ព័ត៌មានអន្ដរជាតិ

កម្ពុជា-ថៃ ជួបប្រជុំគណៈកម្មាធិការព្រំដែនថ្នាក់យោធភូមិភាគកម្ពុជា-ថៃ (RBC) រវាងយោធភូមិភាគទី ៥ របស់កម្ពុជា និងកងទ័ពភូមិភាគទី ១ របស់ថៃ នៅខេត្តស្រះកែវ

បានផុស

៩ ខែ មុន

នៅ

ថ្ងៃសុក្រ ២២ សីហា ២០២៥

ដោយ

នៅវេលាម៉ោង ៩ ព្រឹក ថ្ងៃទី ២២ ខែសីហា ឆ្នាំ ២០២៥ នេះ លោកឧត្ដមសេនីយ៍ឯក ឯក សំអូន មេបញ្ជាការយោធភូមិភាគទី ៥ នៃកម្ពុជា បានដឹកនាំប្រតិភូកងទ័ពភូមិភាគ ៥ ទៅចូលរួមកិច្ចប្រជុំគណៈកម្មាធិការព្រំដែនថ្នាក់យោធភូមិភាគកម្ពុជា-ថៃ (RBC) រវាងយោធភូមិភាគទី ៥ របស់កម្ពុជា និងកងទ័ពភូមិភាគទី ១ របស់ថៃ នៅខេត្តស្រះកែវ ប្រទេសថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការដឹកនាំទៅចូលរួមប្រជុំថ្នាក់ភូមិពីសំណាក់ លោកឧត្ដមសេនីយ៍ឯក ឯក សំអូន នេះ ធ្វើឡើងបន្ទាប់ពីមានកិច្ចប្រជុំថ្នាក់លេខាធិការដ្ឋាន នៃគណៈកម្មាធិការព្រំដែនថ្នាក់យោធភូមិភាគកម្ពុជា-ថៃ (RBC) រវាងយោធភូមិភាគទី ៥ របស់កម្ពុជា និងកងទ័ពភូមិភាគទី ១ របស់ថៃ កាលថ្ងៃទី ២១ ខែសីហា ឆ្នាំ ២០២៥ ដោយភាគីទាំងពីរបានឯកភាពដំណើរការកិច្ចប្រជុំមួយផ្នែកតាមប្រព័ន្ធបច្ចេកវិទ្យាអនឡាញ រយៈពេលពេញ ១ ថ្ងៃ។

ជាលទ្ធផល កិច្ចប្រជុំក្រុមលេខា បានប្រព្រឹត្តទៅដោយមានការរីកចម្រើនជាវិជ្ជមានមួយចំនួនគួរឱ្យកត់សម្គាល់ ក្រោយពេលជួបប្រជុំពិភាក្សាគ្នា ដើម្បីត្រៀមសម្រាប់កិច្ចប្រជុំវិសាមញ្ញរបស់គណៈកម្មាធិការព្រំដែនថ្នាក់យោធភូមិភាគ កម្ពុជា-ថៃ (RBC) នៅថ្ងៃនេះផងដែរ៕

អត្ថបទ ៖ អ.ពៅ