ព័ត៌មានអន្ដរជាតិ
អ៊ុយក្រែន បញ្ចុះបញ្ចូល ចិន ឲ្យចូលរួមកិច្ចប្រជុំសន្តិភាពនៅ ស្វីស
អនុរដ្ឋមន្ត្រីការបរទេសទីមួយរបស់អ៊ុយក្រែនបានជំរុញឲ្យចិនបញ្ជូនគណៈប្រតិភូទៅចូលរួមកិច្ចប្រជុំកំពូលស្ដីពីសន្តិភាពអ៊ុយក្រែនក្នុងប្រទេសស្វីស ខណៈប្រទេសរុស្ស៊ីមិនត្រូវបានអញ្ជើញឲ្យចូលរួមក្នុងកិច្ចប្រជុំនេះនោះទេ ។ នេះបើយោងតាមការចេញផ្សាយរបស់ទីភ្នាក់ងារព័ត៌មាន Reuters នៅថ្ងៃទី៦ ខែមិថុនានេះ ។

លោក Andriy Sybiha អនុរដ្ឋមន្ត្រីការបរទេសទីមួយដែលបានធ្វើទស្សនកិច្ចទៅកាន់ប្រទេសចិនកាលពីថ្ងៃទី៥ ខែមិថុនា គឺមានបំណងដើម្បីបញ្ចុះបញ្ចូលប្រទេសចិនឲ្យចូលរួមកិច្ចប្រជុំរបស់ខ្លួនដែលគ្រោងទុកនៅថ្ងៃទី១៥ ដល់ថ្ងៃទី ១៦ ខែមិថុនាខាងមុខនេះ ។
បន្ទាប់ពីកិច្ចប្រជុំនៅទីក្រុងប៉េកាំងជាមួយនឹងអនុរដ្ឋមន្ត្រីការបរទេសចិនលោក Sun Weidong ហើយ, អនុរដ្ឋមន្ត្រីការបរទេសទីមួយលោក Andriy Sybiha បានជំរុញឲ្យចិនចូលរួមក្នុងកិច្ចប្រជុំនេះដែលវាអាចជាឱកាសដ៏ល្អមួយក្នុងការរួមចំណែកសម្រេចបាននូវសន្តិភាពដ៏ត្រឹមត្រូវ និងយូរអង្វែងនៅអ៊ុយក្រែន ។
រហូតមកដល់ពេលនេះ ប្រទេសជាង ១០០ ហើយបានទទួលយកការអញ្ជើញទៅកិច្ចប្រជុំកំពូលនេះ លើកលែងតែប្រទេសរុស្ស៊ីដែលមិនត្រូវបានអញ្ជើញដើម្បីពិភាក្សាអំពីការផ្តល់ផែនការសន្តិភាពដែលបានគូសបញ្ជាក់ដោយលោកប្រធានាធិបតី Volodymyr Zelensky ដើម្បីបញ្ចប់ភ្លើងសង្គ្រាមដែលអូសបន្លាយពេលមកដល់ឆ្នាំទី ៣ ទៅហើយ ។

ទោះបីជាចិនបានអះអាងថាខ្លួនប្រកាន់អព្យក្រឹតចំពោះសង្គ្រាមរុស្ស៊ី និងអ៊ុយក្រែនក៏ដោយ តែចិនបានបដិសេដកិច្ចប្រជុំនេះកាលពីសប្ដាហ៍មុន ដោយសារសម្ព័ន្ធមិត្តដ៏ជិតស្និតរបស់ខ្លួនគឺរុស្ស៊ីមិនចូលរួមកិច្ចប្រជុំនេះនោះទេ ។ចំណែកបើងាកមករុស្ស៊ីវិញបានសើចចំអកថា ឥតប្រយោជន៍ ខណៈអ៊ុយក្រែនបានចោទក្រុងមូស្គូពីបទព្យាយាមរំខានដល់កិច្ចខិតខំប្រឹងប្រែងផ្តួចផ្ដើមបង្កើតកិច្ចប្រជុំនេះ ។
គួរបញ្ជាក់ថា ប្រទេសចិនបានប្រកាសភាពជាដៃគូឥតដែនកំណត់ជាមួយរុស្ស៊ី ប៉ុន្មានថ្ងៃមុនពេលទីក្រុងមូស្គូបានចាប់ផ្តើមសង្គ្រាមលុកលុយលើអ៊ុយក្រែនក្នុងខែកុម្ភៈ ឆ្នាំ២០២២ ប៉ុន្តែបញ្ជាក់ថាខ្លួនជាប្រទេសអព្យាក្រឹតនៅក្នុងជម្លោះនេះ ។ ទោះបីជាយ៉ាងណា ប្រទេសលោកខាងលិចមួយចំនួន និងសហរដ្ឋអាមេរិកបានចោទប្រកាន់ចិនថាជួយដល់រុស្ស៊ីក្នុងការពង្រីកវិស័យឧស្សាហកម្មផ្នែកយោធាយ៉ាងច្រើន ដែលជាផ្នែកមួយជួយជំរុញការវាយលុករបស់រុស្ស៊ីលើអ៊ុយក្រែន ៕

អត្ថបទ៖ ប៊ុន សុភាព

-
ព័ត៌មានអន្ដរជាតិ២២ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២១ ម៉ោង ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?