ថៃ ជួបព្យុះផ្គររន្ទះនិងខ្យល់កន្ត្រាក់ ដល់ថ្ងៃព្រហស្បតិ៍

តាមការចុះផ្សាយរបស់ Bangkok Post, មន្ត្រីថៃបានចេញការព្រមានអំពីព្យុះផ្គររន្ទះនិងខ្យល់កន្ត្រាក់នៅខេត្តភាគខាងជើង​ ខាងត្បូងនិងកណ្តាលដោយរួមទាំងទីក្រុងបាងកកផងដែរ រហូតដល់ថ្ងៃព្រហស្បតិ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការបញ្ជាក់ពីនាយកដ្ឋានឧតុនិយម, ប្រព័ន្ធវិសម្ពាធពីប្រទេសចិន នឹងមកដល់សមុទ្រចិនខាងត្បូង ហើយឥទ្ធពិលខ្យល់មូសុងនឹងគ្របដណ្តប់លើភាគខាងជើងភាគ ដល់កណ្តាលប្រទេសថៃ។ ដូច្នេះហើយ វានឹងបង្កជាបាតុភូតគ្រោះធម្មជាតិ ដូចជាព្យុះ ផ្គររន្ទះនិងខ្យល់កន្ត្រាក់ វាយប្រហារប្រទេសថៃ ដល់ពាក់កណ្តាលសប្តាហ៍នេះ។

លោក Chaiwat Jultirapong អគ្គនាយកនៃនាយកដ្ឋានបង្ការនិងកាត់បន្ថយគ្រោះមហន្តរាយ បាននិយាយកាលពីថ្ងៃអាទិត្យទី២៩ខែកញ្ញាឆ្នាំ២០២៤ថា លោកបានបញ្ជាឲ្យមន្ត្រីក្រោមឱវាទនៅតាមបណ្តាខេត្ត ត្រូវត្រៀមលក្ខណៈសម្រាប់ផលប៉ះពាល់ដែលអាចកើតមាន ហើយព្រមានដល់ប្រជាពលរដ្ឋត្រូវមានការប្រុងប្រយ័ត្នគ្រប់ពេលវេលា។

សូមបញ្ជាក់ថា ព្យុះថ្មីនេះនឹងវាយប្រហារប្រទេសថៃ ស្របពេលទឹកជំនន់នៅខេត្តភាគច្រើន ទើបតែចាប់ផ្តើមស្រកចុះបានបន្តិចប៉ុណ្ណោះ។

យោងតាមនាយកដ្ឋាន, ចាប់ពីថ្ងៃទី១៦ខែសីហាមក ទឹកជំនន់បានប៉ះពាល់ដល់មនុស្សប្រហែល១៨១ ១០០០គ្រួសារ, សម្លាប់មនុស្ស៤៩នាក់ និង២៨នាក់ទៀត រងរបួសនៅក្នុងខេត្តចំនួន៣៧៕

អត្ថបទ៖ សុខ សុវណ្ណ

ចុចអាន៖ ថៃ​​ប្រាប់​ឲ្យ​អ្នក​នៅ​បាងកក និង​ខេត្ត​ចំនួន​១០​ ត្រៀម​ប្រឈម​នឹង​​គ្រោះ​ទឹក​ជំនន់