ធ្លាក់យន្តហោះ Jeju Air ឆក់យកសមាជិកក្នុងគ្រួសារ ៩ នាក់ បន្សល់ទុកឆ្កែរង់ចាំម្ចាស់មកវិញ

ក្នុង​ចំណោម​អ្នក​ដំណើរ​និងនាវិកសរុប១៨១នាក់ដែនៅលើយន្តហោះ Jeju Air ដែលធ្លាក់កាលពីថ្ងៃទី២៩ ខែធ្នូ ឆ្នាំ២០២៤ ក្នុងនោះមានគ្រួសារបុរសចំណាស់ម្នាក់ឈ្មោះ Bae ដោយបាន​​ធ្វើ​ដំណើរ​ជុំគ្នា​សរុប​៩​នាក់ ក្នុង​ដំណើរ​ទៅ​ក្រៅ​ប្រទេស​លើក​ដំបូង​​ដើម្បី​ប្រារព្ធ​ខួប​កំណើត​គម្រប់ ៨០ ឆ្នាំ​របស់​គាត់។

យ៉ាងណា សោកនាដកម្មដ៏ក្រៀមក្រំនៃក៏បន្សល់ទុកឆ្កែ Pudding មួយក្បាល ដែលបន្តរង់ចាំម្ចាស់ថានឹងវិលត្រឡប់មកវិញ។ ចាប់តាំងពីថ្ងៃធ្លាក់យន្តហោះនោះមកអ្នករស់នៅភូមិ Yongam តែងតែប្រទះឃើញវាដើរក្បែរផ្ទដែលមិនមានមនុស្សរស់នៅ។ ជារឿយៗវាដើរក្នុងភូមិដោយមិនចេះនឿយហត់ និងសម្លឹងមើលគ្រប់ឡានដែលឆ្លងកាត់ ហាក់ដូចជាកំពុងស្វែងរកគ្រួសារដែលជាម្ចាស់របស់វា។

ថ្វីដ្បិតែអ្នកភូមិខិតខំថែទាំ Pudding ដោយយកវាទៅផ្ទះក៏ដោយតែត្រឹមរយៈពេលខ្លីប៉ុណ្ណោះ ហើយវាតែងតែវិលត្រឡប់ទៅផ្ទះរបស់វាវិញដើម្បីរង់ចាំទាំងសង្វេគ។

ជាការឆ្លើយតប អង្គការការពារសត្វ CARE បានប្រកាសនៅថ្ងៃទី ៣១ ខែធ្នូ ដោយបានចែករំលែកនៅលើ YouTube CARE ដោយបង្ហាញស្ថានភាពរបស់ Pudding ជាសត្វវង្វេងភូមិដោយគ្មានម្ចាស់ ដូច្នេះវាអាចគ្រោះថ្នាក់ ទើបអង្គការសិទ្ធិសត្វ CARE បានសម្រេចចិត្តជួយសង្គ្រោះឆ្កែមួយក្បាលនេះ។

CARE ក៏បានពន្យល់បន្ថែមថា Pudding រង់ចាំក្រុមគ្រួសារឥតឈប់ឈរ ដោយមើលរថយន្តចូលក្នុងភូមិ។ រហូតទាល់តែរកឃើញអាណាព្យាបាលសមរម្យ CARE នឹងធានាថា Pudding ទទួលបានការថែទាំត្រឹមត្រូវ៕

អត្ថបទ៖ សាង ស្រីល័ក្ខ

ចុចអាន៖មនុស្សលើយន្តហោះសរុប១៨១នាក់ ទំនងជានៅរស់តែ២នាក់ប៉ុណ្ណោះ