Connect with us

ព័ត៌មានអន្ដរជាតិ

អ៊ុយក្រែន បង្ហាញកូនចិត្ត អញ្ជើញរុស្ស៊ី ចូលរួមសន្និសីទសន្តិភាព លើកក្រោយ

បានផុស

នៅ

ក្រោយសន្និសីទសន្តិភាពអ៊ុយក្រែននៅប្រទេសស្វីស បានបញ្ចប់ទៅហាក់មិនទទួលបានលទ្ធផលគាប់ប្រសើរណាមួយសោះនោះ ស្រាប់តែពេលនេះ ទីក្រុងកៀវ បង្ហាញកូនចិត្តថា កិច្ចប្រជុំលើកក្រោយ ខ្លួនក៏ប្រហែលជាអញ្ជើញភាគីរុស្ស៊ី ឲ្យចូលរួមដែរហើយ។

(រូបថត៖ Flickr)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តីនេះ គឺចេញពីមាត់លោក Andrey Yermak ដែលជានាយអគ្គសេនាធិការនិងជាជំនួយការប្រធានាធិបតីអ៊ុយក្រែន វ្ល៉ាឌីមៀរ ហ្សេលេនស្គី និងត្រូវបានចុះផ្សាយដោយសារព័ត៌មាន RT កាលពីថ្ងៃពុធទី១៩ខែមិថុនាឆ្នាំ២០២៤។

អំឡុងសន្និសីទសារព័ត៌មានជាមួយក្រុមអ្នកកាសែត ដែលត្រូវបានរៀបចំឡើងដើម្បីសង្ខេបលទ្ធផលនៃជំនួបកំពូលនៅទីក្រុង Lucerne ក្នុងប្រទេសស្វីស កាលពីចុងសប្តាហ៍, លោក Yermak បង្ហើបឲ្យដឹងថា ក្រុមការងាររបស់លោក កំពុងញាប់ដៃញាប់ជើង រៀបចំឲ្យមានកិច្ចប្រជុំសន្តិភាពថ្មីៗជាបន្តទៀត ហើយជាពិសេសគឺវត្តមានរបស់ភាគីរុស្ស៊ី តែម្តង។

លោក Andrey Yermak (រូបថត៖ Getty)

លោកនិយាយថា “ក្រោយសន្និសីទលើកនេះ មានប្រទេសជាច្រើនលើកទឹកចិត្តឲ្យយើងរៀបចំ ជំនួបលើកក្រោយទៀត ហើយយើងគិតថា ពិតជាអាចទៅរួច ក្នុងការអញ្ជើញតំណាងរុស្ស៊ីឲ្យមកចួលរួមដែរ”។

ត្បិតតែមានប្រទេសចូលរួមច្រើនគួសមមែន ប៉ុន្តែរដ្ឋមួយចំនួន មិនបានចុះហត្ថលេខាលើសេចក្តីប្រកាសចុងក្រោយទេ ព្រោះតែពួកគេមិនពេញចិត្តនឹងរូបមន្តសន្តិភាពរបស់អ៊ុយក្រែន ទាំងដែលភាគីជម្លោះម្ខាងទៀត គឺរុស្ស៊ី មិនត្រូវបានអញ្ជើញឲ្យចូលរួម។

(រូបថត៖ Pool)

លើសពីនេះ ប្រទេសជាច្រើន ជាពិសេសចិន ក៏បដិសេធចូលរួមសន្និសីទនោះដែរ ព្រោះអវត្តមានរបស់រុស្ស៊ី ដោយលើកហេតុផលថា សន្តិភាពមិនអាចសម្រេចបានទេ បើកិច្ចពិភាក្សាមានការចូលរួមពីសំណាក់ភាគីជម្លោះតែម្ខាងនោះ។

ទោះបីជាយ៉ាងណាក៏ដោយ លោក Yermak អះអាងថា សន្និសីទនៅស្វីស ពិតជាទទួលបានជោគជ័យ ហើយកិច្ចប្រជុំលើកក្រោយនឹងមានតំណាងចូលរួមកាន់តែច្រើនជាងនេះទៀត៕

អត្ថបទ៖ សុខ សុវណ្ណ

ចុចអាន៖ ១២ប្រទេស មិនព្រមចុះហត្ថលេខាលើសេចក្តីប្រកាស របស់សន្និសីទសន្តិភាពអ៊ុយក្រែន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ ម៉ោង មុន

ក្រសួង​ព័ត៌មាន​ និង ​ក្រសួង​ឧស្សាហកម្ម​ ចុះ​អនុស្សរណៈ​យោគយល់​គ្នា​ ដើម្បី​រួមសហការ​គ្នា​ផ្សព្វផ្សាយ​ព័ត៌មាន​ពាក់​ព័ន្ធ ​បេសកកម្ម និង​គោលនយោបាយរួមតែមួយ

ព័ត៌មានជាតិ១ ម៉ោង មុន

អ្នកនាំពាក្យរងក្រសួងការងារ ៖ កម្ពុជា ជាឋានសួគ៌របស់សហជីពជាង៦ពាន់

សន្តិសុខសង្គម៤ ម៉ោង មុន

គ្រឿងញៀន១៤៥គីឡូក្រាមត្រូវបានបង្ក្រាប និងឃាត់ខ្លួនឧក្រិដ្ឋជន៥នាក់

ព័ត៌មានជាតិ៤ ម៉ោង មុន

ក្រសួងព័ត៌មាន និងក្រសួងទេសចរណ៍ ចាប់ដៃគ្នា ដើម្បីផ្សាយពីវិស័យទេសចរណ៍កម្ពុជាឱ្យសម្បូរបែបជាងមុន

ព័ត៌មានជាតិ៥ ម៉ោង មុន

ប័ណ្ណ​សម្គាល់​ជលយាន​ចំនួន​៩៨​ប័ណ្ណ ត្រូវ​បាន​ប្រគល់​ជូន​ព​ល​រដ្ឋ​ស្រុក​កោះកុង

ព័ត៌មានជាតិ១០ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ៨ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ១២ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានអន្ដរជាតិ១៤ ម៉ោង មុន

រលក​កម្ដៅ​៥២​អង្សា ប្រល័យ​ជីវិត​អ្នក​ចូលរួម​ធម្មយាត្រា Hajj ជាង​១០០០​នាក់​ហើយ

ព័ត៌មានជាតិ៩ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

Sokha Hotels

ព័ត៌មានពេញនិយម