សុខភាព
អត្ថប្រយោជន៍ ៦ យ៉ាង របស់ល្ហុងទុំ មិនគួរមើលរំលង
ល្ហុងទុំ សម្បូរនៅលើទីផ្សារជាមួយតម្លៃវិញក៏ធូរថ្លៃ ចំណែកអត្ថប្រយោជន៍ចំពោះសុខភាពក៏មានច្រើន។ យើងអាចច្នៃល្ហុងទុំជាអាហារសម្រន់ បង្អែម ហើយក៏អាចជាភេសជ្ជៈ ទៅតាមចំណូលចិត្ដ។ ចំពោះបរិមាណល្ហុងទុំ១០០ក្រាម មានផ្ទុកសារជាតិចិញ្ចឹមសំខាន់ៗច្រើនយ៉ាង។
សារជាតិចិញ្ចឹមទាំងនោះរួមមាន៖
- ជាតិខ្លាញ់ ០,៣ក្រាម
- ប៉ូតាស្យូម ១៨២មិល្លីក្រាម
- កាបូអ៊ីដ្រាត ១១ក្រាម
- ជាតិសរសៃ ១,៧ក្រាម
- ស្ករ ៧,៨ក្រាម
- ប្រូតេអ៊ីន ០,៥ក្រាម
- បន្ថែមពីនោះនៅមាន ពពួកវីតាមីន A, C ជាតិកាល់ស្យូម និង ជាតិដែក។
អត្ថប្រយោជន៍ល្ហុងទុំ
១.ប្រឆាំងអុកស៊ីតកម្ម
សារធាតុ carotenoids ដែលមានក្នុងផ្លែល្ហុងទុំមានអត្ថប្រយោជន៍ពិសេសជួយប្រឆាំងអុកស៊ីតកម្ម ជួយកាត់បន្ថយភាពចាស់ជ្រីវជ្រួញតាមវ័យ។ តាមការសិក្សាបានបង្ហាញទៀតថា សារធាតុប្រឆាំងអុកស៊ីតកម្ម និងជាសារធាតុចិញ្ចឹមនៅក្នុងផ្លែល្ហុងជួយការពារព្យាបាល ជំងឺជាច្រើនទៀតដូចជា ជំងឺភ្លេចភ្លាំង ប្រតិកម្មអាលែហ្សី ប្រឆាំងជំងឺមហារីក និងជំងឺស្លេកស្លាំង។
២.ប្រឆាំងជំងឺមហារីក
សារធាតុ lycopene នៅក្នុងផ្លែល្ហុងអាចកាត់បន្ថយហានិភ័យពីការកើតជំងឹមហារីក ហើយក៏រួមចំណែកក្នុងការព្យាបាលជំងឺមហារីកផងដែរ។ ព្រោះថា lycopene មានមុខងារសំខាន់ប្រឆាំងនឹងរ៉ាឌីកាល់សេរីដែលជាមូលហេតុបង្កជាជំងឺមហារីក។
៣.ជួយសុខភាពបេះដូង
ផ្លែល្ហុងក៏ជាប្រភេទអាហារដែលអាចជួយការពារសុខភាពបេះដូង។ តាមការសិក្សាបានបង្ហាញថា ប្រភេទផ្លែឈើដែលមានផ្ទុកវីតាមីន C និង Lycopene មានមុខងារជួយការពារបេះដូង។ ព្រោះសារធាតុសំខាន់ទាំង២នេះមាន តួនាទីជួយបំបែកកូលេស្ដេរ៉ូលអាក្រក់ និងបង្កើនកូលេស្ដេរ៉ូលល្អសម្រាប់បេះដូង។
កន្លងមកយើងបានដឹងខ្លះហើយថា ការកើនឡើងកូលេស្ដេរ៉ូលក្រក់ក្នុងសរសៃឈាម អាចបណ្ដាលឲ្យប៉ះពាល់ដល់សុខភាពបេះដូង ហើយក៏អាចប៉ះពាល់ដល់សរសៃឈាមខួរក្បាលផងដែរ។
៤.ប្រឆាំងការរលាក
ការរលាករ៉ាំរៃ គឺជាមូលហេតុសំខាន់ដែលបណ្ដាលឲ្យសុខភាពវិវត្ដទៅជាជំងឺផ្សេងៗ។ ចំណែកផ្លែឈើ បន្លែ ដែលមានផ្ទុកសារធាតុប្រឆាំងនឹងអុកស៊ីតកម្មគឺជាប្រភពដែលអាចជួយប្រឆាំងទៅនឹងការលាក និងជួយព្យាបាលផងដែរ។ តួយ៉ាងដូចជាផ្លែល្ហុងទុំនេះជាដើម ដែលមានសារធាតុLycopene ជាសារធាតុដែលអាចប្រឆាំងទៅនឹងការរលាកបាន។
៥.ជួយប្រព័ន្ធរំលាយអាហារ
ប្រភពនៃប្រូតេអ៊ីន និង ជាតិសរសៃដែលមានក្នុងផ្លែល្ហុងមានមុខងារជួយដល់ដំណើរការប្រព័ន្ធរំលាយអាហារបានល្អ ពិសេសអាចជួយដោះស្រាយអ្នកមានបញ្ហាទល់លាមក និងពិបាកបន្ទោរបង់ទៀតផង។ ម្យ៉ាងវិញទៀត ជាតិកាល់ស្យូមដែលមាននៅក្នុងផ្លែល្ហុងក៏អាចជួយដល់មុខងារសាច់ដុំក្រពះ ពោះវៀន។
៦.ជួយស្បែក
ផ្លែល្ហុងក្រៅតែពីប្រភេទអាហារដែលអាចជួយការពារពីជំងឺ តែក៏ជួយដល់សុខភាពស្បែកឲ្យភ្លឺថ្លា និង កាត់បន្ថយភាពជ្រួញ ព្រោះដោយសារតែវត្ដមានវីតាមីន C និង Lycopene។ វីតាមីន C មានទំនាក់ទំនងសំខាន់ជួយឲ្យរាងកាយអាចផលិតខូឡាជែននៅក្នុងស្បែកដែលជួយបន្ថយភាពខូចខាតរបស់ស្បែកវិវត្ដទៅតាមវ័យ៕
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង