ព័ត៌មានអន្ដរជាតិ
បាងកក បង្ខំចិត្តបិទសាលារៀនដល់ទៅជាង ៣៥០កន្លែង ព្រោះខ្យល់ពុល កាន់តែធ្ងន់ធ្ងរ
ដោយសារតែបញ្ហាខ្យល់ពុល កាន់តែធ្ងន់ធ្ងរទៅៗ ពេលនេះ ទីក្រុងបាងកក បានបិទសាលារៀនរហូតដល់ទៅជាង ៣៥០សាលាឯណោះ ធ្វើឲ្យប៉ះពាល់ដល់សិស្សរាប់ពាន់នាក់ ហើយនេះគឺជាការបិទសាលាក្នុងចំនួនច្រើនបំផុតមិនធ្លាប់មានសោះ បើគិតចាប់តាំងពីឆ្នាំ២០២០មក។
តាមការចុះផ្សាយរបស់ Bangkok Post នៅថ្ងៃសុក្រទី២៤ខែមករាឆ្នាំ២០២៥ រដ្ឋបាលក្រុងបាងកក បានចេញសេចក្តីប្រកាសតាមរយៈសារក្នុងគ្រុបបណ្តាញសង្គម LINE ថា «បាងកក បានបិទសាលារៀនចំនួន៣៥២ហើយ នៅទូទាំងសង្កាត់ចំនួន៣១ ដោយសារខ្យល់ពុល»។
តួលេខនេះគឺកើនឡើងពីថ្ងៃព្រហស្បតិ៍ ដែលរាជធានីបាងកក បិទសាលារៀនត្រឹមជិត២០០កន្លែងប៉ុណ្ណោះ និងជំរុញឲ្យមនុស្សធ្វើការពីផ្ទះ ហើយដាក់កម្រិតលើយានយន្តធុនធ្ងន់នៅក្នុងទីក្រុង។
គិតត្រឹមព្រឹកថ្ងៃសុក្រ កំហាប់ភាគល្អិត PM2.5 ក្នុងទីក្រុងបាងកក បានឈានដល់កម្រិតគ្រោះថ្នាក់ពណ៌ក្រហម ពោលគឺ១០៨មីក្រូក្រាមក្នុងមួយម៉ែត្រគូបនៃខ្យល់។
សូមបញ្ជាក់ថា បើតាមអនុសាសន៍របស់អង្គការសុខភាពពិភពលោក, កំហាប់ភាគល្អិតជាមធ្យមក្នុងរយៈពេល២៤ម៉ោងមិនគួរលើសពី ១៥មីក្រូក្រាមក្នុងមួយម៉ែត្រគូបនោះឡើយ ខណៈកម្រិតស្តង់ដាសុវត្ថិភាពដែលរដ្ឋាភិបាលថៃ កំណត់ គឺមានត្រឹម ៣៧.៥មីក្រូក្រាមក្នុងមួយម៉ែត្រគូប ប៉ុណ្ណោះ៕
អត្ថបទ៖ សុខ សុវណ្ណ
ចុចអាន៖ ការសិក្សា៖ ១ទសវត្សរ៍ មនុស្ស១៦លាននាក់នៅឥណ្ឌាស្លាប់ដោយចំណែកខ្យល់ពុល
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៧ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៧ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត