Connect with us

សុខភាព

គ្រុនឈីក និងគ្រុនឈាម ខុសគ្នាម៉េចខ្លះ មួយណាធ្ងន់ធ្ងរជាង?

បានផុស

នៅ

យើង​ធ្លាប់​ឮ​ញឹក​ញាប់​អំពី​ជំងឺ​គ្រុនឈាម ចំណែក​ជំងឺ​គ្រុន​ឈីក​វិញ​ មិន​សូវ​កើត​មាន​ប៉ុន្មាន​ទេ តែ​តាម​ពិត​ទៅ ជំងឺ​ទាំង​២​នេះ​បង្ក​ឡើង​ដោយ​មូស​ខ្លា​ញី​ខាំ​ដូច​គ្នា។ តើ​ជំងឺ​ទាំង​២​នេះ មាន​ចំណុច​ដូចគ្នា​ត្រង់​ណា​ខ្លះ? ហើយ​មួយ​ណា​ធ្ងន់ធ្ងរ​ជាង?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១. ជំងឺ​គ្រុន​ឈាម

ជំងឺ​គ្រុនឈាម​បណ្តាល​ពី​វីរុស​គ្រុនឈាម ដែល​ចម្លង​តាម​មូស​ខ្លា​ញី​ខាំ ហើយចម្លងពីមនុស្សម្នាក់ទៅមនុស្សម្នាក់ទៀត។ គ្រុន​ឈាម​មាន ៤ប្រភេទ និង​អាច​កើត​លើ​មនុស្ស​គ្រប់​វ័យ តែ​កុមារ​កើត​ញឹក​ញាប់​ជាង​គេ។ គ្រុនឈាម​ភាគច្រើន​ជា​ប្រភេទ​ស្រាល តែ​បើ​ជា​ប្រភេទ​ធ្ងន់ អាច​បះពាល់​ដល់​ជីវិត ជា​ពិសេស​ដែល​ទទួល​ការ​ព្យាបាល​មិន​ត្រឹមត្រូវ ការ​ប្រើ​ថ្នាំ​អាស្ពីរីន​ដើម្បី​ព្យាបាល ឬ​ក៏​មាន​ការ​យឺត​យ៉ាវ​បញ្ជូន​អ្នក​ជំងឺ​មក​មន្ទីរពេទ្យ។

លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅបានឲ្យដឹងថា រោគសញ្ញាជំងឺគ្រុនឈាមមាន៖

– ក្តៅខ្លួនពី ៣៩-៤០ អង្សារសេ
– មុខក្រហម
– ឈឺក្បាល ឈឺប្រឡង់ភ្នែកចាក់ទៅក្រោយ
– ចង់ក្អួត ឬក្អួត
– ឈឺពោះ
– ឈឺសាច់ដុំ និងសន្លាក់ដៃជើង
– មានស្នាមអុចៗក្រហមលើស្បែក
– ហូរឈាមតាមអញ្ចាញធ្មេញជាដើម។

២. ជំងឺគ្រុនឈីក

ជំងឺគ្រុនឈីក​បង្ក​ដោយ​វីរុស​ឈីក ឬ Chikungunya បណ្ដាល​មកពី​មូស​ខ្លា​ញី​ខាំ ជាពិសេស​នៅ​ពេលថ្ងៃ ហើយ​អាច​កើត​មាន​ចំពោះ​មនុស្ស​គ្រប់​វ័យ​ ទាំង​ក្មេង ​ទាំង​ចាស់។ ជំងឺ​គ្រុនឈីក​អាច​ឆ្លង​រាល​ដាល​ពី​គ្រួសារ​មួយ​ទៅ​គ្រួសារ​មួយ ពី​ភូមិ​មួយ​ទៅ​ភូមិ​មួយ ពី​ឃុំ​មួយ​ទៅ​ឃុំ​មួយ តាម​រយៈ​មូសខ្លា​ដែល​ចល័ត​ពី​កន្លែង​មួយ​ទៅ​កន្លែង​មួយ។ បើតាម​មជ្ឈមណ្ឌល​ជាតិ​ប្រយុទ្ធ​នឹង​ជំងឺគ្រុនចាញ់​ ប៉ារ៉ាស៊ីតសាស្រ្ត និង​បាណកសាស្រ្ត នៃ​ក្រសួង​សុខាភិបាល ជំងឺ​គ្រុន​ឈីក​មាន​រោគ​សញ្ញា​សំខាន់​៣​យ៉ាង ហើយ​ជំងឺ​នេះ​មិន​បណ្តាល​ឲ្យ​អ្នក​ជំងឺ​ស្លាប់​នោះ​ទេ លើក​លែង​តែ​វា​កើត​រួមគ្នា​ជាមួយ​ជំងឺ​ផ្សេងៗ ដូច​ជា​ជំងឺ​គ្រុនឈាម គ្រុនចាញ់ ឬ​ជំងឺ​រលាក​ស្រោមខួរ​ជា​ដើម។រោគ​សញ្ញា​ទាំង​នោះ​រួមមាន៖

– គ្រុនក្តៅ ៣-៤ ថ្ងៃ
– ឈឺ​សន្លាក់​ឆ្អឹងឆ្អឺង​កន្លែង
– មាន​ស្នាម​កន្ទួល ឬ​ក្រហម​លើ​ស្បែក ដូច​កើត​ស្អូច ឬ​កញ្រឹល។

បើ​តាម​វេជ្ជបណ្ឌិត ចាន់ ស៊ីណេត ជំងឺ​ទាំង២​នេះ​មាន​រោគ​សញ្ញា​មួយ​ចំនួន​ស្រដៀង​គ្នា គឺ​ក្តៅ​ខ្លួន ចេញ​កន្ទួល ឬ​អុច​ក្រហម​លើ​ស្បែក ហើយ​បើ​ប្រៀប​ធៀប​រវាង​ជំងឺ​ទាំង​២​នេះ ជំងឺ​គ្រុន​ឈាម​មាន​លក្ខណៈ​ធ្ងន់ធ្ងរ​ជាង​គ្រុន​ឈីក៕

អត្ថបទផ្ដល់ដោយ៖ Hello Krupet

ចុចអាន៖ប្រយ័ត្នច្រឡំជាមួយគ្រុនឈាម ​នេះសញ្ញាគួរចំណាំបើកើតជំងឺគ្រុនឈីក

ចុចអាន៖លក្ខណៈសម្គាល់ខុសគ្នា រវាងគ្រុនឈាម និង រលាកបំពង់ក

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ ម៉ោង មុន

ការអភិវឌ្ឍន៍​រាជធានី​ត្រូវ​ធ្វើ​ឡើង​ទៅតាម ប្លង់​គោល​រាជធានី​ឆ្នាំ​២០៣៥ ទាំង​ការអភិវឌ្ឍន៍​ប្រឡាយ​ទឹក និង​សំណង់​ផ្សេងៗ

ព័ត៌មានជាតិ២ ម៉ោង មុន

ក្រសួងសុខាភិបាល សម្រេច  បិទបណ្តោះអាសន្ន មន្ទីរសំរាកព្យាបាល ដើមអង្រ្គង កំពង់ស្ពឺ

ព័ត៌មានជាតិ២ ម៉ោង មុន

ខេត្តចំនួន ១៣ហើយ ដែលលោក ឌិត ទីណា រដ្ឋមន្ដ្រីថ្មីក្រសួងកសិកម្ម បានចុះបំពេញការងារ

ព័ត៌មានជាតិ២ ម៉ោង មុន

មន្រ្តី៦៨៣នាក់បានចូលមកប្រកាសទ្រព្យសម្បត្តិ និងបំណុលនៅអង្គភាពACU

សន្តិសុខសង្គម២ ម៉ោង មុន

មន្ត្រីសុខាភិបាល បំភ្លឺច្បាស់ៗ ករណី ពេទ្យយកសពទារកក្នុងផ្ទៃដោយទាំងពោះវៀន ស្លាប់ទាំងម្ដាយ

Sokha Hotels

ព័ត៌មានពេញនិយម