ព័ត៌មានជាតិ
អតីតរដ្ឋមន្រ្តីក្រសួងសាធារណការ ឯកឧត្តម ត្រាំ អ៉ីវតឹក ទទួលមរណភាព
មុននេះបន្តិចឯកឧត្តម សួន សេរីរដ្ឋា រដ្ឋលេខាធិការក្រសួងអភិវឌ្ឍន៍ជនបទ បានបង្ហោះពីដំណឹងមរណភាពរបស់ឯកឧត្តម ត្រាំ អ៉ីវតឹក អតីតរដ្ឋមន្រ្តីក្រសួងសាធារណការនិងដឹកជញ្ជូន និងបច្ចុប្បន្នជាទេសរដ្ឋមន្រ្តីទទួលបន្ទុកបេសកកម្មពិសេស។
ដោយសម្តែងការចូលរួមរំលែកទុក្ខដ៏ក្រៀមក្រំ ឯកឧត្តម សួន សេរីរដ្ឋា បានបញ្ជាក់ថា មរណភាពរបស់ឯកឧត្តមត្រាំ អ៉ីវតឹក គឺជាការបាត់បង់នូវធនធានមនុស្សដ៏សំខាន់របស់ជាតិ។ ឯកឧត្តមជាចាស់ទុំដែលមានចរិតដឹកនាំស្លូតបូត ម៉ឺងម៉ាត់ និងសំដីសំដៅមួយៗច្បាស់ៗ ព្រមទាំងសមញ្ញគួរជាទីគោរព និងយកគំរូរៀនសូត្រតាម។
បើតាមឯកឧត្តម សួន សេរីរដ្ឋា អតីតរដ្ឋមន្រ្តីក្រសួងសាធារណការនិងដឹកជញ្ជូនឯកឧត្តម ត្រាំ អ៉ីវតឹក បានផុតដង្ហើមនៅម៉ោងជាង២រសៀល ថ្ងៃទី១ មិថុនានេះ ក្នុងអាយុ៧២ឆ្នាំ ដោយរោគាពាធ។
គួរបញ្ជាក់ថា ឯកឧត្តម ត្រាំ អ៊ីវតឹក ជាទេសរដ្ឋមន្ត្រីទទួលបន្ទុកបេសកកម្មពិសេស និងជាប្រធានក្រុមការងារថ្នាក់ជាតិប្រចាំស្រុកកំពង់លែង ខេត្តកំពង់ឆ្នាំង។
ឯកឧត្តមត្រាំ អ៉ីវតឹក បានកាន់តំណែងជាររដ្ឋមន្រ្តីក្រសួងសាធារណការនិងដឹកជញ្ជូនពីឆ្នាំ២០០៨ ដល់២០១៦។ បន្ទាប់ពីរដ្ឋាភិបាលសម្រេចរុះរើគណៈរដ្ឋមន្រ្តីនៅឆ្នាំ២០១៦ ឯកឧត្តមបានមកកាន់តំណែងជារដ្ឋមន្រ្តីក្រសួងប្រៃសនីយ៍និងទូរគមនាគមន៍ពីឆ្នាំ ២០១៦ ដល់ឆ្នាំ២០២០។
នៅខែមីនា ឆ្នាំ២០២០ រដ្ឋាភិបាលបានសម្រេចផ្លាស់ប្តូររដ្ឋមន្រ្តី៤រូបចេញ គឺឯកឧត្តមអង្គ វង្សវឌ្ឍានា រដ្ឋមន្រ្តីក្រសួងយុត្តិធម៌ ឯកឧត្តមហ៊ឹម ឆែម រដ្ឋមន្រ្តីក្រសួងធម្មកា និង សាសនា ឯកឧត្តមត្រាំ អ៉ីវតឹក រដ្ឋមន្រ្តីក្រសួងប្រៃសណីយ៍ និងទូរគមនាគមន៍ និង ឯកឧត្តមពេជ្រ ប៊ុនធិន រដ្ឋមន្រ្តីក្រសួងមុខងារសារធារណៈ ដោយសម្រេចតែងតាំងជាទេសរដ្ឋមន្រ្តីទទួលបន្ទុកបេសសកម្មពិសេស៕
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត