គ្រូពេទ្យជំនាញប្រាប់វិធីងាយៗការពារអ្នកពី កូវីដ ជាជាងពាក់ស្រោមដៃ

លោកវេជ្ជបណ្ឌិត Yong Poovorawan អ្នកជំនាញខាងរោគសាស្ត្រថៃបានណែនាំនៅថ្ងៃអង្គារនេះថា ការលាងដៃឲ្យញឹកញាប់ផ្តល់ការការពារច្រើនជាងការពាក់ស្រោមដៃទៅទៀត ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងការបង្ហោះលើបណ្ដាញសង្គមហ្វេសប៊ុករបស់លោក លោកវេជ្ជបណ្ឌិត Yong បាននិយាយថា មនុស្សជាច្រើនបានពាក់ស្រោមដៃដើម្បីការពារខ្លួនពីជំងឺកូវីដ ១៩ ។

ទោះជាយ៉ាងណាក៏ដោយ លោកបាននិយាយថា បទពិសោធន៍របស់លោកនៅក្នុងមន្ទីរពិសោធន៍បង្ហាញថា ស្រោមដៃការពារអ្នកពាក់មែន ប៉ុន្តែត្រូវបោះចោល បន្ទាប់ពីប្រើរួច ។

ជាឧទាហរណ៍ លោកបាននិយាយថា បុគ្គលិកបម្រើនៅក្នុងភោជនីយដ្ឋាន ពាក់ស្រោមដៃរយៈពេលយូរ ហើយប៉ះរបស់របរជាច្រើនដោយមិនលាងដៃ ដែលនេះជាការពារតិចតួចក្នុងការទប់ស្កាត់ការរីករាលដាលនៃមេរោគ ។

លោក​ថា ប្រជាពលរដ្ឋ​គួរ​ពាក់​ស្រោមដៃ​ពេល​ដើរ​ទិញ​ឥវ៉ាន់ ហើយ​បោះចោល​ភ្លាម​ៗ​ពេល​ធ្វើ​រួច ។

ទោះជាយ៉ាងនេះក្តី លោកបានបញ្ជាក់សារជាថ្មីថា ការលាងដៃឲ្យបានញឹកញាប់ គឺជាវិធីល្អបំផុតដើម្បីការពារខ្លួនអ្នក និងទប់ស្កាត់ការរីករាលដាលនៃជំងឺកូវីដ ១៩ ៕

ប្រែសម្រួលដោយ ៖ ជីវ័ន្ត

ប្រភព ៖ The Nation

ចុចអាន ៖ អ្នកទេសចរ កម្ពុជា ដែលចង់ទៅលេង វៀតណាម ត្រូវរង់ចាំរហូតដល់ឆ្នាំក្រោយ