ម៉ាស្សា​មិនមែន​ចេះ​តែ​ធ្វើ​តាម​ចិត្ត​ចង់ បើ​មិន​ត្រឹមត្រូវតាម​ក្បួនខ្នាត​ ប្រយ័ត្ន​មាន​បញ្ហា​ដល់​រាងកាយ

ការម៉ាស្សាគឺជានិន្នាការមួយសម្រាប់អ្នកដែលកំពុងស្វែងរកពេលវេលាលំហែកាយ ការលួងលោមផ្លូវកាយ​ និងធ្វើឲ្យចិត្តធូរស្បើយពីស្រ្តេស រួមទាំងទុក្ខកង្វល់ផ្សេងៗ ដើម្បីធ្វើឲ្យអារម្មណ៏ស្រស់ស្រាយ។

ប៉ុន្តែមិនមែនការម៉ាស្សាទាំងអស់សុទ្ធតែផ្ដល់អត្ថប្រយោជន៏នោះឡើយ។ វាក៏អាចផ្ដល់​គុណសម្បត្តិ​និង​គុណវិបិត្ត​ដល់​មនុស្សខ្លះៗដែរ បើការម៉ាស្សានោះមិនបានត្រឹមត្រូវ។

តើការព្យាបាលដោយម៉ាស្សាមានអត្ថប្រយោជន៍អ្វីខ្លះ?

១ វាជួយកាត់បន្ថយកម្រិតថប់បារម្ភ។

២ ជួយប្រយុទ្ធប្រឆាំងនឹងបញ្ហារំលាយអាហារឬក្រពះ។

៣ ជួយក្នុងការការពារជំងឺ fibromyalgia។

៤ ជួយកាត់បន្ថយការឈឺក្បាលញឹកញាប់។

៥ វាបន្ថយការគេងមិនលក់ទាក់ទងនឹងភាពតានតឹង។

៦ មានប្រយោជន៍ក្នុងការជួយរោគសញ្ញាឈឺចាប់ myofascial។

៧ ជួយដោះស្រាយការរងរបួសជាលិកាទន់។

៨ ជួយក្នុងការទប់ទល់នឹងការរងរបួសកីឡា។

៩ ជួយកាត់បន្ថយការឈឺចាប់នៅក្នុងសន្លាក់និងសរសៃចង។

តើយើងត្រូវមានការប្រុងប្រយ័ត្នអ្វីខ្លះ?

មនុស្សមួយចំនួនមិនត្រូវបានផ្ដល់យោបល់ឲ្យ​ធ្វើការម៉ាស្សាទេ​ ព្រោះអាចបណ្ដាលឲ្យ​មានគ្រោះថ្នាក់ដល់ជីវិត។ ដូច្នេះអ្នកត្រូវផ្តោតលើការប្រុងប្រយ័ត្នប្រភេទនេះឲ្យមែនទែន ។ ការម៉ាស្សា​មិនសមស្រប អាចបណ្ដាលឲ្យមានគ្រោះថ្នាក់ដូចជា ៖

១ បាក់ឆ្អឹងដែលមានស្រាប់នៅក្នុងផ្នែកណាមួយនៃរាងកាយ វាអាចធ្វើឲ្យស្ថានភាពកាន់តែអាក្រក់ទៅ ៗ

២ នាំឲ្យមាន​ជំងឺគ្រាប់ឈាម​ ក៏ដូចជាអ្នកដែលកំពុងទទួលថ្នាំព្យាបាលគ្រាប់ឈាម ។

៣ ការព្យាបាលដោយការស្ទះសរសៃឈាមវ៉ែនជ្រៅ ជំងឺពុកឆ្អឹង និងការស្ទះសរសៃឈាមសួត ។

៤ ម៉ាស្សាមិនត្រឹមត្រូវតាមក្បួនខ្នាត​ ដូចបើកមុខរបួសឬរលាកនៅផ្នែកណាមួយនៃរាងកាយ។

ស្របនឹងបញ្ហានេះ ប្រសិនបើអ្នកមានអារម្មណ៍ថាមានអ្វីមួយមិនត្រឹមត្រូវនៅក្នុងខ្លួនរបស់អ្នក បន្ទាប់ពីធ្វើការម៉ាស្សា សូម​ឲ្យ​អ្នកម៉ាស្សាដឹងភ្លាមៗ។

អ្នកអាចស្នើសុំ​ស្រាលជាងមុន ឬធ្វើ​ឲ្យ​ល្មម ប្រសិនបើអ្នកមានអារម្មណ៍ឈឺចាប់តាមរយៈការម៉ាស្សា។ ប្រសិនបើក្នុងករណីវាមិនស្រួល សុំប្រញាប់​ទៅ​ពិគ្រោះជាមួយវេជ្ជបណ្ឌិតជាបន្ទាន់។ ចៀសវាងបញ្ហា កាន់តែធ្ងន់ធ្ងរទៅៗ៕

ប្រែសម្រួល៖ សាង ស្រីល័ក្ខ

ប្រភព​៖practicalheal

ចុចអាន៖ផាសិន មិនត្រឹមតែឆ្ងាញ់មួយមុខ! តែបើនិយាយអត្ថប្រយោជន៍ចំពោះសុខភាព ស្មើនឹងឱសថព្យាបាលរោគ

ចុចអាន៖ភាព​ខុសគ្នារវាង​ការពុល​ស្រា ​និង​ស្រវឹងស្រា គួរ​ប្រុងប្រយ័ត្ន