ព័ត៌មានអន្ដរជាតិ

យោធាថៃនិងកងកម្លាំងភាគតិចមីយ៉ាន់ម៉ានៅតំបន់ត្រីកោណមាសត្រៀមប៉ះទង្គិចគ្នា

បានផុស

២ years មុន

នៅ

ថ្ងៃចន្ទ ២៥ វិច្ឆិកា ២០២៤

ដោយ

យោធាថៃនិងយោធារបស់កងកម្លាំងភាគតិចនៅមីយ៉ាន់ម៉ាកំពុងប្រឈមមុខដាក់គ្នាក្នុងកម្រិតខ្ពស់ ខណៈដែលភាគីទាំងពីទាមទារកាន់កាប់តំបន់មួយចំនួនដែលមានជម្លោះ។

សារព័ត៌មានថៃ Khaosod English បានដកស្រង់ប្រភពព័ត៌មានពីកងទ័ពរដ្ឋ Shan របស់មីយ៉ាន់ម៉ា ដែលបានផ្សាយនៅថ្ងៃចន្ទនេះ បានឲ្យដឹងថា តំបន់នៅតាមបណ្តោយព្រំដែនថៃ-មីយ៉ាន់ម៉ា ក្នុងស្រុក Pai ខេត្ត Mae Hong Son ឥឡូវនេះមានភាពតានតឹងខ្លាំង បន្ទាប់ពីកងទ័ពថៃបានប្រាប់កងកម្លាំង United Wa State Army (UWSA) ក្នុងរដ្ឋ Shan ឱ្យដកថយពី ចំណុចប្រាំពីរដែលថៃទាមទារត្រឹមថ្ងៃទី១៨ខែធ្នូ ប៉ុន្តែត្រូវបាន UWSA ជំទាស់ថាជាកម្មសិទ្ធិរបស់ពួកគេ។

កងកម្លាំង UWSA របស់មីយ៉ាន់ម៉ា ថតកាលឆ្នាំ២០១៩។ VOA

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពដដែលបានបន្តថា ប្រព័ន្ធកាំភ្លើងធំត្រូវបានភាគីយោធា UWSA ដាក់ក្នុងទីតាំងត្រៀមទប់ទល់នឹងកងទ័ពភូមិន្ទថៃ និងទីតាំងរបស់កងកម្លាំងថៃដែលបានកំណត់អត្តសញ្ញាណ។

តាមរយៈការផ្សាយនោះ ភាគីUWSA ទទូចថាការទាមទាររបស់ភាគីថៃឱ្យដកខ្លួនចេញពីមូលដ្ឋាន Doi Hua Ma មូលដ្ឋាន Nong Luang និងមូលដ្ឋានយោធាចំនួន ៥ផ្សេងទៀតគឺមិនអាចទទួលយកបានទេព្រោះពួកគេមិនមែនជាផ្នែករបស់ប្រទេសថៃ។

ខាងភាគីថៃ យោធាតំបន់៣ មានកាំភ្លើងធំដាក់ឈរជើងនៅជិតតំបន់ ដើម្បីត្រៀមជួយដល់អង្គភាពថ្មើរជើងថៃ។

យោងតាមវិទ្យាស្ថានសន្តិភាពអាមេរិក (United States Institute of Peace) កងកម្លាំង UWSA ជាកងកម្លាំងយោធាជនជាតិភាគតិចមីយ៉ាន់ម៉ាដ៏ធំបំផុត ដោយក្រុមប្រដាប់អាវុធនេះបំពាក់គ្រឿងសព្វាវុធទំនើបៗ បានមកពីចិន និងគ្រប់គ្រងនៅតំបន់ត្រីកោណមាស។

កងកម្លាំងនេះមានប្រវត្តិមានទំនាក់ទំនងល្អជាមួយប្រទេសចិន៕

ដោយ រ៉ាន់ រើយ