សុខភាព

អាល់កុល ឬជែល លាងសម្អាតដៃបាន តែហ៊ានបាញ់លើរាងកាយប្រយ័ត្នគ្រោះថ្នាក់ធំ

បានផុស

៥ years មុន

នៅ

ថ្ងៃពុធ ៧ មេសា ២០២១

ដោយ

Sonya

គ្នាយើងមួយចំនួន បារម្ភខ្លាច COVID-19 ពេក ម្យ៉ាងដោយហេតុថា អាល់កុល ឬជែល អាចបាញ់សម្លាប់មេរោគបាន មានអ្នកខ្លះបានយកវាមកបាញ់លើរាងកាយ។ តែអ្នកជំនាញអះអាងថា ការធ្វើបែបនេះគ្រោះថ្នាក់ខ្លាំងណាស់។

Hand sanitizer production | Covid-19 Impact: John Distilleries makes hand sanitizers to overcome short supply

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកជំទាវ ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល បានបញ្ជាក់ថា ការបាញ់សារធាតុ ឬទឹកសម្លាប់មេរោគ អាល់កុល លើរាងកាយមនុស្សយើង មិនអាចជួយប្រឆាំងនឹងវីរុស COVID-19 បាននោះទេ វាអាចបណ្តាលឲ្យមានគ្រោះថ្នាក់សុខភាពមនុស្សបាន។ លោកជំទាវបានបន្តថា លើកលែងតែការលាងសម្អាតដៃដោយសាប៊ូជាមួយទឹកស្អាត អាល់កុល ឬជែល ដែលជាវិធានការសម្រាប់ការពារការចម្លងវីរុស COVID-19។

នៅអត្ថបទរបស់អង្គការសុខភាពពិភពលោក (WHO) ដែលបកប្រែក្រៅផ្លូវការរបស់លោកជំទាវ ឱ វណ្ណឌីន បានហាមយកថ្នាំសម្លាប់មេរោគ អាល់កុល ឬសារធាតុសម្លាប់មេរោគទៅលើខ្លួនមនុស្សនៅក្នុងគ្រប់កាលៈទេសៈ។ សារធាតុទាំងនោះអាចធ្វើឲ្យពុល ប្រសិនបើប៉ះមាត់ ហើយលេបចូលទៅ អាចធ្វើឲ្យរំខាន រមាស់ ឬអាលែកហ្ស៊ី ធ្វើឲ្យខូចស្បែក និងភ្នែក។

What is hand sanitizer, and does it keep your hands germ-free?

អាល់កុល ឬជែល អាចប្រើប្រាស់សម្អាតដៃរបស់មនុស្សពីភាពកខ្វក់ ដែលមានជាប់មេរោគនៅដៃ តែមិនត្រូវប្រើសម្រាប់បាញ់លើខ្លួនប្រាណឡើយ។ ឯថ្នាំសម្លាប់មេរោគ ឬសារធាតុសម្លាប់មេរោគ ត្រូវប្រើប្រាស់ដោយប្រុងប្រយ័ត្ន សម្រាប់លាងសម្អាតផ្ទៃ ឬទីកន្លែងណាមួយប៉ុណ្ណោះ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ យល់ដឹង! ប្រើអាល់កុលខុសបច្ចេកទេសអាចបង្កើនហានិភ័យដល់ស្បែក

ចុចអាន៖ អ្នកជំនាញថា ទារក និងក្មេងៗក្រោមអាយុ៥ឆ្នាំ មិនគួរឲ្យប្រើអាល់កុល ឬជែលលាងដៃទេ