ព័ត៌មានជាតិ

អ្នកឧកញ៉ា គួច ម៉េងលី ប្រាប់វិធីសាស្ត្រលុបបំបាត់ក្មេងទំនើងប្រើប្រាស់ហិង្សាក្នុងសាលារៀន និងតាមទីសាធារណៈ

បានផុស

១ year មុន

នៅ

ថ្ងៃចន្ទ ១៣ កុម្ភៈ ២០២៣

ដោយ

អ្នកឧកញ៉ា គួច ម៉េងលី បានបង្ហើបវិធីសាស្ត្រក្នុងការលុបបំបាត់ក្មេងទំនើងប្រើប្រាស់អំពើហិង្សាក្នុងសាលារៀន និងតាមទីសាធារណៈ ដែលវិធីសាស្ត្រទាំងនោះរួមមាន កត្តាអប់រំពីសាលារៀន គ្រួសារ និងសហគមន៍ពួកគេរស់នៅជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងកម្មវិធីកិច្ចពិភាក្សា រៀបចំឡើងដោយសារព័ត៌មានកម្ពុជាថ្មី ស្ដីពី យុវជន និងការលើកកម្ពស់សីលធម៌សង្គម អ្នកឧកញ៉ា គួច ម៉េងលី អគ្គនាយកប្រតិបត្តិ នៃក្រុមហ៊ុន ម៉េងលី ជេ.គួច អេឌ្យូខេសិន បានបង្ហើប និងបង្ហាញឲ្យដឹងថា បើចង់លុបបំបាត់ក្មេងទំនើងប្រើប្រាស់អំពើហិង្សាក្នុងសាលារៀន និងតាមទីសាធារណៈ ត្រូវមានកត្តាអប់រំពីសាលារៀន គ្រួសារ និងសហគមន៍ពួកគេរស់នៅ ដែលបង្ហាញ បង្ហាត់ និងបង្រៀន អនុវត្តទៅតាមក្រឹត្យក្រម នៃច្បាប់ និងសីលធម៌។ ការបង្ហាញ បង្ហាត់ បង្រៀន និងអនុវត្ត គឺតាមក្រមសីលធម៌ ដែលបានតាក់តែងក្នុងសៀវភៅសង្គមនានា។

អ្នកឧកញ៉ា គួច ម៉េងលី លើកឡើងថា «អ្វីៗ ចេញពីកត្តាអប់រំសាលា កត្តាអប់រំគ្រួសារ និងអ្នកចូលរួមក្នុងសហគមន៍ទាំងមូល ដែលបង្ហាញ បង្ហាត់ និងបង្រៀន ហើយអនុវត្តទៅតាមក្រឹត្យក្រម នៃច្បាប់សីលធម៌។ បង្ហាញ បង្ហាត់ បង្រៀន និងអនុវត្តទៅតាមក្រមសីលធម៌ ដែលយើងបានតាក់តែងនៅក្នុងសៀវភៅសង្គមយើង»។

ផ្អែកតាមបទពិសោធន៍របស់អ្នកឧកញ៉ា គួច ម៉េងលី មនុស្ស ១០ នាក់ ដែលស្ទើរ ៦ នាក់ហើយ ដែលមិនមានឪពុក ឬ ម្ដាយនៅក្បែរខ្លួន ដោយអ្នកខ្លះ ម្ដាយចេញទៅស្រុកក្រៅបាត់ទៅ ក៏នៅជាមួយឪពុក។ ពេលឪពុកមានប្រពន្ធទៀតទៅ ក៏នៅជាមួយម្ដាយចុង ឬក៏នៅជាមួយយាយតា។ ដូច្នេះការអប់រំនៅក្នុងគ្រួសារ មិនបានពេញលេញដូចមុនទេ។ ខុសពីក្មេងដែលមានម្ដាយឪពុកនៅជុំគ្នា មិនថាពេលហូបបាយ រៀនសូត្រ កូនកើតអី តែងតែទទួលបានការយកចិត្តទុកដាក់ អប់រំបង្រៀន និងមានច្បាប់ទម្លាប់គ្រួសារតាំងពីតូចដល់ធំ៕

អត្ថបទ ៖ ពិសី