KPT+
អ្នកឧកញ៉ា គួច ម៉េងលី ជំរុញឱ្យកូនខ្មែរមានភាពតស៊ូ កុំរស់នៅតាមយថាកម្ម
អ្នកឧកញ៉ា គួច ម៉េងលី បានជំរុញលើកទឹកចិត្តឱ្យកូនខ្មែរគ្រប់រូប ជាពិសេស កូនខ្មែរជំនាន់ក្រោយឱ្យមានភាពអង់អាចក្លាហាន ភាពតស៊ូរបស់ខ្លួន ដែលមានបំណងប៉ងអ្វីមួយ ត្រូវតែប៉ងឱ្យដល់ទីបំផុត។ អ្នកឧកញ៉ា បន្តថា កុំបណ្តែតបណ្តោយជីវិតឱ្យទៅតាមជោគវាសនារ ឬ រស់នៅតាមយថាកម្មដោយគ្មានការខិតខំប្រឹងប្រែងក្នុងជីវិត។
ស្ថាបនិករបស់សាលាអន្តរជាតិ AIS រូបនេះ មានប្រសាសន៍ថា៖ “មនុស្សមួយៗឱ្យមានភាពអង់អាច ភាពអស្ចារ្យរបស់យើង ដែលយើងចង់ប៉ងអ្វីមួយ គឺប៉ងឱ្យស្រួចដូចឡេស៊ែរបាញ់ឆេះចឹង។ ក្មួយៗត្រូវមានអាហ្នឹងក្នុងខ្លួន បើក្មួយអត់មាន គឺក្មួយអត់មានន័យទេ យថាកម្មហើយ។ បើរស់តាមយថាកម្ម គឺរស់អត់ន័យ ចឹងលោកគ្រូអត់ចង់ឱ្យក្មួយៗរស់តាមយថាកម្មទេ ត្រូវចាំ ព្រោះវាធ្វើឱ្យយើងវេទនាណាស់”។
អ្នកឧកញ៉ា គួច ម៉េងលី ក៏ជំរុញឱ្យមនុស្សគ្រប់រូបហ៊ានសាកល្បងនូវអ្វីដែលថ្មី ចូលរួមកម្មវិធីសង្គមឱ្យបានច្រើន អាន និងស្រាវជ្រាវឱ្យបានច្រើន ដើម្បីទទួលបាននូវបទពិសោធថ្មីៗ និងចំណេះដឹងល្អៗ សម្រាប់អភិឌ្ឍន៍ជីវិតរបស់ខ្លួនឱ្យល្អប្រសើរ។ ប៉ុន្តែ គួរចៀសវាងនូវអំពើទាំងឡាយណាដែលនាំឱ្យវិនាសដល់ខ្លួនឯង និងសង្គម។
មិនតែប៉ុណ្ណោះ រូបលោកក៏បានណែនាំដល់សិស្សដែលគ្រោងនឹងបន្តការសិក្សានៅសាកលវិទ្យាល័យ ដែលគ្រួសារអាចមានលិទ្ធភាពបង់ថ្លៃសិក្សាឱ្យនោះ គួរខិតខំប្រឹងប្រែងរៀនសូត្រពីមូលដ្ឋានគ្រឹះ ឱ្យបានខ្លាំងពូកែជាមុនសិន មុននឹងចាប់ផ្តើមស្វែងរកការងារធ្វើ។ តូយ៉ាង រៀនបណ្តើរ ធ្វើការបណ្តើរនេះ អាចធ្វើឱ្យនិស្សិតបាត់បង់នូវការផ្តោតអារម្មណ៍រៀន ខួរក្បាលដំណើរការមិនសូវល្អ។ ដូច្នេះ ប្រសិនមានឱកាស គួរក្រេបយកចំណេះវិជ្ជាឱ្យបានច្រើន លុះកំលុងឆ្នាំទី៣ ទីឆ្នាំទី៤ និស្សិតចេញធ្វើការក៏មិនទាន់ហួសពេលឡើយ អ្វីដែលសំខាន់ គឺខិតខំរៀនសូត្រ ដើម្បីចាប់យកជំនាញបានច្បាស់លាស់ រួចអាចបម្រើការងារក្នុងតួនាទីធំំ នាពេលអនាគត់បាន។
យ៉ាងណាមិញ លោកបានរំលឹកដល់សិស្សានុសិស្សម្តងហើយម្តងទៀត ចំពោះការរៀបចំផ្លូវជីវិត ឱ្យមានភាពល្អប្រសើរឡើង គឺត្រូវចេះមានគម្រោងរៀបចំជីវិតឱ្យបានត្រឹមត្រូវ និងមានកាលវិភាគមួយសម្រាប់ខ្លួនឯង ដើម្បីឱ្យមានភាពប្រាកដប្រជាក្នុងជីវិតប្រចាំថ្ងៃ៕
ដោយ៖ អុន ស្រីមាន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង