ព័ត៌មានអន្ដរជាតិ

ខេត្តថៃរងគ្រោះជំនន់ទឹកភ្លៀងជាបន្តបន្ទាប់

បានផុស

១ year មុន

នៅ

ថ្ងៃព្រហស្បតិ៍ ២៩ ឧសភា ២០២៥

ដោយ

យោងតាមការចេញផ្សាយររបស់សារព័ត៌មាន The Nation ភ្លៀងធ្លាក់ខ្លាំងពេញមួយយប់បានបណ្តាលឱ្យមានទឹកជំនន់រាលដាលនៅក្នុងតំបន់ឧស្សាហកម្ម Bang Phli ក្នុងខេត្ត Samut Prakan នៅពីព្រឹកថ្ងៃព្រហស្បតិ៍នេះ ដែលប៉ះពាល់យ៉ាងខ្លាំងដល់ការធ្វើចរាចរណ៍ និងការធ្វើដំណើរប្រចាំថ្ងៃរបស់ប្រជាជនតាមដងផ្លូវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមទំព័រហ្វេសប៊ុករបស់ស្រុក Khao San Muang Prakan v2 តំបន់ជាច្រើនបានជួបប្រទះនឹងបញ្ហាជំនន់ទឹកភ្លៀងនេះ។ លើសពីនេះទឹកជំនន់បានបង្កការកកស្ទះចរាចរណ៍យ៉ាងខ្លាំង ដោយរថយន្តធុនតូចពិបាកឆ្លងកាត់ផ្លូវលិចទឹក។ អ្នកបើកបរមួយចំនួនត្រូវបានបង្ខំឱ្យបោះបង់ចោលរថយន្តរបស់ពួកគេបោលបណ្ដោះអាសន្ន ហើយរថយន្តជាច្រើនត្រូវបានគេរាយការណ៍ថាបានជាប់គាំងនៅក្នុងទឹកជំនន់។

អាជ្ញាធរថៃរួមនឹងក្រុមគ្រប់គ្រងតំបន់ឧស្សាហកម្ម Bang Phli បានចល័តក្រុមសង្គ្រោះបន្ទាន់ដើម្បីរំដោះទឹក និងតាមដានស្ថានការណ៍យ៉ាងដិតដល់ ដោយប្រជាពលរដ្ឋ និងកម្មករ ត្រូវបានណែនាំឲ្យជៀសវាងតំបន់រងគ្រោះ រហូតដល់ទឹកជំនន់បានស្រកចុះ។

ទោះបីជាមានការរអាក់រអួលក៏ដោយ រហូតមកដល់ពេលនេះ មិនទាន់មានរបាយការណ៍អំពីការខូចខាតរចនាសម្ព័ន្ធ ឬការរំខានដល់ប្រតិបត្តិការរបស់រោងចក្រនៅក្នុងតំបន់នេះនោះទេ។

យ៉ាងណាមិញ មួយរយៈចុងក្រោយនេះកត់សម្គាល់ឃើញថាខេត្តថៃមួយចំនួនរួមទាំងទីក្រុងបាងកកបានទទួលរងនូវគ្រោះទឹកជំនន់ ដែលបណ្ដាលមកពីបញ្ហាអាកាសធាតុមានភ្លៀងធ្លាក់នារដូវវស្សានេះ៕

អត្ថបទ៖ ប៊ុន សុភាព

Related Topics:ទឹកជំនន់ប្រទេសថៃ

ព័ត៌មានអន្ដរជាតិ១៨ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា