ព័ត៌មានជាតិ
សមត្ថកិច្ចម្នាក់បាក់ម្រាមដៃ ខណៈកំពុងចាប់ជនសង្ស័យលួចម៉ូតូ
ជនសង្ស័យម្នាក់ ត្រូវបានសមត្ថកិច្ចចុះឃាត់ខ្លួនទាំងរំលងអធ្រាត្របន្ទាប់ពីសមត្ថកិច្ចខិតខំស្រាវជ្រាវក្រោយពីជនសង្ស័យបានធ្វើសកម្មភាព(អំពើលួច)ហើយរត់គេចខ្លួនមិនបាន១ថ្ងៃល្អផង។ ការចុះឃាត់ខ្លួនជនសង្ស័យម្នាក់ខាងលើសមត្ថកិច្ចថា ធ្វើឡើងដោយមានការសម្របសម្រួលលើនីតិវិធីពីលោក គឺ ប៊ុណ្ណារ៉ា ព្រះរាជអាជ្ញានៃអយ្យការអមសាលាដំបូងខេត្តបាត់ដំបង។
លោកវរសេនីយ៍ឯកឈឿង គឹមសុង នាយការិយាល័យនគរបាលព្រហ្មទណ្ឌកម្រិតស្រាលនៃស្នងការខេត្តបានឲ្យដឹងថា នៅថ្ងៃទី១៩ខែមេសាឆ្នាំ២០២១វេលាម៉ោង០៣:១០នាទីរំលងអធ្រាត្រនៅចំណុចភូមិវត្តរំដួល សង្កាត់ចំការសំរោង ក្រុងបាត់ដំបង ខេត្តបាត់ដំបង លោកបានដឹកនាំកម្លាំងក្រុមអន្តរាគមន៍បង្ការបង្ក្រាបចុះប្រតិបត្តិការបង្ក្រាបករណីលួច(យកម៉ូតូ)០១ករណីនិងបានធ្វើការនាំខ្លួនជនសង្ស័យ០១នាក់ឈ្មោះភាព សុភាហៅ(តូច)ភេទប្រុស អាយុ២៥ឆ្នាំ មានទីលំនៅមិនពិតប្រាកដ។ លោកបន្តថា កាលពីយប់ថ្ងៃទី១៨ ខែមេសា ឆ្នាំ២០២១ វេលាម៉ោង០៧:៤០នាទីនៅចំណុចភូមិអូរចារ សង្កាត់អូរចារ ក្រុងបាត់ដំបង ខេត្តបាត់ដំបងជ នសង្ស័យខាងលើបានធ្វើសកម្មភាពដើរតាមផ្លូវជាតិលេខ៥ រួចក៏បានយកម៉ូតូរបស់ជនរងគ្រោះឈ្មោះ ហួន យឿម ភេទប្រុស អាយុ៦០ឆ្នាំ មានទីលំនៅភូមិអូរចារ សង្កាត់អូរចារ ក្រុងបាត់ដំបង។
លោកបន្តថា ជនសង្ស័យបានធ្វើសកម្មភាពនៅពេលដែលជនរងគ្រោះកំពុងចុះពីលើម៉ូតូដើរទៅបត់ជើងតូចហើយជនសង្ស័យក៏បានជិះម៉ូតូរត់គេចខ្លួនបាត់រហូតមកដល់ថ្ងៃទី១៩ ខែមេសា ឆ្នាំ២០២១វេលាម៉ោង០៣:១០នាទី ទើបកម្លាំងសមត្ថកិច្ចយើងធ្វើការនាំខ្លួនជនសង្ស័យខាងលើ ប៉ុន្តែជនសង្ស័យបានតដៃមកលើសមត្ថកិច្ច ដែលកំពុងប្រតិបត្តិការបណ្តាលឲ្យកម្លាំងសមត្ថកិច្ចលោកព្រិន្ទបាលទោ សុង ហាក់ រងរបួសបាក់ម្រាមប្រអប់ដៃខាងឆ្វេង។
វត្ថុតាងដកហូតរួមមាន៖ ម៉ូតូ០១គ្រឿងម៉ាកហុងដាឌ្រីមសេ១២៥ពណ៌ខ្មៅស៊េរីឆ្នាំ២០១២ បិតតែមឆ្នាំ២០១៥ គ្មានស្លាកលេខ(ជារបស់ជនរងគ្រោះ)។ បច្ចុប្បន្នការិយាល័យជំនាញកំពុងតែសាកសួរនិងកសាងសំណុំរឿង ដើម្បីបញ្ជូនទៅសាលាដំបូងខេត្តបាត់ដំបងចាត់ការតាមនីតិវិធី៕
អត្ថបទ៖ សៅ សារិទ្ធ
សូមចុចអាន៖ សមត្ថកិច្ចឃាត់ខ្លួនជនសង្ស័យ ៣នាក់ ក្រោយពីធ្វេីសកម្មភាព លួចរុឺម៉កប្រជាពលរដ្ឋតែមិនបានសម្រេច
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៦ ថ្ងៃ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព