ដាក់ទុនច្រើនពេកជាមួយស្នេហា ប្រយ័ត្នចុងក្រោយឈឺចាប់តែម្នាក់ឯង

​ស្នេហា​គឺ​ជា​​ការ​យល់​ចិត្ត​ និង​យោគ​យល់​ពី​ដៃ​គូ​ តែបើការលះបង់មានតែម្ខាង យើងប្រាកដជា​​មាន​អារម្មណ៍​ហត់នឿយមិនខាន។​​ ​កាលណាអ្នកផ្ដល់ក្ដី​ស្រលាញ់​ និងការ​ខ្វល់​ខ្វាយ​ច្រើនពេក​ឲ្យ​គេ​​ ចុង​ក្រោយអ្នក​ដែលត្រូវ​ឈឺ​ចាប់​គឺត្រូវធ្លាក់លើអ្នកតែ​ម្នាក់​ឯង​ប៉ុណ្ណោះ នៅពេលគេអស់ចិត្តស្នេហ៍។​

តើអ្នកធ្លាប់ឆ្ងល់អត់ ហេតុអ្វីបានជាអ្នកត្រូវជួបភាពឯកោទាំងដែលអ្នកមានគេ?

អ្នក​ផ្លាស់​ប្ដូរ​ខ្លួន​ឯង​ដើម្បីគេ​សប្បាយ​ចិត្ត

អ្នក​បាត់​បង់​ភាព​ជា​ខ្លួន​ឯង​ និងបោះ​ចោល​ធាតុ​ពិត​ខ្លួន​ដើម្បីឲ្យ​​មនុស្សតែ​ម្នាក់ដែល​មិន​ចូល​ចិត្ត​វា​។​ លុប​ចោល​ការ​ជួបជុំ​ ដោយ​សារ​ខ្លាចគេ​ប្រច័ណ្ឌ​ ឬ​អាច​ធ្វើ​បាន​សូម្បី​តែ​បោះ​បង់​ចោល​ក្ដី​ស្រមៃ​​ ហើយ​ផ្លាស់​ប្ដូរ​គម្រោង​ពេល​អនាគត​ខ្លួនឯង​ ដោយ​សារ​តែ​អ្នក​មិន​ហ៊ាន​ចាក​ចេញ​ពី​គេ​។​ ការពិត ស្នេហាជាការលះបង់ តែបើមានតែម្ខាង ស្នេហានេះមិនគួរលះបង់តទៅទៀតទេ។

អ្នក​ដាក់​ទុន​ច្រើន​ពេក​​ជាមួយគេ

អ្នក​ចំណាយ​កម្លាំង​និង​ពេល​ច្រើន​ពេក​ដើម្បី​ផ្គាប់​ចិត្ត​មនុស្ស​ដែល​អ្នក​ស្រឡាញ់​ ទាំង​ដែល​គេ​មិន​ខ្វល់​ពី​អ្នក​ ទាំង​ដែល​បេះដូង​គេមិនដឹងនៅឯណាផង។ ​ ​ អ្នក​មិន​ខុស​ទេ ​ពី​ព្រោះវាជាទង្វើនៃក្ដីស្រឡាញ់ពិតទៅលើនរណាម្នាក់។ ប៉ុន្តែសួរខ្លួនឯងបន្តិចមើលថា គេនៅមានតម្លៃឲ្យអ្នកធ្វើដល់ថ្នាក់នេះដែរទេ? គេមើលឃើញនូវតម្លៃដែលអ្នកផ្ដល់ឲ្យគេដែរទេ?

អ្នកភ្លេច​គិត​ពី​ជីវិត​ខ្លួន​ឯង

ភ្លេចគិតពីខ្លួនឯង ជា​កំហុស​ដែល​មនុស្ស​ស្ទើរ​តែ​គ្រប់​រូប​បាន​ធ្វើ​នៅពេលមានស្នេហា។​ ពេលវេលាផ្ទាល់ខ្លួនដូចពីមុនមានទៀតដែរទេ? ការ​ខ្វល់ខ្វាយ​ពី​ខ្លួន​ឯងលែងមាន ​ដោយ​សារ​តែ​រវល់​មើល​ថែ​អ្នក​ដទៃ​។​ ​ក្នុងឱកាសពិសេសៗ អ្នកត្រូវចំណាយជាមួយគេ។ ចុះមិត្តភក្តិ និងគ្រួសារអ្នក? អ្នក​មាន​ជីវិតជា​របស់​ខ្លួន​ឯង​​ ត្រូវ​មាន​ពេល​សម្រាប់​ខ្លួន​ឯង​ កុំ​ឲ្យ​អ្នក​ដទៃ​មក​គ្រប់គ្រងអី​៕

ប្រែសម្រួល៖ សន្យា

ចុចអាន៖ ស្រីៗងប់ស្រលាញ់ដកចិត្តមិនរួច បើបុរសណាមានគុណសម្បត្តិ​តូចៗទំាងនេះ

ចុចអាន៖ ការស្ងើចសរសើរស្មោះ ងាយធ្វើឱ្យបុរសម្នាក់ធ្លាក់ក្នុងអន្លង់ស្នេហ៍