KPT+

ពិធីខួបកំណើតតាមពិតមានប្រភពមក អេហ្ស៊ីប

បានផុស

៥ years មុន

នៅ

ថ្ងៃចន្ទ ១១ មករា ២០២១

ដោយ

ហេតុអ្វីគេតែងតែប្រារព្ធពិធីខួបកំណើតជារៀងរាល់ឆ្នាំ?

ជនជាតិអេហ្សីប បានបង្កើតពិធីខួបកំណើតមុនគេ ៖ នៅពេលស្ដេចផារ៉ាអុង (Pharaohs) ទី១ ឡើងសោយរាជ្យក្នុងទីក្រុងអេហ្ស៊ីប ពួករាជវង្សនិងមន្ត្រី បានពិចារណាឲ្យព្រះអង្គក្លាយទៅជាអាទិទេព ទើបពួកគេរៀបចំពិធីគ្រងរាជ្យសម្បត្តិចំថ្ងៃកំណើតរបស់ព្រះអង្គ។ អ្នកស្រាវជ្រាវខ្លះបានបញ្ជាក់ថា ថ្ងៃកំណើតរបស់ស្ដេចផារ៉ាអុង គឺនៅឆ្នាំ ៣០០០ មុនគ្រិស្តសករាជ រីឯសាស្ត្រាចារ្យបណ្ឌិត Jame Hoffmeier បញ្ជាក់ថា ការឡើងសោយរាជ្យរបស់មហាក្សត្ររូបនេះ ចាប់ផ្ដើមឡើងតាំងពីកំណើតនោះឯង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រទេសក្រិក ជាអ្នកបន្ថែមទៀន ៖ ប្រទេសក្រិកបានយកគំនិតពីការរៀបចំពិធីខួបកំណើតពីទីក្រុងអេហ្ស៊ីបទាំងស្រុង ដោយបន្ថែមទៀនជាសារបួងសួងឲ្យអាទិទេពបានជ្រាបនូវបំណងប្រាថ្នារបស់មនុស្ស។ ពួកគេបានរៀបចំនំខេកដែលមានរាងមូលដូចព្រះចន្ទ ដើម្បីតំណាងផ្ទៃមុខមូលក្រឡង់ ហើយពីមួយឆ្នាំទៅមួយឆ្នាំ ពួកគេបានបន្ថែមទៀនលើនំដើម្បីរំឭកអាយុ និងតំណាងឲ្យជីវិតស្រស់ថ្លា ដូចពន្លឺរបស់វា។

នំខេក៖ អ្នកដុតនំជាតិអាល្លឺម៉ង់ជាអ្នកបង្កើតនំខួបកំណើត ដោយបានចាប់ផ្ដើមនៅចុងសតវត្សរ៍ទី ១៨ និងបន្តដូចដែលយើងបានឃើញរហូតសព្វថ្ងៃនេះ។

ចម្រៀងថ្ងៃខួបកំណើត៖ ចម្រៀងខួបកំណើតបង្កើតដោយបងប្អូនស្រីជនជាតិអាល្លឺម៉ង់ពីរនាក់គឺ Patty Hill និង Mildred J. Hill នៅឆ្នាំ ១៩៨៣។ បទនេះដំបូងឡើយមានចំណងជើងថា “Good Morning To All” ។ កាលណោះពួកគេតែងចម្រៀងនេះឡើងគឺដើម្បីបង្រៀនក្មេងៗ ប៉ុន្តែក្រោយមកវាក្លាយជាចម្រៀងសម្រាប់ជូនពរថ្ងៃកំណើតរហូតដល់សព្វថ្ងៃ។

កាដូ ៖ ផ្ដើមដំបូងនៅសតវត្សរ៍ទី១នៃគ្រឹស្ដសករាជ ក្នុងអំឡុងពេលព្រះយេស៊ូវប្រសូត្រ។ ពេលនោះមានពួកហោរា ៣ នាក់ បានយកដង្វាយទៅថ្វាយព្រះអង្គដើម្បីជាការអបអរសាទរ។ ទម្លាប់នោះត្រូវបានគេយកគម្រូតាម នៅពេលមានទារកចាប់កំណើត គេរមែងមានអំណោយទៅជូនជាការសាទរចំពោះសមាជិកថ្មីនៃពិភពលោក៕

ប្រែសម្រួល៖ សន្យា

ប្រភព៖ pumpitup

ចុចអាន៖មកស្គាល់កំពូលមនុស្សឆ្លាតទី១០ នៅលើពិភពលោកដែលមានកម្រិត IQ 190

ចុចអាន៖តួឯកមេចោរ Jack Sparrow តាមពិតជាកូនកាត់៦សាសន៍ និងរៀបការបីដងមកហើយ

Related Topics:នំខួបកំណើតប្រទេស អេហ្ស៊ីប

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា