ព័ត៌មានអន្ដរជាតិ
កោះមួយនៅថៃ ត្រូវបានប្រកាសលក់ក្នុងតម្លៃជាង ៥៣លានដុល្លារ
យោងតាមសារព័ត៌មាន Bangkok Post នៅថ្ងៃទី២៣ខែតុលានេះ កោះ Kham ដែលស្ថិតនៅខេត្ត Trat នៃប្រទេសថៃ ត្រូវបានប្រកាសលក់នៅលើបណ្ដាញសង្គមហ្វេសប៊ុកនៅក្នុងតម្លៃ ១,៨ពាន់លានបាត ឬស្មើនឹងជាង ៥៣លានដុល្លារ។
Bangkok Post បានផ្សាយថា វាជាកោះឯកជនមួយ ហើយក៏ជាកោះដ៏ស្អាតដាច់គេនៅក្នុងខេត្ត Trat ហើយតម្លៃដែលបានកំណត់លក់ មានរួមបញ្ចូលទាំងសំណង់រីសតដែលមិនទាន់ធ្វើរួច។ ដីដែលលក់នៅលើកោះ មានទំហំ ១,៦ហិកតា ដែលមានឆ្នេរសមុទ្រប្រវែងប្រហែល ៣០០ម៉ែត្រ។ វាស្ថិតនៅចម្ងាយប្រមាណ ៣៥គីឡូម៉ែត្រពីខេត្ត Trat និងប្រមាណ ១គីឡូម៉ែត្រពីកោះ Mak។
អាជ្ញាធរទេសចរណ៍នៃខេត្ត Trat បានប្រាប់ថា មិនមែនទាល់តែមានប្រាក់១,៨ពាន់លានបាតទើបអាចទៅលេងកម្សាន្តនៅលើកោះ Kham បាននោះឡើយ ដោយពលរដ្ឋអាចនាំគ្នាទៅទស្សនាតាមរយៈការជិះម៉ូតូទឹក ឬទូកធ្វើដំណើរចេញពីកោះ Mak។ នៅលើកោះ Kham មានបណ្ដុំថ្មដែលកើតចេញពីបំផ្ទុះភ្នំភ្លើង និងផ្កាថ្ម ក៏ដូចជាទេសភាពដ៏ស្រស់ស្អាតនៅជុំវិញកោះ។
អាជ្ញាធរ បានបន្ថែមថា កោះ Kham ធ្លាប់ជារណ្ដៅភ្នំភ្លើងមួយកាលពីរាប់លានឆ្នាំមុន។
កាលពីឆ្នាំ២០១៤ ម្ចាស់កោះ Kham ធ្លាប់រងការចោទប្រកាន់ពាក់ព័ន្ធពីបទទន្ទ្រានព្រៃឈើ និងសមុទ្រ ដោយការសង់ស្ពានមួយប្រវែង១៤៨ម៉ែត្រ ការធ្វើទំនប់ទឹកប្រវែង៤៨០ម៉ែត្រ និងការចាក់បំពេញដីចូលសមុទ្រ៕
ដោយ៖ ឈាង
-
ព័ត៌មានអន្ដរជាតិ២ ម៉ោង agoអាល្លឺម៉ង់ ក្តៅខ្លាំង ដល់ថ្នាក់រលាយផ្លូវរថភ្លើងអគ្គិសនី និងប្រេះហើប ផ្លូវល្បឿនលឿន
-
សន្តិសុខសង្គម២ ថ្ងៃ agoចាប់ខ្លួនម្ចាស់ហាង «កាកាសាឡន ក្រោយវាយធ្វើបាប និងគំរាមកាត់ម្រាមដៃជើង លើស្រ្តីមេម៉ាយបម្រើក្នុងផ្ទះ
-
កីឡា១ សប្តាហ៍ agoក្រុមជម្រើសជាតិកម្ពុជា មានស្ថិតិល្អការប្រកួត ASEAN Championship នៅស្តាតមរតកតេជោ
-
កីឡា៣ ម៉ោង agoលោក ពេជ្រ សុផាន់ រំលឹកគុណរបស់លោក អេ ភូថង ដែលធ្លាប់ជួយខ្លួនអំឡុងឆ្នាំ២០១៤ ធ្លាក់ដល់ទាល់ច្រកអស់ផ្លូវដើរ
-
ព័ត៌មានអន្ដរជាតិ២៤ ម៉ោង agoផ្ទុះផង បាញ់ផង ដុតផង! ភាគខាងត្បូងថៃ កំពុងចលាចល និង វឹកវរខ្លាំង
-
ព័ត៌មានអន្ដរជាតិ១ សប្តាហ៍ agoពូទីន ចង់យកកិច្ចព្រមព្រៀងចាស់ និងតថភាពជាក់ស្ដែងលើសមរភូមិ ទៅចរចាសន្តិភាពជាមួយអ៊ុយក្រែន
-
កីឡា១ សប្តាហ៍ agoចប់សន្សំពិន្ទុជុំទី២ World Cup 2026 រកឃើញ ៧ ក្រុមឡើងវគ្គ ៣២ ក្រុមចុងក្រោយ
-
ព័ត៌មានជាតិ៣ ថ្ងៃ agoកូរ៉េខាងត្បូង ស្នើឲ្យ កម្ពុជា ធ្វើម្ចាស់ផ្ទះសន្និសីទ ICPC លើកទី ២