សុខភាព
ដំណឹងល្អ! កម្ពុជានឹងដាក់ឱ្យប្រើប្រាស់ថ្នាំព្រឹបប្រភេទចាក់បង្ការ មុនពេលប្រឈមនឹងការឆ្លងមេរោគអេដស៍ នៅខែឧសភា ខាងមុខ
មន្ត្រីជាន់ខ្ពស់មជ្ឈមណ្ឌលជាតិប្រយុទ្ធនឹងជំងឺអេដស៍ សើស្បែក និងកាមរោគ នៃក្រសួងសុខាភិបាល បានឱ្យដឹងថា ថ្នាំចាក់ដែលអាចបង្ការមេរោគអេដស៍ហៅថា«ថ្នាំកាបូតេត្រាវៀ» គ្រោងនឹងដាក់ឱ្យដំណើរការនៅក្នុងអំឡុងខែឧសភា ឆ្នាំ ២០២៥ ខាងមុខនេះ។
លោកវេជ្ជបណ្ឌិតសាស្ត្រាចារ្យជំនួយ អ៊ុក វិជ្ជា ប្រធានមជ្ឈមណ្ឌលជាតិប្រយុទ្ធនឹងជំងឺអេដស៍ សើស្បែក និងកាមរោគ នៃក្រសួងសុខាភិបាល បានឱ្យដឹងនៅថ្ងៃទី ២១ មេសា នេះថា ថ្នាំចាក់បង្ការមេរោគអេដស៍គ្រោងនឹងដាក់ឱ្យដំណើរការប្រហែលជានៅក្នុងអំឡុងខែឧសភា ខាងមុខនេះ។
លោកវេជ្ជបណ្ឌិត បានបន្តថា ការនាំយកថ្នាំចាក់មកកម្ពុជានេះ ដើម្បីទប់ស្កាត់ការឆ្លងរាលដាលជំងឺអេដស៍នៅប្រទេសកម្ពុជា ខណៈការឆ្លងថ្មី នៃមេរោគអេដស៍ហាក់មានការកើនឡើងគួរឱ្យព្រួយបារម្ភ។
លោកវេជ្ជបណ្ឌិត បន្តទៀតថា ថ្នាំចាក់នេះអាចការពារមេរោគអេដស៍បានរយៈពេល ២ ខែ ខណៈបច្ចុប្បន្ន កម្ពុជា មានថ្នាំប្រឹពសម្រាប់លេបប្រចាំថ្ងៃមុនពេលរួមភេទ និងប្រឹពសម្រាប់លេបក្រោយរួមភេទ ៧២ ម៉ោង នៅពេលរួមភេទដោយមិនមានសុវត្ថិភាពដូចជា ស្រោមអនាម័យដាច់រហែក និងភ្លេចពាក់ស្រោមអនាម័យជាដើម។
លោកវេជ្ជបណ្ឌិត បានបន្ថែមទៀតថា ជាជំហានដំបូងនឹងជ្រើសរើសមនុស្ស ៧ ០០០ នាក់ ដែលមានដៃគូច្រើនជាមុនសិន ព្រោះថាពួកគេប្រឈមនឹងការឆ្លងមេរោគអេដស៍ ដោយត្រូវចាក់ ១ ខែ ម្តង បន្ទាប់មកទៀត ចាក់ ២ ខែ ម្តង នៅតាមគ្លីនិកចំនួន ៣ នៅរាជធានីភ្នំពេញ រួមមាន គ្លីនិកបង្ការ ថែទាំ និងព្យាបាលបន្ត គ្លីនិកឈូកស និងគ្លីនិករបស់មជ្ឈមណ្ឌលជាតិប្រយុទ្ធនឹងជំងឺអេដស៍ សើស្បែក និងកាមរោគ។
លោកវេជ្ជបណ្ឌិត បន្ថែមថា ថ្នាំកាបូតេត្រាវៀនេះ ចាក់នៅត្រគាក និងសាច់ដុំ ហើយមិនមានផលប៉ះពាល់ដល់អ្នកចាក់ទេ និងអាចបង្ការបានតែជំងឺអេដស៍ប៉ុណ្ណោះ។ ចំពោះជំងឺស្វាយ និងជំងឺកាមរោគផ្សេងទៀត មិនអាចការពារបានទេ។ ប៉ុន្តែមុននឹងដាក់ឱ្យដំណើរការជាផ្លូវការមជ្ឈមណ្ឌលនឹងរៀបចំជាគោលការណ៍ណែនាំ និងលក្ខខណ្ឌមួយចំនួនថាតើបុគ្គលណាខ្លះដែលអាចចាក់មុននឹងដាក់ជូនក្រសួងសុខាភិបាលសម្រេចចុងក្រោយ។
លោកវេជ្ជបណ្ឌិត បានបញ្ជាក់ថា «អ្វីដែលយើងមានការព្រួយបារម្ភនោះគឺថាខ្លាចអ្នកចាក់ហើយមិនមកចាក់ទៀងទាត់។ អីចឹងពេលដាក់ប្រើប្រាស់នាពេលខាងមុខ យើងនឹងធ្វើការផ្សព្វផ្សាយឱ្យបានទូលំទូលាយ ដើម្បីឱ្យអ្នកដែលធ្លាប់ប្រើថ្នាំលេបប្រចាំថ្ងៃងាកមកប្រើថ្នាំចាក់ដែលអាចការពារការឆ្លងមេរោគអេដស៍បាន ២ ខែ»។
លោកវេជ្ជបណ្ឌិត បន្តទៀតថា តាមការប៉ាន់ស្មាន ឆ្នាំ ២០២៤ កម្ពុជា មានចំនួនអ្នករស់នៅជាមួយមេរោគអេដស៍ប្រមាណ ៧៦ ០០០ នាក់ ក្នុងនោះមានអ្នកជំងឺអេដស៍សកម្មដែលកំពុងទទួលសេវាព្យាបាលដោយឱសថប្រឆាំងមេរោគអេដស៍ទាំង ៧៤ កន្លែង ចំនួន ៦៩ ៩៩៤ នាក់ ហើយប្រហែលនៅសល់អ្នករស់នៅជាមួយមេរោគអេដស៍ ៦ ០០០ នាក់ ទៅ ៧ ០០០ នាក់ នៅមិនទាន់បានដឹងខ្លួន និងមិនទាន់បានធ្វើតេស្ត និងទទួលសេវាព្យាបាលនៅឡើយទេ ខណៈក្នុង ១ ឆ្នាំៗ មានអ្នកឆ្លងថ្មី នៃមេរោគអេដស៍ប្រមាណ ១ ២០០ នាក់ និងស្លាប់ប្រមាណ ១ ១០០ នាក់៕
អត្ថបទ ៖ សំអឿន
កម្ពុជា និងអូស្រ្តាលី ឯកភាពគ្នាពង្រឹងកិច្ចសហប្រតិបត្តិការលើវិស័យបណ្តុះបណ្តាលបច្ចេកទេស និងវិជ្ជាជីវៈ
ពលរដ្ឋខ្មែរនៅជប៉ុនគាំទ្រចំពោះដំណើរទស្សនកិច្ចសម្តេចធិបតីទៅជប៉ុននៅចុងខែនេះ
សពបុរសដែលលោតទឹកនៅលើស្ពានជ្រោយចង្វារ ត្រូវបានប្រទះឃេីញហេីយ
ស្មាត់មកពី អាស៊ី Ishikawa ជួយឱ្យក្លិបអ៊ីតាលី Perugia ឈ្នះជើងឯក CEV Champions League
លោក នេត្រ ភក្ត្រា ៖ ការដាក់ចេញផែនការបណ្តុះបណ្តាលធនធានមនុស្សជំនាញក្នុងវិស័យព័ត៌មាន ស្របតាមការវិវឌ្ឍនៃបច្ចេកវិទ្យា
ស្នងការរាជធានី ប្រកាសតែងតាំងលោកវរសេនីយ៍ទោ ប៉ាង សាវឿន ឲ្យគ្រប់គ្រងការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ
រថយន្តបុកម៉ូតូសណ្តោង រួចទៅបុករថយន្តមួយទៀត បណ្តាលឱ្យស្លាប់២នាក់និងរបួសធ្ងន់ ស្រាល១១នាក់
Update ៖ ករណីនារីម្នាក់ ធ្លាក់ពីលើអគារនៅខណ្ឌចំការមន
អាមេរិក បញ្ជូនដ្រូនឈ្លបយកការណ៍ទៅសមុទ្រខ្មៅជាថ្មី ក្រោយកិច្ចប្រជុំរុស្ស៊ី-អ៊ុយក្រែន គ្មានបានផល
អតីតប្រធានាធិបតីអាមេរិក ចូ បៃដិន កើតជំងឺមហារីកធ្ងន់ធ្ងរ
-
ចរាចរណ៍២ ថ្ងៃ agoស្នងការខេត្តប៉ៃលិន បំភ្លឺជុំវិញករណីគ្រោះថ្នាក់ចរាចណ៍បណ្តាលឱ្យស្លាប់ភាគីជិះម៉ូតូ
-
សន្តិសុខសង្គម៩ ម៉ោង agoស្នងការរាជធានី ប្រកាសតែងតាំងលោកវរសេនីយ៍ទោ ប៉ាង សាវឿន ឲ្យគ្រប់គ្រងការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ
-
ចរាចរណ៍៤ ថ្ងៃ agoUpdate៖ អ្នកបង្កគ្រោះថ្នាក់បុករះនៅមុខក្រសួងមហាផ្ទៃ ជានាយការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ នៃស្នងការដ្ឋាននគរបាលរាជធានីភ្នំពេញ
-
ចរាចរណ៍៤ ថ្ងៃ agoUpdate៖ អ្នកបើករថយន្ដបុករះនៅមុខក្រសួងមហាផ្ទៃ ស្ថិតក្រោមជាតិអាល់កុល 0,35mg/L
-
សន្តិសុខសង្គម៦ ថ្ងៃ agoឃាត់ខ្លួនប្រធានផ្សារទួលពង្រ និងបក្ខពួក ពាក់ព័ន្ធករណីដើរយកភាស៊ីពីអាជីវករលក់ដូរតាមរ៉ឺម៉កម៉ូតូ
-
ព័ត៌មានជាតិ១ សប្តាហ៍ agoរតនគិរី៖ ជនជាតិដើមភាគតិច ស្នើរដ្ឋាភិបាលសាងសង់ស្ពានឆ្លងកាត់ទន្លេសម្រួលដល់ការធ្វើដំណើរ
-
ព័ត៌មានជាតិ២ ថ្ងៃ agoមន្ត្រីសុខាភិបាល អំពាវនាវឱ្យពលរដ្ឋចាក់វ៉ាក់សាំង Pfizer ដើម្បីការពារវីរុសបំប្លែងថ្មី JN.1
-
កីឡា៣ ថ្ងៃ agoលោក អេ ភូថង ប្រាប់ថា មិនដឹងរឿងផ្ទាល់ខ្លួនរបស់ ធឿន ធារ៉ា ខណៈបែកធ្លាយវីដេអូជក់បារីអេឡិចត្រូនិក