ថៃ បន្តរកឃើញអ្នកឆ្លងជំងឺកូវីដ-១៩ថ្មី ៥៨ករណីទៀត

នៅថ្ងៃសុក្រនេះ មជ្ឈមណ្ឌលគ្រប់គ្រងស្ថានភាពជំងឺកូវីដ១៩របស់ប្រទេសថៃ (CCSA) បានរាយការណ៍ថា មានការឆ្លងថ្មីចំនួន៥៨ករណី ខណៈក្នុងនោះមាន១៣នាក់ជាករណីនាំចូល។

បាងកកមាន២០ករណី, Samut Sakhon ១៤ករណី, Samut Prakan ៥ករណី, Nonthaburi ៣ករណី, Tak ២ករណី និង Loei ១ករណី។

ទន្ទឹមនោះ ការធ្វើតេស្តសកម្មបានរកឃើញចំនួន៥ករណី ដែលក្នុងនោះមាន២ករណីនៅបាងកក និង៣ករណីនៅ Samut Sakhon។

ចំពោះករណីនាំចូលទាំង១៣ករណីរួមមាន ជនជាតិថៃនិងជនបរទេសមកពីសហរដ្ឋអាមេរិកចំនួន៧នាក់, ឥណ្ឌា២នាក់ និងម្នាក់ៗមកពី ហ្វាំងឡង់, អារ៉ាប់រួម, បែលហ្ស៊ិក និងម៉ាដាហ្គាស្កា។

ស្របពេលជាមួយគ្នានោះដែរ អ្នកជំងឺចំនួន៥៨នាក់បានជាសះស្បើយ។

គិតត្រឹមថ្ងៃសុក្រនេះ ចំនួនករណីជំងឺកូវីដ១៩នៅក្នុងប្រទេសថៃ បានកើនឡើងដល់២៨,៩៤៧ករណី។ មនុស្សចំនួន ២៧,៦០៦នាក់បានជាសះស្បើយ ហើយអ្នកស្លាប់មាន៩៤នាក់៕

ប្រែសម្រួលដោយ៖ Vann Vann

ប្រភព៖ The Nation

ចុចអាន៖ ជនជាតិថៃ ១០នាក់ រកឃើញឆ្លងកូវីដបំប្លែងខ្លួនអាហ្វ្រិកខាងត្បូង ពេលវិលចូលប្រទេសវិញ