Connect with us

សុខភាព

ហេតុផលធំៗទាំង ៥ ដែលគ្រប់គ្នាគួរពាក់ម៉ាស មិនអាចអាក់ខាន

បានផុស

នៅ

ដើម្បីទប់ស្កាត់ការឆ្លងរាលដាលនៃវីរុសកូវីដ-១៩ នៅក្នុងសហគមន៍ ការអនុវត្តនូវវិធានការ ៣ការពារ ៣កុំ គឺជាករណីកិច្ចរបស់ប្រជាពលរដ្ឋគ្រប់រូប មិនអាចអាក់ខានទេ។ ចំណែកឯការពាក់ម៉ាស ក៏ជាជាវិធានមួយដ៏សំខាន់ក្នុងចំណោមនោះ មិនអាចរំលងឡើយ ព្រោះហេតុផលធំៗទាំង ៥ នេះ៖

១. ពាក់ម៉ាសជាទំនួលខុសត្រូវសង្គម

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងករណីដែលអ្នកជំងឺដឹងថាខ្លួនមានផ្ទុកកូវីដ-១៩ នោះពួកគេនឹងត្រូវសម្រាកព្យបាលឬធ្វើចត្តាឡីស័ក។​ ប៉ុន្តែករណីខ្លះអ្នកជំងឺមិនបានដឹងថាខ្លួនឆ្លងវីរុសពីពេលណានោះទេ ព្រោះវាមិនចេញរោគសញ្ញាភ្លាមៗឡើយ។ បែបនេះហើយ បានជាការពាក់ម៉ាសជាកាតព្វកិច្ចសំខាន់និងជាមធ្យោបាយមួយដើម្បីការពារអ្នកនៅជុំវិញខ្លួន។

មិនថា មជ្ឈមណ្ឌលត្រួតពិនិត្យនិងបង្ការជំងឺ (CDC) អង្គការសុខភាពពិភពលោក (WHO) ឬក្រសួងសុខាភិបាលនៃព្រះរាជាណាចក្រកម្ពុជា សុទ្ធតែបានណែនាំនិងជំរុញឱ្យគ្រប់គ្នាពាក់ម៉ាសជានិច្ចនៅពេលចេញក្រៅផ្ទះ ព្រោវាជាវិធីមួយដើម្បីជួយទប់ស្កាត់ការរីករាលដាលនៃមេរោគដោយមិនដឹងខ្លួនដល់អ្នកដទៃ ជាពិសេសអ្នកដែលងាយនឹងធ្លាក់ខ្លួនឈឺធ្ងន់ធ្ងរ ប្រសិនបើឆ្លងវីរុសនេះ។

២. ពាក់ម៉ាសអាចការពារអ្ន​កដទៃ

ការចម្លងមេរោគពីមនុស្សម្នាក់ទៅមនុស្សម្នាក់កើតឡើងតាមរយៈដំណក់ទឹកពីផ្លូវដង្ហើមនៅពេលក្អក កណ្ដាស ​ឬនិយាយ។ មូលហេតុនេះ ​ទើបការពាក់ម៉ាសអាចទប់ស្កាត់ដំណក់ទឹកទាំងនេះបាន។

លោក Ron Waldman សាស្ត្រាចារ្យផ្នែកសុខភាពពិភពលោកនៃសាកលវិទ្យាល័យ ចចវ៉ាស៊ីនតោន (GWU) សហរដ្ឋអាមេរិក បានពន្យល់ថា ម៉ាសដើរតួជារបាំងដើម្បីការពារភាគល្អិតផ្ទុកវីរុសឱ្យគេចផុតពីបុគ្គលមានមេរោគ ក៏ដូចជាទប់ស្កាត់ការឆ្លងទៅកាន់មនុស្សម្នាក់ទៀត។ វាក៏មានប្រសិទ្ធិភាពក្នុងការកាត់បន្ថយចំនួនដំណក់ទឹកដែលរាយប៉ាយទៅក្នុងខ្យល់អាកាសផងដែរ។

៣. ពាក់ម៉ាសអាចការពារខ្លួនឯង

ការសិក្សាមួយចំនួនបានបង្ហាញថា ម៉ាសក្រណាត់ផ្តល់នូវការការពារបានខ្លះ ហើយបើសិនអ្នកពាក់របាំងមុខបន្ថែមទៀត ច្បាស់ណាស់អ្នកអាចគ្របមាត់និងច្រមុះជិតល្អ និងបង្កើនសុវត្ថិភាពកាន់តែខ្ពស់។ កាលណាមនុស្សពាក់ម៉ាសកាន់តែច្រើន ការឆ្លងរាលដាលក្នុងសហគមន៍ក៏កាន់តែថយចុះ។

លោក Waldman ប្រសាសន៍ថា “ម៉ាសដើរតួនាទីយ៉ាងសំខាន់ក្នុងការកាត់បន្ថយការបញ្ជូនរោគ។ វាមិនត្រឹមតែការពារអ្នកដទៃ តែអ្នកផ្ទាល់ក៏មានឱកាសតិចក្នុងការឆ្លងវីរុសដែរ”។

៤.  ម៉ាសអាចជួយបញ្ហាសេដ្ឋកិច្ច

ការពាក់ម៉ាសក៏អាចផ្តល់នូវអត្ថប្រយោជន៍ផ្នែកសេដ្ឋកិច្ចផងដែរ។ របាយការណ៍មួយចេញផ្សាយដោយក្រុមហ៊ុនវិនិយោគ Goldman Sachs បានរកឃើញថា ការលក់ម៉ាសអាចកាត់បន្ថយបញ្ហាសេដ្ឋកិច្ចបាន ៥% នៅក្នុងវិបត្តិអត់ការងារធ្វើនៅសហរដ្ឋអាមេរិក។ នេះមានន័យថា ម៉ាសអាចជួយទប់បញ្ហាជីវភាពបានខ្លះ បើទោះបីសេដ្ឋកិច្ចកំពុងជាប់គាំង ប៉ុន្តែកម្មករផលិតម៉ាសនៅតែអាចរក្សាឆ្នាំងបាយបាន។  

៥. ពាក់ម៉ាសជាវិធានការជំនួយក្រៅពីវ៉ាក់សាំង

ក្នុងករណីដែលមិនមានវ៉ាក់សាំងនិងវិធីព្យាបាលដែលមានប្រសិទ្ធភាពជាងមុនសម្រាប់អ្នកជំងឺកូវីដ-១៩ វិធានការបង្ការរួមមាន ការលាងដៃ គម្លាតសង្គម និងការពាក់ម៉ាសគឺជា “រឿង ៣ មានប្រសិទ្ធភាពដើម្បិទប់ស្កាត់ការឆ្លងរាលដាល”។

តាមពិតការពាក់ម៉ាសជាវិធីសាមញ្ញបំផុតដើម្បីជួយបង្ការការចម្លងរោគ ដូច្នេះកុំខ្ជិល ​សូមពាក់ម៉ាសឱ្យបានគ្រប់ៗគ្នា!

ប្រែសម្រួល៖ សន្យា

ប្រភព៖ AARP

ចុចអាន៖ ម៉ាសធម្មតា និងម៉ាស KN95 អាចពាក់បានប៉ុន្មានម៉ោង?

ចុចអាន៖ លាងដៃមិនត្រឹមតែការពារកូវីដទេ នៅអាចបង្ការជំងឺ៣ផ្សេងទៀត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ម៉ោង មុន

ក្រសួង​ការងារ​នាំ​យក​ប្រាក់​ឈ្នួល និង​ប្រាក់​បំណាច់​ជូន​កម្មករ​រោងចក្រ Y&W ដែល​កំពុង​សម្រាលកូន​ដល់​មន្ទីរពេទ្យ

ព័ត៌មានជាតិ៤ ម៉ោង មុន

ទីតាំងចែកចាយនំបាយក្តាំង និងគ្រឿងសមុទ្របង្កក៣ទីតាំង ត្រូវបានរកឃើញថា គ្មានស្តង់ដារបច្ចេកទេសត្រឹមត្រូវ

ព័ត៌មានជាតិ៤ ម៉ោង មុន

ប្រាង្គអាយុកាលពាន់ឆ្នាំ លើកំពូលភ្នំដងរែក កំពុងចែងចាំង អួតអ្នកទេសចរ អំឡុងព្រឹត្តិការណ៍សមរាត្រី

ព័ត៌មានជាតិ៤ ម៉ោង មុន

សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) ចុះពិនិត្យព្យាបាលជំងឺពលរដ្ឋនៅស្រុកថ្មគោល

ព័ត៌មានអន្ដរជាតិ៣ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

កីឡា៤ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ២ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

ព័ត៌មានជាតិ៦ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

សន្តិសុខសង្គម៥ ថ្ងៃ មុន

បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)

Sokha Hotels

ព័ត៌មានពេញនិយម