហោះ Tu-22M3 ដែលធ្លាក់នេះគឺមិនមានដឹកជញ្ជូន ឬផ្ទុកគ្រាប់បែកនោះទេ ហើយចំណែកពាក់ព័ន្ធនឹងដើមចមនៃឧបទ្ទវហេតុនេះទៀតសោត ក្រសួងអះអាងថា ទំនងជាបណ្ដាលមកពីកំហុសបច្ចេកទេស ។

គួរបញ្ជាក់ថា Tu-22M3 គឺជាយន្តហោះទម្លាក់គ្រាប់បែកផ្ទុកមីស៊ីលរយៈចម្ងាយឆ្ងាយច្រើនម៉ូដែល ហើយត្រូវបានរចនាឡើងដើម្បីវាយប្រហារលើគោលដៅកងទ័ពដីគោក និងជើងទឹកនៅទូទាំងតំបន់ទាំងរយៈកម្ពស់ខ្ពស់ មធ្យម និងទាប ហើយយន្តហោះប្រភេទនេះចាប់ផ្ដើមចេញប្រតិបត្តិការនានាឲ្យកងកម្លាំងដែនអាកាសរុស្ស៊ីតាំងតែពីឆ្នាំ ១៩៨៩ មកម្ល៉េះ ៕

ដោយ ៖ សុខ ជីវ័ន្ត

ចុចអាន ៖ ប៉ូឡូញ ចាប់ខ្លួនបុរសម្នាក់ ដែលគេចាត់មក ឲ្យធ្វើឃាតលោក Zelensky

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម