ព័ត៌មានអន្ដរជាតិ
ជប៉ុន ត្រៀមផ្ដល់ផែនទីតំបន់ហានិភ័យទឹកជំនន់ដល់បណ្ដាប្រទេសអាស៊ាន រួមទាំងកម្ពុជាផងដែរ
ដើម្បីជួយសម្រួល ក៏ដូចជាកាត់បន្ថយការខូចខាតដែលកើតមានឡើងដោយសារតែទឹកជំនន់នៅតំបន់អាស៊ាន ប្រទេសជប៉ុនគ្រោងនឹងចាប់ផ្ដើមផ្ដល់ផែនទីតំបន់ហានិភ័យនៃគ្រោះធម្មជាតិមួយនេះទៅដល់ប្រទេសវៀតណាម ឥណ្ឌូណេស៊ី ថៃ រួមទាំងកម្ពុជាផងដែរនៅឆ្នាំក្រោយ ។ នេះបើយោងតាមការចេញផ្សាយដោយសារព័ត៌មាន VN Express កាលពីថ្ងៃទី៩ ខែឧសភាកន្លងទៅ ។
ក្រសួងដែនដី ហេដ្ឋារចនាសម្ព័ន្ធ ដឹកជញ្ជូន និងទេសចរណ៍ជប៉ុនបានចេញផ្សាយផែនទីតំបន់ហានិភ័យនៃទឹកជំនន់សម្រាប់ផ្នែកផ្សេងៗនៃប្រទេសជប៉ុនខ្លួនឯងរួចមកហើយ ដោយក្នុងនោះបង្ហាញពីជម្រៅនៃការជន់លិច ក៏ដូចជាតំបន់ដែលកើតមានជញឹកញាប់នៃទឹកជំនន់ ។
ផ្អែកលើទិន្នន័យអង្កេតដែលប្រមូលបានតាមរយៈរង្វាស់ទឹកភ្លៀង ផែនទីបង្ហាញពីហានិភ័យនៃការជន់លិចដោយសារភ្លៀងធ្លាក់ខ្លាំងនេះទំនងជានឹងកើតឡើងរៀងរាល់ ១០ ឆ្នាំ, ៣០ ឆ្នាំ, ៥០ ឆ្នាំ, ១០០ ឆ្នាំ និង ១៥០ ឆ្នាំ ឬអាចឈានដល់ ២០០ ឆ្នាំ ខណៈផែនទីនោះក៏ប្រាប់ពីព័ត៌មាននៃការជម្លៀសមនុស្សចេញពីតំបន់គ្រោះទឹកជំនន់ដោយរលូន រួមជាមួយនឹងផែនការសហគមន៍ផងដែរ ។
ស្របពេលជាមួយគ្នានេះ ដោយសារតែប្រទេសវៀតណាម ឥណ្ឌូណេស៊ី ថៃ និងកម្ពុជាតែងតែរងគ្រោះដោយទឹកជំនន់ទ្រង់ទ្រាយធំជាញឹកញាប់ ដូច្នេះក្រសួងបានចាត់ទុកថា វាជាសារៈប្រយោជន៍សម្រាប់ប្រទេសអាស៊ានទាំង ៤ ដែលមានផែនទីស្រដៀងៗគ្នាបង្ហាញយ៉ាងច្បាស់អំពីហានិភ័យនៃទឹកជំនន់នៅក្នុងតំបន់គោលដៅ ។
ទន្ទឹមនោះ ការផ្ដល់ផែនទីនេះទៀតសោតក៏កើតមានឡើង ព្រោះតែប្រទេសទាំង ៤ មិនទាន់មានទិន្នន័យអង្កេតមូលដ្ឋានគ្រប់គ្រាន់នៅឡើយ ទើបក្រសួងសម្រេចចិត្តបង្កើតផែនទីពាក់ព័ន្ធនេះឡើង ជាពិសេសបន្ទាប់ពីការត្រាប់តាមទឹកជំនន់ដោយប្រើទិន្នន័យសង្កេតដែលប្រមូលបានដោយប្រព័ន្ធ Global Satellite Mapping of Precipitation (GSMaP) ដំណើរការដោយទីភ្នាក់ងាររុករកអវកាសជប៉ុន និងស្ថាប័នផ្សេងៗទៀតជាដើម ។
បន្ថែមពីលើការរៀបចំគោលការណ៍ណែនាំ ដែលរួមមាននីតិវិធីសម្រាប់បង្កើតផែនទីនេះហើយ ក្រសួងក៏នឹងជួយអភិវឌ្ឍធនធានមនុស្សតាមរយៈកម្មវិធីបណ្តុះបណ្តាលផ្សេងៗផងដែរ ហើយផែនទីទាំងប៉ុន្មានរំពឹងនឹងត្រូវបានដាក់ឲ្យប្រើប្រាស់ជាសាធារណៈក្នុងប្រទេសនីមួយៗ ។
គួរបញ្ជាក់ថា ក្រសួងដែនដី ហេដ្ឋារចនាសម្ព័ន្ធ ដឹកជញ្ជូន និងទេសចរណ៍ជប៉ុនបានចាប់ផ្តើមពិភាក្សាជាមួយប្រទេសអាស៊ានទាំង ៤ កាលពីឆ្នាំ ២០២៣ កន្លងទៅដើម្បីជ្រើសរើសតំបន់គោលដៅហានិភ័យកើតមានទឹកជំនន់ ហើយគ្រោងនឹងផ្តល់កំណែគំរូនៃផែនទីដល់ប្រទេសនីមួយៗនៅចុងឆ្នាំ ២០២៥ ៕
ដោយ ៖ សុខ ជីវ័ន្ត
ចុចអាន ៖ ៣ ប្រទេសនៅ អាស៊ាន ក្លាយជាមុខព្រួញទេសចរណ៍ល្បីៗទាំង ១០ របស់ ចិន
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ៣ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ៧ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ៣ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ១ ថ្ងៃ ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
សេចក្ដីជូនដំណឹង១៤ ម៉ោង ago
ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
ព័ត៌មានអន្ដរជាតិ១ សប្តាហ៍ ago
៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី
-
ព័ត៌មានជាតិ៧ ថ្ងៃ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ