ព័ត៌មានអន្ដរជាតិ

បាងកក ប្រឈមជន់លិចធ្ងន់ធ្ងរ ខណៈទឹកទន្លេចៅប្រាយ៉ាហក់ឡើងខ្លាំង

បានផុស

៩ ខែ មុន

នៅ

ថ្ងៃព្រហស្បតិ៍ ៤ កញ្ញា ២០២៥

ដោយ

យោងតាមការចេញផ្សាយរបស់សារព័ត៌មាន Khaosod ការកើនឡើងនៃកម្រិតទឹកនៅទំនប់វារីអគ្គិសនីចៅប្រាយ៉ា បង្កឱ្យមានការព្រមានអំពីទឹកជំនន់ចំពោះខេត្តនៅខាងក្រោមខ្សែទឹក និងក្តីបារម្ភសម្រាប់ការជន់លិចទីក្រុងបាងកកខណៈទឹកកំពុងហូរឆ្ពោះទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃទី ៤ ខែកញ្ញានេះ លំហូរទឹកចូលបានកើនដល់ ១,៨៨៩ ម៉ែត្រគូបក្នុងមួយវិនាទី ជាមួយនឹងកម្រិតទឹកឡើងដល់១៥.០៩ ម៉ែត្រពីលើនីវ៉ូទឹកសមុទ្រ។ ទំនប់នេះកំពុងទប់ការបញ្ចេញទឹកក្នុងកម្រិត ១,៥ ម៉ែត្រគូបក្នុងមួយវិនាទី ដើម្បីគ្រប់គ្រងទឹកហូរពីភ្លៀងធ្លាក់ខ្លាំង។

កម្ពស់ទឹកនៅខាងក្រោមទឹកបានកើនឡើង ២០ សង់ទីម៉ែត្រក្នុងរយៈពេល ២៤ ម៉ោងកន្លងមក ហើយត្រូវបានគេរំពឹងថានឹងកើនឡើងពី ១០ ទៅ ១៥សង់ទីម៉ែត្រទៀត។ អាជ្ញាធរបានជំរុញឲ្យប្រជាពលរដ្ឋក្នុងខេត្ត Ang Thong និង Phra Nakhon Si Ayutthaya ផ្លាស់ទីលំនៅទៅកាន់ទីទួលខ្ពស់ ខណៈដែលបានព្រមានថា ទឹកជំនន់អាចបន្តរំកិលទៅទិសខាងត្បូងឆ្ពោះទៅរាជធានីបាងកកនៅប៉ុន្មានថ្ងៃខាងមុខ ដែលនឹងបង្កការជន់លិចធ្ងន់ធ្ងរ។

គួរបញ្ជាក់ថាប្រទេសថៃកំពុងជួបនឹងបញ្ហាអាកាសធាតុស្រាប់ទៅហើយ ដូចជារងគ្រោះពីព្យុះ បង្កឲ្យមានទឹកជំនន់ និងបំណាក់ដីក្នុងខេត្តមួយចំនួន ដែលបង្កឲ្យមានអ្នកស្លាប់និងរបួសទៀតផង៕